ପାକିସ୍ତାନ ବିଦେଶ ମନ୍ତ୍ରୀ ଶାହ ମେହମୁଦ କ୍ୟୁରେସି ଶନିବାର ଦାବି କରିଛନ୍ତିକି ଭାରତର ପୂର୍ବ ପ୍ରଧାନ ମନ୍ତ୍ରୀ ମନମୋହନ ସିଂ କରତାର ପୁର ସାହିବର ଉଦଘାଟନ ଉତ୍ସବରେ ଯୋଗ ଦେବେ । ଗୁରୁ ନାନକଙ୍କ ୫୫୦ତମ ଜନ୍ମ ଜୟନ୍ତୀ ପୂର୍ବରୁ ନଭେମ୍ବର ମାସ ୯ ତାରିତାରଖରେ କରପୁର ସାହିବର ଉଦଘାଟନ କରାଯିବାର ଅଛି । କ୍ୟୁରେସି ଏହା ମଧ୍ୟ କହିଛନ୍ତି କି ଶ୍ରୀ ସିଂହ ମୁଖ୍ୟଅତିଥି ରୂପେ ନୁହେଁ ବରଂ ଏକ ସାଧାରଣ ବ୍ୟକ୍ତି ଭାବେ ହିଁ ଅଂଶଗ୍ରହଣ କରିବେ । କ୍ୟୁରେସି ଏହା ମଧ୍ୟ ଦାଵା କରିଛନ୍ତି କି ମନ ମୋହନ ସିଂହ ଏକ ଲିଖିତ ପତ୍ର ମାଧ୍ୟମରେ ଗୁରୁଦ୍ୱାର ଯାତ୍ରାର ପୁଷ୍ଟି କରିଛନ୍ତି । ତାଙ୍କ ଅନୁଯାୟୀ ତାଙ୍କ ଆମନ୍ତ୍ରଣ ରକ୍ଷା କରି ମନମୋହନ ସିଂହ ଉତ୍ସବରେ ଯୋଗ ଦେବା ପାଇଁ ହଁ ଭରିଛନ୍ତି । କିନ୍ତୁ ଶ୍ରୀ ସିଂହ ଅନୁରୋଧ କରିଛନ୍ତିକି ସେ ଏକ ମୁଖ୍ୟ ଅତିଥି ଭାବେ ନୁହେଁ ବରଂ ଏକ ସାଧାରଣ ଲୋକ ଭାବେ ହିଁ ଯୋଗ ଦେବେ ।
ଏହା ସହ ପଢନ୍ତୁ: ଅଯୋଧ୍ୟା ଜମି ସହ ଜଡିତ ସମସ୍ତ ପକ୍ଷ ଦାଖଲ କଲେ ଲିଖିତ ଜବାବ
କ୍ୟୁରେସି କହିଛନ୍ତି କି ଯେଉଁ ଭାବେ ଗଲେ ମଧ୍ୟ ସେମାନେ ମନମୋହନ ସିଂହଙ୍କର ସାଦର ସ୍ୱାଗତ କରିବେ । ସୂଚନା ଯୋଗ୍ୟ କି କିଛି ଦିନ ପୂର୍ବେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ମନମୋହନ ସିଂହଙ୍କୁ କରତାରପୁର କରିଡରର ଉଦଘାଟନ ଉତ୍ସବକୁ ଆମନ୍ତ୍ରଣ କରିଥିଲେ । କିନ୍ତୁ ପଞ୍ଜାବ ମୁଖ୍ୟମନ୍ତ୍ରୀ ଅମରୀନ୍ଦ୍ର ସିଂହ ବିଧିବଦ୍ଧ ଭାବେ କହିଥିଲେ କି ମନମୋହନ ସିଂହ କି ସେ ନିଜେ ପାକିସ୍ତାନ ଦ୍ୱାରା ଆୟୋଜିତ କୌଣସି ଉଦଘାଟନ ଉତ୍ସବରେ ଯୋଗ ଦେବେ ନାହିଁ । ଏଠାରେ କହି ରଖୁଛୁ କି କରତାରପୁର ହେଉଛି ସେହି ଜାଗା ଯେଉଁଠାରେ ଶିଖ ମାନଙ୍କ ପ୍ରଥମ ଗୁରୁ, ଗୁରୁ ନାନକଦେବ ନିଜ ଜୀବନର ଶେଷ ୧୭-୧୮ ବର୍ଷ ଅତିବାହିତ କରିଥିଲେ । ସେଠାରେ ତାଙ୍କ ମୃତ୍ୟୁ ପରେ ଏକ ସେଠାରେ ଏକ ଗୁରୁଦ୍ୱାର ମଧ୍ୟ ନିର୍ମାଣ କରାଯାଇଥିଲା । ଏହି ଗୁରୁଦ୍ୱାରଟି ପାକିସ୍ତାନରେ ପ୍ରଭାହିତ ରବି ନଦୀ କୂଳରେ ଅବସ୍ଥିତ ।