ଟ୍ରାନ୍ସଜେଣ୍ଡର ବିଲ୍ ୨୦୧୯ ଟ୍ରାନ୍ସଜେଣ୍ଡରଙ୍କୁ ସମାଜରେ ଅନ୍ୟମାନଙ୍କ ଭଳି ସମ୍ମାନର ସହ ବଞ୍ଚିବାର ଅଧିକାର ସୁନିଶ୍ଚିତ କରିବ ବୋଲି ସାଂସଦ ଡ. ଅଚ୍ୟୁତ ସାମନ୍ତ କହିଛନ୍ତି । ଆଜି ଲୋକସଭାରେ ଟ୍ରାନ୍ସଜେଣ୍ଡର ବିଲ୍ ୨୦୧୯ ଆଲୋଚନାରେ ଭାଗ ନେଇ ସାଂସଦ ଡ. ସାମନ୍ତ କହିଲେ, ଟ୍ରାନ୍ସଜେଣ୍ଡର ବିଲ୍ ୨୦୧୮ରେ କେତେକ ବଳିଷ୍ଠ ସଂଶୋଧନ ଅଣାଯିବା ଏକ ସ୍ୱାଗତଯୋଗ୍ୟ ପଦକ୍ଷେପ । ବିଜୁ ଜନତା ଦଳ ପକ୍ଷରୁ ଏହି ବିଲ୍କୁ ସମର୍ଥନ କରିବା ସହ ଟ୍ରାନ୍ସଜେଣ୍ଡରମାନେ ସମାଜରେ ସବୁଠୁ ଅଧିକ ଅବହେଳିତ ବୋଲି ଡ. ସାମନ୍ତ କହିଥିଲେ ।
ଆହୁରି ପଢନ୍ତୁ :ପୁରୀ ବେଳାଭୂମି ପାଇବ ଅନ୍ତର୍ଜାତୀୟ ବ୍ଲୁ ଫ୍ଲାଗ୍ ବିଚ୍ର ମାନ୍ୟତା, କେନ୍ଦ୍ର ପରିବେଶ ବିଭାଗ କଲା ମନୋନୀତ
ଏହି ବିଲ୍ ଟ୍ରାନ୍ସଜେଣ୍ଡରଙ୍କୁ ସମାଜରେ ଅନ୍ୟ ମାନଙ୍କ ଭଳି ସମ୍ମାନର ସହ ବଞ୍ଚିବା ସୁନିଶ୍ଚିତ କରିବ । ଶିକ୍ଷାର ଅଭାବ ଓ ସ୍ୱାସ୍ଥ୍ୟ ସେବାରୁ ବଞ୍ଚିତ ଭଳି ଅନେକ ସମସ୍ୟାର ସମାଧାନ କରିବା ସହ ସେମାନଙ୍କୁୁ ସମାଜର ମୁଖ୍ୟ ସ୍ରୋତରେ ସାମିଲ କରିବାରେ ଏହି ବିଲ୍ ସହାୟକ ହେବ । ଆମ ସମ୍ବିଧାନ ସମସ୍ତଙ୍କୁ ସମ୍ମାନର ସହ ବଞ୍ଚିବାର ଯେଉଁ ଅଧିକାର ଦେଇଛି, ଟ୍ରାନ୍ସଜେଣ୍ଡରଙ୍କ କ୍ଷେତ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାକୁ ସୁନିଶ୍ଚିତ କରିଛନ୍ତି ବୋଲି ଡ. ସାମନ୍ତ କହିଥିଲେ । ସମାଜରେ ଅନ୍ୟମାନେ ଏମାନଙ୍କୁ ଭିନ୍ନ ଦୃଷ୍ଟିରେ ଦେଖିଥାନ୍ତି । ଏମାନଙ୍କ ସମ୍ପର୍କରେ ପଚରାଗଲେ ଏମାନେ ଟ୍ରେନ୍ ଓ ଟ୍ରାଫିକ୍ ଛକରେ ଭିକ୍ଷାବୃତ୍ତି କରୁଥିବା ଅନେକ କହିଥାନ୍ତି । କେହି କେହି ସେମାନଙ୍କର ଖରାପ ବ୍ୟବହାର ସମ୍ପର୍କରେ ଅଭିଯୋଗ ବଖାଣିଥାନ୍ତି । ସେମାନଙ୍କର ଏଭଳି ଦୁର୍ଦ୍ଦଶା ପାଇଁ ଆମେ ହିଁ ଦାୟୀ ।
