ହରିୟାଣାର ଚରଖି ଦାଦ୍ରି ଅଞ୍ଚଳରେ ଜଣେ ଚାଷୀଙ୍କ ଦୁଃଖଦ ମୃତ୍ୟୁ ଘଟିଛି । ଖବରରୁ ଜଣାପଡ଼ିଛି ଯେ ଚାଷୀଙ୍କ ଗହମ କ୍ଷେତରେ ବ୍ୟାପକ ନିଆଁ ଲାଗିଯାଇଥିଲା । ଯେତେବେଳେ ସେ ଘଟଣାସ୍ଥଳରେ ପହଞ୍ଚିଥିଲେ, ସଙ୍ଗେ ସଙ୍ଗେ ନିଆଁ ଲିଭାଇବାକୁ ଚେଷ୍ଟା ଆରମ୍ଭ କରିଦେଇଥିଲେ । କିନ୍ତୁ ଏହାରି ଭିତରେ ସେ ଗୁରୁତର ଭାବରେ ଜଳିଯିବାରୁ ତାଙ୍କର ମୃତ୍ୟୁ ଘଟିଥିଲା । ଏହି ଘଟଣାରେ ପରିବାରରେ ଦୁଃଖର ବାତାବରଣ ଖେଳିଯାଇଛି ।
ସେପଟେ ୫ ଏକରରେ ହୋଇଥିବା ଗହମ ଫସଲ ମଧ୍ୟ ନିଆଁରେ ଜଳି ନଷ୍ଟ ହୋଇଯାଇଛି । ସୂଚନା ଅନୁସାରେ, ଏହି ଘଟଣା ଘଟିଛି ଚରଖି ଦାଦ୍ରିର ସାନ୍ତୋର ଗ୍ରାମରେ । କୌଣସି କାରଣରୁ ଏଠାରେ ଗହମ କ୍ଷେତରେ ନିଆଁ ଲାଗିଯାଇଥିଲା । ପାଖାପାଖି ୫ ଏକର ଗହମ ଫସଲ ନିଆଁ ସଂସ୍ପର୍ଶରେ ଆସିଯାଇଥିଲା । କ୍ଷେତରେ ଲାଗିଥିବା ଭୀଷଣ ନିଆଁକୁ ଲିଭାଇବା ବେଳେ ଚାଷୀଙ୍କ ଦୁଃଖଦ ମୃତ୍ୟୁ ଘଟିଥିଲା । ସେ ନିଆଁରେ ସମ୍ପୂର୍ଣ୍ଣ ଭାବେ ଜଳିଯାଇଥିଲେ ।
ସୂଚନା ମୁତାବକ, ମଙ୍ଗଳବାର ଅପରାହ୍ନରେ ସାନ୍ତୋର ଗ୍ରାମର ଗହମ କ୍ଷେତରେ କୌଣସି କାରଣରୁ ନିଆଁ ଲାଗିଯାଇଥିଲା । ଏ ନେଇ ଖବର ପାଇବା କ୍ଷଣି ଚାଷୀମାନେ ସେମାନଙ୍କ ଟ୍ରାକ୍ଟର ସହିତ ସେଠାରେ ପହଞ୍ଚିଥିଲେ ଏବଂ ହଳ କରି ନିଆଁ ଲିଭାଇବାକୁ ଚେଷ୍ଟା କରିଥିଲେ ।
ତେବେ ଏହି ସମୟରେ ଯେତେବେଳେ ୪୫ ବର୍ଷୀୟ ଚାଷୀ ଜୟପ୍ରକାଶ ନିଜ କ୍ଷେତରେ ଲାଗିଥିବା ନିଆଁକୁ ଲିଭାଇବା ପାଇଁ ଯାଇଥିଲେ, ସେତେବେଳେ ସେ ନିଆଁ ସଂସ୍ପର୍ଶରେ ଆସିଯାଇଥିଲେ । ଖବର ପାଇ ଅଗ୍ନିଶମ ବାହିନୀ ପହଞ୍ଚି ବହୁ ଚେଷ୍ଟା ପରେ ନିଆଁକୁ ଆୟତ୍ତ କରିଥିଲେ । ଏହି ସମୟରେ ଚାଷୀ ଜୟପ୍ରକାଶ କ୍ଷେତରେ ହିଁ ମୃତ ଅବସ୍ଥାରେ ମିଳିଥିଲେ ।
ସଦର ଥାନା ପୋଲିସ ପହଞ୍ଚି ଚାଷୀଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ସିଭିଲ ହସ୍ପିଟାଲ ପଠାଇଥିଲା । ସେପଟେ ଘଟଣା ବିଷୟରେ ଅବଗତ ହେବା ପରେ ପୂର୍ବତନ ମନ୍ତ୍ରୀ ସତ୍ୟପାଲ ସାଙ୍ଗୱାନ ଓ ବିଜେପି ନେତ୍ରୀ ବବିତା ଫୋଗାଟ ଡାକ୍ତରଖାନାରେ ପହଞ୍ଚି ମୃତକଙ୍କ ପରିବାର ଲୋକଙ୍କୁ ସାନ୍ତ୍ୱନା ଦେଇଥିଲେ । ଏହାସହ ଘଟଣାର ତଦନ୍ତ ପରେ ଉପଯୁକ୍ତ କ୍ଷତିପୂରଣ ଦେବାକୁ ପ୍ରଶାସନକୁ ଦାବି କରିଥିଲେ ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…