କରୋନା ବନ୍ଦ କଲା କିସ୍, ଫିଲ୍ମରେ ଏବେ ରୋମାନ୍ସ ସିନ୍ ଉପରେ ଲାଗିଲା କଟକଣା
ସାରା ଦୁନିଆରେ କରୋନା ଭାଇରସ୍ କାରଣରୁ ୯୧୦ରୁ ଅଧିକ ଲୋକଙ୍କ ମୃତ୍ୟୁ ହୋଇସାରିଲାଣି ଏବଂ ପ୍ରାୟ ୪୦ ,୫୫୪ ଲୋକ ଏହି ଭୟଙ୍କର ଭାଇରସ୍ ରେ ଆକ୍ରାନ୍ତ ହୋଇଛନ୍ତି । କେରୋନା ଭାଇରସର ଭୟକୁ ଦେଖି ଏବେ ଛୋଟ ଏବଂ ବଡ ପରଦାରେ କିସିଙ୍ଗ୍ ସିନ୍ ଦେଖାଯିବ ନାହିଁ। କାରଣ ଏହାକୁ ଏବେ ବ୍ୟାନ୍ କରାଯାଇଛି। ତାଇବାନ୍ ପକ୍ଷରୁ ସିନେମା ପରଦାରେ ରୋମାନ୍ସ , ଚୁମ୍ବନ ଏବଂ ଅନ୍ତରଙ୍ଗ ମୁହୂର୍ତ୍ତର କଥାବାର୍ତ୍ତାର ଦୃଶ୍ୟକୁ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ।
କେବଳ ଏତିକି ନୁହେଁ ସୁଟିଂ ସମୟରେ ଅଭିନେତା ଏବଂ ଅଭିନେତ୍ରୀଙ୍କୁ ଅତି ଅନ୍ତରଙ୍ଗ ନହେବାକୁ ମଧ୍ୟ ପରାମର୍ଶ ଦିଆଯାଇଛି। କରୋନା ଭାଇରସ୍ ବ୍ୟାପିବାର ଡରରେ ତାଇବାନ୍ ସିନେ ଏବଂ ଟେଲିଭିଜନ୍ ଜଗତରେ ଚୁମ୍ବନ ଦୃଶ୍ୟ ଉପରେ ରୋକ ଲଗାଯାଇଛି । ସୁଟିଂ ସମୟରେ ଅଭିନେତା ଏବଂ ଅଭିନେତ୍ରୀଙ୍କୁ ପାଖରେ ବସି କଥାବାର୍ତ୍ତା ହେବାକୁ ମଧ୍ୟ ବାରଣ କରାଯାଉଛି ।
ଆପଣଙ୍କୁ ଜଣାଇବାକୁ ଚାହିଁବୁ ଯେ ତାଇବାନ୍ ର ଫୋରମୋସା ଟିଭିରେ ପ୍ରସାରିତ ହେଉଥିବା ଧାରାବାହିକ ଗୋଲ୍ଡ ସିଟିର ଅଭିନେତ୍ରୀ ମିୟା ଚିଉ ଏବଂ ଅଭିନେତା ଜୁନ୍ ଫୁଙ୍କ ଭିତରେ ଅନେକ ଚୁମ୍ବନ ଦୃଶ୍ୟ ରହିଥିବା ବେଳେ ବର୍ତ୍ତମାନ ଭୁତାଣୁ ବ୍ୟାପିବା ଭୟରେ ଦୁହେଁ ଏଭଳି ସିନ୍ କରିବେ ନାହିଁ ବୋଲି ଜଣାପଡିଛି ।
ଏଥିସହିତ ସିନେମା ନିର୍ମାଣ ସହ ଜଡିତ ହୋଇଥିବା ଅନ୍ୟ କଳାକାର ଭିଡ ସ୍ଥାନକୁ ନ ଯିବାକୁ ବାରଣ କରାଯିବା ସହିତ ସଦସ୍ୟଙ୍କୁ ମାସ୍କ ଲଗାଇ ରହିବାକୁ କୁହାଯାଉଛି ।