ଆହୁରି ପଢନ୍ତୁ :ମଣିଷ ଠାରୁ ବି ସଚେତନ ମାଙ୍କଡ, ଏମିତି କିଛି କଲା ଯାହାର ଭିଡିଓ ଏବେ ହେଉଛି ଭାଇରାଲ୍
ଟ୍ରାନ୍ସଜେଣ୍ଡରମାନେ ନିଜ ପରିବାର ଦ୍ୱାରା ଲାଞ୍ଛିତ ଓ ନିର୍ଯାତିତ ହେବା ସହ ଅନ୍ୟମାନଙ୍କ କୃର ବ୍ୟବହାରରେ ଅତିଷ୍ଠ ହୋଇ ବଞ୍ଚିବା ପାଇଁ ଏଭଳି କାର୍ଯ୍ୟକୁ ଆପଣାଇ ନେଇଥାନ୍ତି । ଆଚାର୍ଯ୍ୟ ମହାମଣ୍ଡଳେଶ୍ୱର ଲକ୍ଷ୍ମୀନାରାୟଣ ତ୍ରିପାଠୀଙ୍କ ଉଦାହରଣ ଦେଇ ଡ. ସାମନ୍ତ କହିଲେ ବହୁ ପ୍ରତିକୁଳ ପରିସ୍ଥିତି ସତ୍ତ୍ୱେ ଲକ୍ଷ୍ମୀନାରାୟଣ ତ୍ରିପାଠୀଙ୍କ ଭଳି ବ୍ୟକ୍ତିମାନେ ନିଜକୁ ସମାଜର ମୁଖ୍ୟ ସ୍ରୋତରେ ସାମିଲ କରିପାରିଛନ୍ତି । ନିଜର ଲକ୍ଷ୍ୟ ହାସଲ କରି ଅନ୍ୟମାନଙ୍କ ସମକକ୍ଷ ବୋଲି ସାହାସର ସହ ପ୍ରମାଣିତ କରିପାରିଛନ୍ତି । ଲକ୍ଷ୍ମୀନାରାୟଣ ତ୍ରିପାଠୀ ଟ୍ରାନ୍ସଜେଣ୍ଡରଙ୍କୁ ସେମାନଙ୍କ ଅଧିକାର ସାବ୍ୟସ୍ତ କରିବାଲାଗି ଲଢେଇ କରି ଶେଷରେ ସର୍ବୋଚ୍ଚ ନ୍ୟାୟଳୟରେ ସଫଳ ହୋଇଥିଲେ । ସର୍ବୋଚ୍ଚ ନ୍ୟାୟଳୟଙ୍କ ନ୍ୟାୟ ପରେ ଏବେ ସେମାନେ ପ୍ୟାନ୍ କାର୍ଡ, ଆଧାର କାର୍ଡ, ପାସ୍ପୋର୍ଟ ଆଦି ଅନେକ କିଛି ସୁବିଧା ପାଇ ସମାଜରେ ଅନ୍ୟମାନଙ୍କ ଭଳି ସମାନ ଅଧିକାର ପାଇପାରୁଛନ୍ତି । ଉଭୟଲିଙ୍ଗି ହୋଇ ଜନ୍ମ ହେବା ସେମାନଙ୍କ ଦୋଷ ନୁହେଁ । ଏହା ମାନବ ଶରୀରରେ ଏକ ଜୈବିକ ପରିବର୍ତ୍ତନ ।
ଆହୁରି ପଢନ୍ତୁ : ଏହି ଗାଁରେ ମଣିଷଙ୍କ ଠାରୁ ନେଇ ପଶୁ ପର୍ଯ୍ୟନ୍ତ ସମସ୍ତେ ଅନ୍ଧ, ଆଶ୍ଚର୍ଯ୍ୟ କରିଦେବ ଏହା ପଛର କାରଣ
ଏହି ବିଲ୍ ଦ୍ୱାରା ଅନ୍ୟମାନଙ୍କ ଭଳି ଶିକ୍ଷା ସ୍ୱସ୍ଥ୍ୟ, ନିଯୁକ୍ତି ଓ ସାମାଜିକ ସମ୍ମାନ ଅଧିକାର ପାଇପାରିବେ । ଏହି ପରିପ୍ରେକ୍ଷୀରେ ନ୍ୟାସନାଲ୍ ଟ୍ରାନ୍ସଜେଣ୍ଡର ପରିଷଦରେ ୫ ଜଣଙ୍କ ପରିବର୍ତ୍ତେ ୧୦ ଜଣ ଟ୍ରାନ୍ସଜେଣ୍ଡର ବ୍ୟାକ୍ତିଙ୍କୁ ସାମିଲ କରିବା ପାଇଁ ଡ. ସାମନ୍ତ ମହିଳା ଓ ଶିଶୁ କଲ୍ୟାଣ ବିକାଶ ମନ୍ତ୍ରାଳୟ ସମେତ ଏହି ପରିଷଦରେ ସଦସ୍ୟ ଥିବା ଅନ୍ୟ ମନ୍ତ୍ରାଳୟଗୁଡ଼ିକୁ ଅନୁରୋଧ କରିଥିଲେ । ସେମାନଙ୍କ ସ୍ୱରକୁ ଗୁରୁତ୍ୱ ପ୍ରଦାନ କରାଯିବା ଉଚିତ୍ । ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ରାନ୍ସଜେଣ୍ଡରଙ୍କୁ ବିପିଏଲ୍ଙ୍କ ଭଳି ନିହାତି ଦରରେ ଚାଉଳ, କିରୋସିନ୍ ଓ ଅନ୍ୟାନ୍ୟ ସାମଗ୍ରୀ ଯୋଗାଇ ଦେବାଭଳି ସୁବିଧା ପ୍ରଦାନ କରିଛନ୍ତି । ମୀରା ପରିଡ଼ାଙ୍କ ଭଳି ଟ୍ରାନ୍ସଜେଣ୍ଡରଙ୍କୁ ରାଜନୈତିକ ପଦବୀରେ ଅବସ୍ଥାପିତ କରାଇଛନ୍ତି । ସେମାନଙ୍କୁ ସୁଯୋଗ ଦିଆଗରେ ସେମାନେ ମଧ୍ୟ ସମାଜରେ ଅନ୍ୟ ମାନଙ୍କ ସହ ସମକକ୍ଷ ହୋଇପାରିବେ । ବିଚାରପତିଙ୍କଠାରୁ ଆରମ୍ଭ କରି ଅନ୍ୟାନ୍ୟ ବହୁ ଗୁରୁତ୍ୱପୂର୍ଣ୍ଣ ପଦପଦବୀରେ ରହି ସେମାନଙ୍କ ସେମାନହ୍କର ଦକ୍ଷତା ପ୍ରମାଣିତ କରିଛନ୍ତି । ଟ୍ରାନ୍ସଜେଣ୍ଡରଙ୍କୁ ନିଯୁକ୍ତି ସୁଯୋଗ ପ୍ରଦାନ କରିବାରେ ଦେଶର ପ୍ରଥମ ଅନୁଷ୍ଠାନ ଭାବେ କିଟ୍ ଓ କିସ୍ ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛି ।
ବର୍ତ୍ତମାନର ଖରା ଓ ଗରମ ଯୋଗୁ ଘରୁ ବାହାରକୁ ଯିବା ବହୁତ କଷ୍ଟକର ହୋଇଯାଇଛି । ଏହା ସହ ଖରାରେ…
କାକଟପୁର(କେନ୍ୟୁଜ): ଓଡ଼ିଶାର ପାରମ୍ପରିକ ପର୍ବ ରଜ । ଏଥିପାଇଁ ଗାଁ ଠାରୁ ସହର ସବୁଠାରେ ଖୁସିର ମାହୋଲ ଦେଖିବାକୁ ମିଳିଥିଲା…
ସାଓମି ହେଉଛି ଭାରତର ଏକ ଲୋକପ୍ରିୟ ସ୍ମାର୍ଟଫୋନ୍ କମ୍ପାନୀ । ସାରା ଦେଶରେ ଲକ୍ଷ ଲକ୍ଷ ଲୋକ ସାଓମି ସ୍ମାର୍ଟଫୋନ୍…
ରାଜଧାନୀ ଦିଲ୍ଲୀରେ ବିଜୁଳି କାଟ୍ ହେବା ଯୋଗୁଁ ସବୁ କାର୍ଯ୍ୟରେ ପ୍ରଭାବ ପଡିଛି । ବିଜୁଳି କାଟ ହେବା ଯୋଗୁଁ…
ଭୁବନେଶ୍ୱର : ଡକ୍ଟର ଅଚ୍ୟୁତ ସାମନ୍ତଙ୍କ ଏକ ଅଭିନବ ପ୍ରୟାସ ହେଉଛି ଆର୍ଟ ଅଫ୍ ଗିଭିଙ୍ଗ । ଯାହାକି ପ୍ରତିବର୍ଷ…
ନୀଳଗିରି : ଘରୋଇ କଳହର କରୁଣ ପରିଣତି । ସ୍ତ୍ରୀର ବେକ କାଟି ମାରିବାକୁ ଉଦ୍ୟମ କଲା ସ୍ୱାମୀ। ବାଲେଶ୍ୱର…