ଆମେରିକାରେ କ୍ବାଡ୍ ବୈଠକ, ଆଞ୍ଚଳିକ ଏବଂ ଅନ୍ତର୍ଜାତୀୟ ପ୍ରସଙ୍ଗରେ ଆଲୋଚନା କରିଛନ୍ତି ୪ ନେତା
ଆମେରିକାରେ କ୍ବାଡ୍ ବୈଠକ । ଏକାଠି ହେଲେ ଭାରତ, ଆମେରିକା, ଜାପାନ ଓ ଅଷ୍ଟ୍ରେଲିଆର ରାଷ୍ଟ୍ରନେତା । ଆଞ୍ଚଳିକ ଏବଂ ଅନ୍ତର୍ଜାତୀୟ ପ୍ରସଙ୍ଗରେ ଆଲୋଚନା କରିଛନ୍ତି ୪ ନେତା । ବିଶ୍ବବ୍ୟାପୀ ଚାଲିଥିବା ସୀମା ବିବାଦ ଏବଂ ଏହାର ଶାନ୍ତିପୂର୍ଣ୍ଣ ସମାଧାନ ଉପରେ ଆଲୋଚନା ହୋଇଛି । ପ୍ରଧାନମନ୍ତ୍ରୀ ମୋଦି କହିଛନ୍ତି, ଏଭଳି ସମୟରେ କ୍ବାଡ୍ ବୈଠକ ହେଉଛି ଯେତେବେଳେ ସାରା ବିଶ୍ବରେ ଟେନସନ୍ ଏବଂ ଯୁଦ୍ଧ ଲାଗି ରହିଛି। ଗାଣତାନ୍ତ୍ରିକ ମୂଲ୍ୟବୋଧ ଉପରେ କ୍ବାଡ୍ କାର୍ଯ୍ୟ କରୁଛି । ଯାହା ପୂରା ମାବନ ଜାତି ପାଇଁ ଗୁରୁତ୍ବପୂର୍ଣ୍ଣ ।
ଏହା କାହା ବିରୋଧରେ ନୁହେଁ ବୋଲି ମୋଦି କହିଛନ୍ତି । ବୈଠକରେ ଫୋକସରେ ଥିଲା ଇଣ୍ଡୋ ପାସିଫିକ୍ ପ୍ରସଙ୍ଗ । ପ୍ରଧାନମନ୍ତ୍ରୀ ମୋଦି କହିଥିଲେ ମୁକ୍ତ ଏବଂ ଅବାଧ ଇଣ୍ଡୋପାସିଫିକ୍ ଆମର ମିଳିତ ପ୍ରାଥମିକତା । ବାଇଡେନ୍ କହିଥିଲେ, ଚୀନ ଆମକୁ ପରୀକ୍ଷା କରୁଛି । ଦକ୍ଷିଣ ଚୀନ ସାଗରରେ ବେଜଂର ସୀମା ବିବାଦ ଉପରେ ଏହି ଟିପ୍ପଣୀ କରିଥିଲେ ବାଇଡେନ୍ । ସ୍ବାସ୍ଥ୍ୟ, ସୁରକ୍ଷା, ଜଳବାୟୁ ପରିବର୍ତ୍ତନ, ବୈଷୟିକ ଜ୍ଞାନ ଭଳି ପ୍ରସଙ୍ଗରେ ମଧ୍ୟ ୪ ଦେଶ ଆଲୋଚନା କରିଛନ୍ତି । ବୈଠକ ଶେଷରେ ମିଳିତ ବିବୃତ୍ତି ଜାରି କରିଥିଲେ ୪ ନେତା । ଏକବିଂଶ ଶତାବ୍ଦୀର ସହଯୋଗ ଉପରେ ଏହି ମିଳିତ ବିବୃତ୍ତି। କ୍ବାଡ୍ ବୈଠକ ଅବସରରେ ଅଷ୍ଟ୍ରେଲିଆ ଓ ଜାପନା ପ୍ରତିପକ୍ଷଙ୍କ ସହ ମଧ୍ୟ ଦ୍ବିପାକ୍ଷିକ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ।
