ଗୌହାଟି : ଆସାମରେ ଏବେ ପ୍ରଳୟଙ୍କରୀ ବନ୍ୟା । ମଣିଷ, ପଶୁ ପକ୍ଷୀ କେହି ବି ଏହାର ଦାଉରୁ ରକ୍ଷା ପାଇ ନାହାନ୍ତି । ମଣିଷକୁ ତ ମଣିଷ ବଞ୍ଚାଉଛି ହେଲେ ପଶି ପକ୍ଷୀଙ୍କୁ ରକ୍ଷା କରିବ କିଏ ? ଏଭଳି ପରିସ୍ଥିତିରେ କେନ୍ଦ୍ର ବନ୍ୟଜନ୍ତୁ ଥଇଥାନ ଓ ସଂରକ୍ଷଣ ସଂସ୍ଥା (CWRC) ବିପଦରେ ପଡ଼ିଥିବା ଜଙ୍ଗଲୀ ଜନ୍ତୁଙ୍କୁ ଉଦ୍ଧାର କରୁଛନ୍ତି ।
A female rhino calf was separated from her mother due to high flood in the Agartoli range yesterday. As we could not locate the mother, team CWRC along with @kaziranga_ staffs rescued it and currently under care at our rescue centre-CWRC. @ParimalSuklaba1 @wti_org_India pic.twitter.com/LLPHrDPQ8Z
— Kaziranga National Park & Tiger Reserve (@kaziranga_) July 15, 2020
ଆସାମ କାଜିରଙ୍ଗା ନେସନାଲ ପାର୍କ ଅଭୟାରଣ୍ୟ ମଧ୍ୟ ପାଣିରେ ବୁଡ଼ି ଯାଇଛି । ଗତକାଲି ଏହି ଜଳମଗ୍ନ ଅଞ୍ଚଳରୁ ଏକ ଶିଶୁ ଗଣ୍ଡାକୁ ଉଦ୍ଧାର କରିଛନ୍ତି ସିଡବଲ୍ୟୁଆରସି ସଦସ୍ୟ । ଏହି ଶିଶୁ ଗଣ୍ଡାଟି ତା ମା ଠାରୁ ଅଲଗା ହୋଇଯାଇଥିଲା । ତେଣୁ ତାକୁ ଉଦ୍ଧାର କରି ଡଙ୍ଗାରେ ଧରି ନେଇ ଆସିଥିଲେ ।
ଉଦ୍ଧାର କରାଯିବା ପରେ ତାକୁ କାଜିରଙ୍ଗାର ଷ୍ଟାଫ୍ମାନେ ଆଣି ରଖିଛନ୍ତି । ତାକୁ ଖାଇବାକୁ ପିଇବାକୁ ଦେବା ସହ ତାର ଯତ୍ନ ନେଉଛନ୍ତି । ବର୍ତ୍ତମାନର ବନ୍ୟା ଯୋଗୁଁ ବିଶ୍ୱର ଅନ୍ୟତମ ବୃହତ୍ ଅଭୟାରଣ୍ୟ କାଜିରଙ୍ଗା ଭୀଷଣ ଭାବେ ପ୍ରଭାବିତ ହୋଇଛି ।