ପୁଣେର ମଣ୍ଡଇ ମେଟ୍ରୋ ଷ୍ଟେସନରେ ଭୟାବହ ଅଗ୍ନିକାଣ୍ଡ । ରବିବାର ରାତି ପ୍ରାୟ ୧୨ଟାରେ ଏଠାରେ ନିଆଁ ଲାଗିଥିବା ସୂଚନା ରହିଛି । ତେବେ ଦମକଳ ବାହିନୀ ତୁରନ୍ତ ନିଆଁକୁ ଆୟତ୍ତ କରି ନେଇଛନ୍ତି । ସୌଭାଗବଶତଃ, ଷ୍ଟେସନରେ ନିଆଁ ଲାଗିବା ସମୟରେ ମେଟ୍ରୋ ସେବା ବନ୍ଦ ଥିଲା । ତେଣୁ ଘଟଣାରେ କାହାର କୌଣସି କ୍ଷତି ହୋଇନାହିଁ ।
ସୂଚନା ମୁତାବକ, ଷ୍ଟେସନର ଗ୍ରାଉଣ୍ଡ ଫ୍ଲୋରରେ ଥିବା ଫୋମ୍ ମାଟେରିଆଲରେ ଅଚାନକ୍ ନିଆଁ ଲାଗିଯାଇଥିଲା । ଚାହୁଁ ଚାହୁଁ ଚାରିଆଡ଼େ ଧୂଆଁ ବ୍ୟାପିଯାଇଥିଲା ଏବଂ ବହୁ ଉପରକୁ ଧୂଆଁ ଉଠୁଥିବାର ମଧ୍ୟ ଦେଖାଯାଇଥିଲା ।
ଖବର ପାଇ ୫ଟି ଦମକଳ ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ଆଶଙ୍କା କରାଯାଉଛି ଯେ ୱେଲ୍ଡିଂ କାମ ସମୟରେ ନିଆଁ ଲାଗିଛି । କେନ୍ଦ୍ର ରାଜ୍ୟ ମନ୍ତ୍ରୀ ମୁରଲୀଧର ମୋହୋଲ ‘ଏକ୍ସ’ ମିଡିଆରେ ପୋଷ୍ଟ କରି ମଣ୍ଡଇ ମେଟ୍ରୋ ଷ୍ଟେସନ ଅଗ୍ନିକାଣ୍ଡ ସମ୍ପର୍କରେ ସୂଚନା ଦେଇଛନ୍ତି । ସେପଟେ ମେଟ୍ରୋ ପ୍ରଶାସନ କହିଛି କି, ଏହି ଘଟଣା ଦ୍ୱାରା ମେଟ୍ରୋ ସେବା ଉପରେ କୌଣସି ପ୍ରଭାବ ପଡ଼ିବ ନାହିଁ ।
मंडई मेट्रो स्टेशनची आग नियंत्रणात, सेवेवर कोणताही परिणाम होणार नाही !
मंडई मेट्रो स्टेशनला आग लागल्याचा दुर्दैवी प्रकार काही वेळापूर्वी घडला होता. आगीची बातमी समजताच पुणे महापालिकेच्या अग्निशमन दलाच्या पाच फायर गाड्यांच्या माध्यमातून आगीवर तातडीनं नियंत्रण मिळवण्यात यश आले आहे.… pic.twitter.com/KxsEHOqQPo
— Murlidhar Mohol (@mohol_murlidhar) October 20, 2024