ଆମେରିକାରର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଏମିତି ଏକ ବିଧେୟକ ରେ ସ୍ୱାକ୍ଷର କରିଛନ୍ତି ଯାହାଦ୍ୱାରା ଚୀନ୍ ଆଉ ପରବର୍ତ୍ତୀ ଧର୍ମଗୁରୁ ‘ଦଲାଇଲାମା’ ଚୟନରେ ହୁକୁମାତି କରିପାରିବନାହିଁ । ତିବ୍ଦତରେ ଆମେରିକା ନିଜର ବାଣିଜ୍ୟିକ ଦୂତବାସ ସ୍ଥାପନ କରିବା ସହ ଅନ୍ତରାଷ୍ଟ୍ରୀୟ ଗଠବନ୍ଧନ ସ୍ଥାପନ ନେଇ ପ୍ରକାଶ କରିଛନ୍ତି ।
ଯାହାଫଳରେ ଆଗାମୀ ଧର୍ମଗୁରୁ ଦଲାଇଲାମାଙ୍କ ଚୟନ କେବଳ ତିବ୍ଦତ ବୈାଦ୍ଧ ସମୁଦାୟ କରିପାରିବେ । ‘ ତିବ୍ଦତ ନୀତି ଓ ସମର୍ଥନ ଆଇନ ୨୦୨୦’ ରେ ତିବ୍ଦତ ସମ୍ପର୍କୀତ ବିଭିନ୍ନ କାର୍ଯ୍ୟକ୍ରମରେ ସଂଶୋଧନ ଆଣିଛନ୍ତି । ଟ୍ରମ୍ପ ରବିବାର କରୋନା ଭାଇରସକୁ ପ୍ରତିହତ କରିବା ଓ ସଂଘୀୟ ସରକାରଙ୍କୁ ଅନୁଦାନ ଦେବା ପାଇଁ ୨୩୦୦ ଆରବ ଡଲାରର ପ୍ୟାକେଜ୍ ଘୋଷଣା କରିବା ସହ ଏହି ବିଧେୟକକୁ ମଞ୍ଜୁରୀ ଦେଇଛନ୍ତି ।
ଚୀନ୍ର କଡ଼ା ବିରୋଧ ସତ୍ତ୍ୱେ ଗତ ସପ୍ତାହରେ ଆମେରିକା ସିନେଟ୍ରେ ସର୍ବସମ୍ମତିକ୍ରମେ ଏହି ବିଧେୟକ ପାସ୍ ହୋଇଛି । ଯାହାଫଳରେ ତିବ୍ଦତୀୟଙ୍କୁ ସେମାନଙ୍କର ଧର୍ମଗୁରୁ ଚୟନ କରିବାର ସମସ୍ତ ଅଧିକାର ଦିଆଯାଇଛି । ଫଳରେ ତିବ୍ଦତରେ ଧର୍ମଗୁରୁ ଚୟନରେ ଚୀନ୍ର ହାକିମାତିକୁ ଟ୍ରମ୍ପ ଶେଷ କରିଦେଇଛନ୍ତି ।