ପୁଣି ସମ୍ବିତ ପାତ୍ରଙ୍କୁ ନୂଆ ଦାୟିତ୍ବ, ITDCର ଚେୟାରମ୍ୟାନ ପଦରେ ନିଯୁକ୍ତ କରିଛନ୍ତି କେନ୍ଦ୍ରସରକାର
କେନ୍ୟୁଜ୍(ବ୍ୟୁରୋ): ବିଜେପି ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ରଙ୍କୁ ନୂଆ ଦାୟିତ୍ୱ । ଭାରତୀୟ ପର୍ଯ୍ୟଟନ ମନ୍ତ୍ରଣାଳୟ ପରିସରଭୁକ୍ତ ଭାରତୀୟ ପର୍ଯ୍ୟଟନ ବିକାଶ ନିଗମ (ଆଇଟିଡିସି)ର ଚେୟାରମ୍ୟାନ ପଦରେ ନିଯୁକ୍ତ କରିଛନ୍ତି କେନ୍ଦ୍ରସରକାର। ଏହା ପୂର୍ବରୁ ସମ୍ବିତ ପାତ୍ର ଓଏନଜିସର ସ୍ୱତନ୍ତ୍ର ନିର୍ଦ୍ଦେଶକ ରହିଛନ୍ତି।
ଦାୟିତ୍ୱ ଗ୍ରହଣ କରିବା ଦିନଠାରୁ ୩ ବର୍ଷ ପର୍ଯ୍ୟନ୍ତ ଡକ୍ଟର ପାତ୍ର ପାର୍ଟ ଟାଇମରେ ଅଣ-କାର୍ଯ୍ୟନିର୍ବାହୀ ନିର୍ଦ୍ଦେଶକ ଏବଂ ଆଇଟିଡିସିର ଅଧ୍ୟକ୍ଷ ରହିବେ। ଆହୁରି ମଧ୍ୟ GKV ରାଓ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଆଇଟିଡିସିର MD ଭାବେ କାର୍ଯ୍ୟ କରିବେ । ଏହାପୂର୍ବରୁ କେରଳ କ୍ୟାଡରର ୧୯୯୦ ବ୍ୟାଚ୍ ଏହି IAS ଅଧିକାରୀ ରାଓ ମୁଖ୍ୟ ସଚିବ ଥିଲେ। ପୂର୍ବରୁ ୨୦୧୪-୧୫ରେ ମଧ୍ୟ ସେ କେରଳର ପର୍ଯ୍ୟଟନ ସଚିବ ଭାବେ ମଧ୍ୟ କାର୍ଯ୍ୟ କରିଛନ୍ତି ।
ସମ୍ବିତ ପାତ୍ରା ଭାରତୀୟ ଜନତା ପାର୍ଟିର ପ୍ରମୁଖ ପ୍ରବକ୍ତାଙ୍କ ମଧ୍ୟରୁ ଜଣେ । ସେ ଗଣମାଧ୍ୟମରେ ପାର୍ଟି ପକ୍ଷରେ ମଜବୁତ ଡିବେଟ କରିପାରୁଥିବା ଜଣେ ନେତା । ସମ୍ବିତ ପାତ୍ରାଙ୍କୁ ୨୦୧୭ ମସିହାରେ ଓଏନଜିସିର ସ୍ୱତନ୍ତ୍ର ଡାଇରେକ୍ଟର ପଦରେ ଅବସ୍ଥାପିତ କରାଯାଇଥିଲା । ଏହି ପଦର କାର୍ଯ୍ୟକାଳ ୩ ବର୍ଷ ରହିଥିଲା ।
