ଆପ୍ ବିଧାୟକ ଅମାନତୁଲ୍ଲାହ ଖାନଙ୍କ ବାଟଲା ହାଉସ ସ୍ଥିତ ଘରେ ଇଡି ଟିମ ଚଢାଉ କରିଛି । ଇଡି ସୋମବାର ସକାଳୁ ସକାଳୁ ଅମାନତୁଲ୍ଲାହ ଖାନଙ୍କ ଘରେ ଚଢାଉ କରିବାକୁ ଯାଇଥିଲା । ଇଡି ଟିମ୍ ଓ୍ୱାକଫ ବୋର୍ଡ ମନି ଲଣ୍ଡ୍ରିଂ ମାମଲାରେ ଯାଞ୍ଚ ପାଇଁ ତାଙ୍କ ଘରେ ଚଢାଉ କରିଥିଲା । ଏହି ମାମଲାରେ ଇଡି ଅଧିକାରୀ ଅମାନତୁଲ୍ଲାହଙ୍କୁ ପଚରାଉଚରା କରୁଛି ।
ଇଡି ଚଢାଉ କରିବାକୁ ଯାଇଥିବା ସମୟରେ ବିଧାୟକ ଅମାନତୁଲ୍ଲାହ ଘର କବାଟ ଖୋଲିନଥିଲେ । ତେଣୁ ଇଡି ଅଧିକାରୀ ତାଙ୍କ ଘର ବାହାରେ ଠିଆ ହୋଇଥିଲେ । ଏଭଳି ପରିସ୍ଥିତିରେ ସ୍ଥାନୀୟ ପୋଲିସକୁ ଡକାଯାଇଛି । ୱାକଫ ବୋର୍ଡ ମାମଲାରେ ଇଡିର ଏକ ଟିମ୍ ଅମାନତୁଲ୍ଲାହ ଖାନଙ୍କ ଘରେ ଚଢ଼ାଉ ପାଇଁ ଆଜି ସକାଳୁ ପହଞ୍ଚିଥିଲା ।
ଏହାକୁ ନେଇ ଆପ୍ ବିଧାୟକ ଅମାନତୁଲ୍ଲାହ ଖାନ୍ ଏକ ଭିଡିଓ ସେୟାର କରିଛନ୍ତି । ସେ କହିଛନ୍ତି, ‘ଇଡିର ଲୋକମାନେ ଆଜି ସକାଳ ୭ଟାରେ ମୋ ଘରେ ପହଞ୍ଚିଛନ୍ତି । ସର୍ଚ୍ଚ ୱାରେଣ୍ଟ ନାମରେ ଇଡିର ଟିମ୍ ମୋତେ ଗିରଫ କରିବାକୁ ଆସିଛନ୍ତି । ମୋ ଶାଶୁ କ୍ୟାନସର ରୋଗରେ ପୀଡିତ । ୪ ଦିନ ପୂର୍ବରୁ ତାଙ୍କର ଅପରେସନ କରାଯାଇଛି । କେବଳ ମୋତେ ନୁହେଁ ମୋ ଦଳକୁ ମଧ୍ୟ ହଇରାଣ କରୁଛନ୍ତି । ଏମାନଙ୍କ ଉଦ୍ଧେଶ୍ୟ ହେଲା ଆମକୁ ଭାଙ୍ଗିବା ଓ ଅଲଗା କରିବା । କିନ୍ତୁ ଏମାନଙ୍କୁ ଆମେ ଡରିବୁ ନାହିଁ । ମୋର ଆଇନ ବ୍ୟବସ୍ଥା ଉପରେ ଓ ଅଦାଲତ ଉପରେ ବିଶ୍ୱାସ ରହିଛି । ନିଶ୍ଚିତ ଆମକୁ ନ୍ୟାୟ ମିଳିବ ।
अभी सुबह-सुबह तानाशाह के इशारे पर उनकी कटपुतली ED मेरे घर पर पहुँच चुकी है, मुझे और AAP नेताओं को परेशान करने में तानाशाह कोई कसर नहीं छोड़ रहा।
ईमानदारी से अवाम की ख़िदमत करना गुनाह है?
आख़िर ये तानाशाही कब तक?#EDRaid #Okhla pic.twitter.com/iR2YN7Z9NL
— Amanatullah Khan AAP (@KhanAmanatullah) September 2, 2024