ଗୁଜରାଟର ବନାସକାଣ୍ଠା ଜିଲ୍ଲାର ଡିସାରେ ଥିବା ଏକ ଆତସବାଜି ଫ୍ୟାକ୍ଟ୍ରିରେ ଅଗ୍ନିକାଣ୍ଡ । ଏହି ଘଟଣାରେ ୧୮ ଜଣଙ୍କର ମୃତ୍ୟୁ ହୋଇଛି । ନିଆଁ ଲାଗିବା ସୂଚନା ମିଳିବା ପରେ ଅଗ୍ନିଶମ ଟିମ୍ ଏବଂ ଏସଡିଆରଏଫ ଟିମ୍ ଉଦ୍ଧାର ପାଇଁ ଘଟଣା ସ୍ଥଳରେ ପହଞ୍ଚିଛି । ସକାଳ ୯ଟା ସମୟରେ ଏହି ଦୁର୍ଘଟଣା ଘଟିଛି ।
ଖବର ମୁତାବକ, ଗୁଜରାଟ ଡିସାରେ ଥିବା ଏକ ବାଣ କାରଖାନାରେ ଅଗ୍ନିକାଣ୍ଡ ହୋଇଥିଲା । କାରଖାନାରେ ନିଆଁ ଲାଗିବା ଯୋଗୁଁ ଭିତରେ କାମ କରୁଥିବା ଶ୍ରମିକ ଫସିଯାଇଥିଲେ । ଘଟଣାରେ ୧୮ ଜଣଙ୍କ ଜୀବନ ଚାଲିଯାଇଥିବା ଜଣାପଡିଛି । ଭୟଙ୍କର ନିଆଁରେ ବିସ୍ଫୋରଣ ଘଟି ୨୦୦ ମିଟର ଦୂର ପର୍ଯ୍ୟନ୍ତ ଜିନିଷ ଛିଟିକି ପଡିଥିଲା ।
ତେବେ ଘଟଣାରେ ବନାସକାଣ୍ଠା ଜିଲ୍ଲାପାଳ ମିହିର ପଟେଲ କହିଛନ୍ତି, ଆଜି ସକାଳ ଡିସାର ଉଦ୍ୟୋଗିକ ଅଞ୍ଚଳରେ ରହି ବିସ୍ଫୋରଣ ସୂଚନା ମିଳିଥିଲା । ଦମକଳ ଟିମ୍ ଘଟଣା ସ୍ଥଳରେ ନିଆଁକୁ ଆୟତ୍ତ କରିଛି । ଅନେକ ଶ୍ରମିକ ଆହତ ହୋଇଛନ୍ତି । ସେମାନଙ୍କୁ ହସପିଟାଲରେ ରେଫର କରାଯାଇଛି । ବିସ୍ଫୋରଣ ଯୋଗୁଁ କାରଖାନାର ସ୍ଲାବ ଭାଙ୍ଗିଯାଇଥିଲା ।
#WATCH | Gujarat | Banaskantha Collector Mihir Patel says, “Today morning, we got information of a large explosion in the industrial area in Deesa. The Fire Department rushed to the site and controlled the fire. Five workers died on the spot of the incident. Four injured workers… pic.twitter.com/jrV6ml6Gbb
— ANI (@ANI) April 1, 2025
ଦୁର୍ଘଟଣା ସମୟରେ କାରଖାନାରେ ୨୦ରୁ ଅଧିକ ଲୋକ ଥିଲେ । ୧୩ ଜଣଙ୍କ ମୃତଦେହ ମିଳିଥିବା ବେଳେ ୪ ଜଣଙ୍କ ଅବସ୍ଥା ଗୁରୁତର ରହିଛି । ଗୋଦାମରେ ବୟଲର ଯୋଗୁଁ ଭୀଷଣ ନିଆଁ ଲାଗିଥିଲା । ନିଆଁ ଲାଗିବା ପରେ ଗୋଦାମର ମାଲିକ ଫେରାର ହୋଇଯାଇଛନ୍ତି । ପୋଲିସ ଘଟଣା ସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛି ।
Also Read : ପଶ୍ଚିମବଙ୍ଗରେ ସିଲିଣ୍ଡର ବିସ୍ଫୋରଣ, ୭ ମୃତ