ଗୁଜରାଟ ଭରୁଚରେ ମର୍ମନ୍ତୁଦ ଦୁର୍ଘଟଣା । ଘଟଣାରେ ୬ ଜଣଙ୍କ ଜୀବନ ଚାଲିଯାଇଛି । ରାସ୍ତାରେ ଛିଡା ହୋଇଥିବା ଟ୍ରକ୍ରେ ପିଟିହେଲା ଇକୋ କାର୍ । ଦୁର୍ଘଟଣା ଏତେ ଭୟଙ୍କର ଇକୋ କାର୍ଟି ସମ୍ପୂର୍ଣ୍ଣ ଚୁରମାର ହୋଇଛି । ମୃତକଙ୍କ ମଧ୍ୟରେ ଦୁଇଜଣ ପିଲା ଏବଂ ଦୁଇଜଣ ମହିଳା ରହିଛନ୍ତି । ଦୁର୍ଘଟଣାରେ ୪ ଜଣ ଆହତ ହୋଇଛନ୍ତି । ସେମାନଙ୍କୁ ହସପିଟାଲରେ ଭର୍ତ୍ତି ହୋଇଛନ୍ତି ।
ଭରୁଚର ଜମ୍ବୁସର-ଆମୋଦ ରାସ୍ତାରେ ଇକୋ କାରରେ ୬ ଜଣ ଲୋକଙ୍କର ମୃତ୍ୟୁ ହୋଇଛି । ସୂଚନା ମିଳିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ୪ ଜଣଙ୍କୁ ହସପିଟାଲରେ ଭର୍ତ୍ତି କରିଛି । ମୃତଦେହକୁ ବ୍ୟବଚ୍ଛେଦ ପାଇଁ ହସପିଟାଲ ପଠାଯାଇଛି ।
ତେବେ ଇକୋ ଗାଡିରେ ଥିବା ସମସ୍ତ ଲୋକ ଜମ୍ବୁସରର ବେଡଚ ଏବଂ ପାଞ୍ଚକଡା ଗାଁ ବାସିନ୍ଦା । ସମସ୍ତେ ଶୁକ୍ଳତୀର୍ଥରେ ଚାଲୁଥିବା ମେଳରୁ ଫେରୁଥିଲେ । ଗାଡିରେ ୧୦ ଜଣ ରହିଥିଲେ । ଫଳରେ ୬ ଜଣଙ୍କର ଜୀବନ ଚାଲିଯାଇଛି ।
ସେହିପରି ଉତ୍ତରାଖଣ୍ଡର ଡେରାଡୁନରେ ବିଏମ୍ଡବ୍ଲ୍ୟୁ କାର୍ ସହ ରେସ୍ କରି ଟ୍ରକ୍ରେ ପିଟିହେଲା ଇନୋଭା କାର୍ । ଦୁର୍ଘଟଣାରେ ୬ ଜଣ ଆଖି ବୁଜିଛନ୍ତି । ସମସ୍ତ ମୃତକଙ୍କ ବୟସ ୨୫ ବର୍ଷ ଭିତରେ ହେବ ଓ ସମସ୍ତେ ପାଠ ପଢ଼ୁଥିବା ଜଣାଯାଇଛି। ମୃତକ ଜଣଙ୍କ ମଧ୍ୟରୁ ୫ ଜଣଙ୍କ ଘର ଡେରାଡୁନରେ ବୋଲି ଜଣାଯାଇଛି । ସମସ୍ତ ୭ ଯୁବକଯୁବତୀ ଗତ ରାତିରେ ଲଙ୍ଗ ଡ୍ରାଇଭରେ ବାହାରିଥିବା ବେଳେ ଏହି ଦୁର୍ଘଟଣା ଘଟିଥିବା ଜଣାଯାଇଛି ।
ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ଦୁର୍ଘଟଣା ଖବର ପାଇ ଗଭୀର ଶୋକ ପ୍ରକାଶ କରି ମୃତକଙ୍କ ପରିବାରବର୍ଗଙ୍କ ପ୍ରତି ଗଭୀର ସମବେଦନା ଜଣାଇଛନ୍ତି ।