ଅଧରାତିରେ ଭୂକମ୍ପ ଝଟକାରେ ଥରିଲା ଆଫଗାନିସ୍ତାନରେ । ଆଫଗାନର ରାଜଧାନୀ କାବୁଲରେ ଏହି ଭୂକମ୍ପ ଅନୁଭୂତ ହୋଇଥିଲା । ଭୂକମ୍ପର ତୀବ୍ରତା ୪.୯ ରହିତିଲା । ରାତିଅଧରେ ଭୂକମ୍ପ ଯୋଗୁଁ ଲୋକମାନେ ଶୋଇଥିବା ଅବସ୍ଥାରେ ଘରୁ ଦୌଡିଥିଲେ । ତେବେ କୌଣସି ଜନହାନୀ ହୋଇନାହିଁ ବୋଲି ଖବର ମିଳିଛି ।
ନ୍ୟାସନାଲ ସେଣ୍ଟର ଫର ସେସମୋଲୋଜି (ଏନସିଏସ୍) କହିଛି ଯେ, ଶୁକ୍ରବାର ରାତି ପ୍ରାୟ ୧ଟା ସମୟରେ ଆଫଗାନିସ୍ତାନରେ ଏକ ଭୂକମ୍ପ ଘଟିଛି । ଏହାର ତୀବ୍ରତା ରିକ୍ଟର ସ୍କେଲରେ ୪.୯ ରେକର୍ଡ କରାଯାଇଥିଲା । ଭୂକମ୍ପ ୧୬୦ କିଲୋମିଟର ଗଭୀରତାରେ ହୋଇଥିଲା । ଏପର୍ଯ୍ୟନ୍ତ କୌଣସି ଜୀବନ କିମ୍ବା ସମ୍ପତ୍ତି ନଷ୍ଟ ହେବାର ସୂଚନା ନାହିଁ ।
EQ of M: 4.9, On: 21/03/2025 01:00:57 IST, Lat: 36.48 N, Long: 71.45 E, Depth: 160 Km, Location: Afghanistan.
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/mU09Ak6sDL— National Center for Seismology (@NCS_Earthquake) March 20, 2025
ଏହାପୂର୍ବରୁ ମାର୍ଚ୍ଚରେ ୪.୦ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ହୋଇଥିଲା । ଏନସିଏସ୍ ଅନୁଯାୟୀ, ଗଭୀର ଭୂକମ୍ପ ଅପେକ୍ଷା ଅଳ୍ପ ଭୂକମ୍ପ ଅଧିକ ବିପଜ୍ଜନକ। ଆଫଗାନିସ୍ତାନ ଏକ ଭୂକମ୍ପ ସମ୍ବେଦନଶୀଳ ଅଞ୍ଚଳ ।
ଏହାପୂର୍ବରୁ ଭାରତର ମେଘାଳୟରେ ଭୂକମ୍ପ ଝଟକା ଅନୁଭୂତ ହୋଇଥିଲା । ଭୂକମ୍ପର ତୀବ୍ରତା ୩.୫ ରହିଥିଲା । ମେଘାଳୟରେ ସନ୍ଧ୍ୟା ୫ଟା ୪୧ ମିନିଟରେ ମେଘାଳୟରେ ଭୂକମ୍ପ ଝଟକା ଅନୁଭୂତ ହୋଇଥିଲା । ଭୂକମ୍ପର କେନ୍ଦ୍ର ମେଘାଳୟର ପୂର୍ବ ଗୋରା ହିଲ୍ସ ଠାରୁ ୧୦ କିମି ଗଭୀରତାରେ ବୋଲି ଜଣାପଡିଥିଲା । ସେହିପରି ୧୮ ମାର୍ଚ୍ଚରେ ମଣିପୁରରେ ଅଧରାତିରେ ଭୂକମ୍ପ ଝଟକା ଅନୁଭୂତ ହୋଇଥିଲା । ୩.୮ ତୀବ୍ରତାର ଭୂକମ୍ପ ଝଟକା ଅନୁଭୂତ ହୋଇଥିଲା ।
ସୂଚନାଯୋଗ୍ୟ, ପୂର୍ବରୁ ଆଫଗାନିସ୍ତାନରେ ଅନେକ ବଡ଼ ଭୂକମ୍ପ ଘଟିଥିଲା । ଭୂକମ୍ପରେ ପ୍ରାୟ ୪,୦୦୦ ଲୋକଙ୍କର ମୃତ୍ୟୁ ଘଟିଥିଲା । ୯ ହଜାରରୁ ଅଧିକ ଲୋକ ଆହତ ହୋଇଥିଲେ । ୧୩ ହଜାର ଘର କ୍ଷତିଗ୍ରସ୍ତ ହୋଇଥିଲା । ସେହି ସମୟରେ ଭୂକମ୍ପର ତୀବ୍ରତା ୬.୩ ରେ ମାପ କରାଯାଇଥିଲା ।
Also Read : ଗାଜାରେ ପୁଣି ଏୟାରଷ୍ଟ୍ରାଇକ କଲା ଇସ୍ରାଏଲ, ୩୦୦ରୁ ଅଧିକ ମୃତ