ବିହାର : ପରିବାରର ସମସ୍ତଙ୍କୁ ଧାରୁଆ ଅସ୍ତ୍ରରେ ହତ୍ୟା କଲା ଦୁର୍ବୃତ୍ତ, ସ୍ୱାମୀ ସ୍ତ୍ରୀ ଏବଂ ଝିଅ ମୃତ, ୭ ବର୍ଷୀୟ ପୁଅ ଗୁରୁତର
ବିହାରର ବେଗୁସରାୟ ଜିଲ୍ଲାରେ ପରିବାରର ୪ ଜଣଙ୍କୁ ହତ୍ୟା । ଏମାନଙ୍କ ମଧ୍ୟରେ ୩ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ରହିଛନ୍ତି । ପୋଲିସ ଘଟଣା ସ୍ଥଳରେ ପହଂଚି ଛାନଭିନ୍ କରୁଛି । କୌଣସି ଦୁବୃର୍ତ୍ତ ଏମାନଙ୍କ ଉପରେ ଆକ୍ରମଣ କରି ଧାରୁଆ ଅସ୍ତ୍ରରେ ସେମାନଙ୍କ ଶରୀରରକୁ କାଟିଥିବା ଜଣାପଡିଛି ।
ପୋଲିସ କହିବା ମୁତାବକ, ଏହି ଘଟଣାରେ ସ୍ୱାମୀ, ସ୍ତ୍ରୀ ଏବଂ ଝିଅର ଘଟଣା ସ୍ଥଳରେ ମୃତ୍ୟୁ ହୋଇଛି । ଗୁରୁତର ଆହତ ଅବସ୍ଥାରେ ୭ ବର୍ଷୀୟ ପୁଅକୁ ଉଦ୍ଧାର କରାଯାଇ ହସପିଟାଲରେ ଭର୍ତ୍ତି କରାଯାଇଛି । ତା’ର ଅବସ୍ଥା ଗୁରୁତର ରହିଛି ।
ପୋଲିସ ମୃତକଙ୍କ ପରିଚୟ ପାଇଛି । ପୋଲିସ ମାମଲାର ଯାଂଚ କରୁଛି । ତେବେ ଏପର୍ଯ୍ୟନ୍ତ ଆକ୍ରମଣକାରୀର କୌଣସି ପତ୍ତା ଜଣାପଡିନାହିଁ ।
