ପୁଣି ମହାକୁମ୍ଭରେ ଭୟାବହ ଅଗ୍ନିକାଣ୍ଡ । ମହାକୁମ୍ଭର ସେକ୍ଟର-୨୨ରେ ଭୟଙ୍କର ନିଆଁ ଲାଗି ଅନେକ ଟେଣ୍ଟ ଜଳିଯାଇଛି । ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ଏହି ଘଟଣାରେ କେହି ମୃତାହତ ହୋଇନାହାନ୍ତି । ବର୍ତ୍ତମାନ ସୁଦ୍ଧା ନିଆଁ ଲାଗିବାର କାରଣ ଜଣାପଡ଼ି ନାହିଁ । ଅଧିକାରୀମାନେ ଶ୍ରଦ୍ଧାଳୁମାନଙ୍କୁ ଶାନ୍ତି ବଜାୟ ରଖିବାକୁ ଅପିଲ କରିଛନ୍ତି ।
ଅଗ୍ନିକାଣ୍ଡରେ ୧୫ଟି ଟେଣ୍ଟ୍ ଜଳି ପାଉଁଶ ହୋଇଯାଇଛି । ନିଆଁ ଲାଗିବା ବିଷୟରେ ଜଣାପଡ଼ିବା ପରେ ତୁରନ୍ତ ଅଗ୍ନିଶମ ବାହିନୀଙ୍କୁ ଖବର ଦିଆଯାଇଥିଲା । ହେଲେ ଅଗ୍ନିଶମ ଟିମ ଘଟଣାସ୍ଥଳରେ ପହଞ୍ଚିବା ପାଇଁ ବହୁ ଅସୁବିଧା ହୋଇଥିଲା । କାରଣ, ସେଠାକୁ ଯିବା ପାଇଁ ରାସ୍ତା ନ ଥିଲା । ଏହା ପରେ ବି ସେମାନେ ଠିକ୍ ସମୟରେ ପହଞ୍ଚି ନିଆଁକୁ କାବୁ କରିଥିଲେ । ଫଳରେ ଏକ ବଡ଼ ଦୁର୍ଘଟଣା ଟଳିଯାଇଥିଲା ।
ଅଗ୍ନିଶମ ବିଭାଗର ଅଧିକାରୀ ପ୍ରମୋଦ ଶର୍ମା କହିଛନ୍ତି, ଆଜି ଛତନାଗ ଘାଟ ଥାନା ଅଞ୍ଚଳରେ ୧୫ଟି ଟେଣ୍ଟରେ ନିଆଁ ଲାଗିବା ନେଇ ଆମକୁ ସୂଚନା ମିଳିଥିଲା । ତ୍ୱରିତ ପଦକ୍ଷେପ ନିଆଯାଇ ନିଆଁକୁ ଆୟତ୍ତ କରାଯାଇଛି । ଏହା ଅନଧିକୃତ ଟେଣ୍ଟ ଥିଲା । ସ୍ଥିତି ବର୍ତ୍ତମାନ ନିୟନ୍ତ୍ରଣରେ ଅଛି । ଘଟଣାରେ କେହି ମୃତାହତ ହୋଇନାହାନ୍ତି ।
ଏହିପରି କିଛି ଦିନ ତଳେ ମେଳା ଅଞ୍ଚଳର ସେକ୍ଟର-୫ସ୍ଥିତ କ୍ୟାମ୍ପରେ ଅଗ୍ନିକାଣ୍ଡ ଘଟିଥିଲା । ୬ ଦମକଳ ଗାଡ଼ି ନିଆଁ ଲିଭାଇବାରେ ନିୟୋଜିତ ହୋଇଥିଲା । ଟେଣ୍ଟରେ ରଖା ହୋଇଥିବା ସିଲିଣ୍ଡରରେ ବିସ୍ଫୋରଣ ହେବା ପରେ ନିଆଁ ଲାଗିଥିଲା । ଏହି ଅଗ୍ନିକାଣ୍ଡରେ ୨୦ରୁ ୨୫ଟି ଟେଣ୍ଟ ଜଳି ପାଉଁଶ ହୋଇଯାଇଥିଲା । ପୋଲିସ ଏବଂ ଏନଡିଆରଏଫ୍ ଟିମ୍ ପହଞ୍ଚି ନିଆଁକୁ ଆୟତ୍ତ କରିଥିଲେ । ଟେଣ୍ଟରେ ଖାଦ୍ୟ ପ୍ରସ୍ତୁତି ବେଳେ ଏହି ଘଟଣା ଘଟିଥିଲା ।
ନିଆଁର ପ୍ରକୋପ ଅଧିକ ଥିବାରୁ ପୋଲିସ ଅଧିକାରୀମାନେ ଆଖାପାଖ ଅଞ୍ଚଳକୁ ଖାଲି କରାଇଥିଲେ । ଶାସ୍ତ୍ରୀ ବ୍ରିଜ୍ ଏବଂ ରେଲୱେ ବ୍ରିଜ୍ ମଧ୍ୟବର୍ତ୍ତୀ ଅଞ୍ଚଳରେ ନିଆଁ ଲାଗିଥିଲା । ଏହି ପୂରା ଅଞ୍ଚଳ ମହାକୁମ୍ଭ ମେଳା ଅଞ୍ଚଳରେ ଆସୁଛି । ଏକାଧିକ ସିଲିଣ୍ଡର ବ୍ଲାଷ୍ଟ୍ ହେତୁ ଭୟଙ୍କର ଭାବରେ ନିଆଁ ଲାଗିଥିଲା ।
#WATCH | Prayagraj | UP Fire Department official Pramod Sharma says, “We got information about a fire in 15 tents under the Chatnag Ghat Police Station area, today. Taking immediate action, the fire was brought under control and doused. As per the SDM, it was an unauthorised tent… pic.twitter.com/a5cRkrCWKW
— ANI (@ANI) January 30, 2025
ଏହା ମଧ୍ୟ ପଢ଼ନ୍ତୁ: ମହାକୁମ୍ଭ ମେଳାରେ ସିଲିଣ୍ଡର ବିସ୍ଫୋରଣରୁ ଭୟାବହ ଅଗ୍ନିକାଣ୍ଡ, ୨୫ଟି ଟେଣ୍ଟ ଜଳି ପାଉଁଶ