ନିଜ ପତ୍ନୀଙ୍କଠାରୁ ଅଲଗା ହେବାକୁ ଘୋଷଣା କରିଛନ୍ତି ଭାରତର ଅରବପତି ବ୍ୟବସାୟୀ ତଥା ରେମଣ୍ଡ ଟେକ୍ସଟାଇଲର ମାଲିକ ଗୌତମ ସିଂହାଣିଆ। ସୋମବାର ସେ ସୋସିଆଲ ମିଡିଆ ପ୍ଲାଟଫର୍ମରେ କହିଛନ୍ତି ଯେ ଏହି ଦୀପାବଳି ପୂର୍ବଭଳି ନାହିଁ। କହି ରଖୁଛୁ, ୩୨ ବର୍ଷ ଏକାଠି ରହିବା ପରେ ଗୌତମ ସିଂହାଣିଆ ଓ ତାଙ୍କ ପତ୍ନୀ ନୱାଜ ମୋଦି ଅଲଗା ହେବାକୁ ନିଷ୍ପତ୍ତି ନେଇଛନ୍ତି।
ସିଂହାଣିଆ କହିଛନ୍ତି ଯେ ବିବାହର ୩୨ ବର୍ଷ ପରେ ଆମେ ଦୁହେଁ ପରସ୍ପରଠାରୁ ଅଲଗା ହେଉଛୁ ଏବଂ ଏହା ପାରସ୍ପରିକ ସହମତିରେ ହେଉଛି। ଦୁହେଁ ସ୍ୱଇଚ୍ଛାରେ ଅଲଗା ହେବାର ରାସ୍ତା ଆପଣାଉଛୁ। ୫୮ ବର୍ଷୀୟ ସିଂହାଣିଆ ୧୯୯୯ରେ ଭାରତର ସଲିସିଟର ନାଦର ମୋଦିଙ୍କ ଝିଅ ନୱାଜ ମୋଦିଙ୍କୁ ବିବାହ କରିଥିଲେ। ସେ ୮ ବର୍ଷର ସମ୍ପର୍କ ପରେ ୨୯ ବର୍ଷୀୟା ନୱାଜଙ୍କୁ ଜୀବନସାଥୀ କରିଥିଲେ।
Xରେ ସିଂହାଣିଆ ଲେଖିଛନ୍ତି, ‘ଆମ ପାଇଁ ଚଳିତ ବର୍ଷର ଦୀପାବଳି ପୂର୍ବଭଳି ନାହିଁ। ଜଣେ ଦମ୍ପତି ଭାବରେ ୩୨ ବର୍ଷ ଏକାଠି ରହି ଆମେ ମାତାପିତା ରୂପେ ଆଗକୁ ବଢ଼ିଛୁ ଏବଂ ସବୁବେଳେ ପରସ୍ପର ସାଙ୍ଗରେ ଦୃଢ଼ତାର ସହିତ ରହିଆସିଛୁ। ଆମର ପ୍ରତିବଦ୍ଧତା ଏବଂ ଭରସାର ଯାତ୍ରାରେ ଦୁଇଟି ସୁନ୍ଦର ସଂଯୋଗ ମଧ୍ୟ ଆସିଛି’।
ସିଂହାଣିଆ ନିଜ ପୋଷ୍ଟରେ ଦୁଇ ଝିଅଙ୍କ ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ସେ କହିଛନ୍ତି, ‘ଆମେ ଦୁଇଜଣ ଅଲଗା ହୋଇପାରୁ, କିନ୍ତୁ ଦୁଇ ଝିଅ ନିହାରିକା ଓ ନିସା ସିଂହାଣିଆଙ୍କ ଦେଖାଶୁଣା ପୂର୍ବଭଳି ଆମେ ଉଭୟ କରିବୁ। ନିହାରିକା ଓ ନିସାଙ୍କ ପାଇଁ ଯାହା ଭଲ ହେବ, ଆମେ ଦୁହେଁ କରିବୁ’।
ସୁବର୍ଣ୍ଣପୁର(କେନ୍ୟୁଜ୍) : ପୁଣି ସାମ୍ନାକୁ ଆସିଲା ପିଲାଚୋରି ଅଭିଯୋଗ । ପୂର୍ବରୁ ଏପରି ଘଟଣା ଅନେକ ଥର ଆମ ସାମ୍ନାକୁ…
କୋଲକାତା (କେନ୍ୟୁଜ) : ପୁଣ୍ୟତୋୟା ଗଙ୍ଗା ଘାଟଗୁଡ଼ିକ ଧର୍ମ ସଂସ୍କୃତି ଓ ଆସ୍ଥାର ପ୍ରମୁଖ ସ୍ଥଳୀ ଭାବରେ ପରିଚିତି ଲାଭ…
ତାଳଚେର (କେନ୍ୟୁଜ) : ଯଦି ଆପଣ କେବେ ନିଜ ଘର ତାଲା ପକାଇ ବନ୍ଧୁ ଘର କିମ୍ବା ସମ୍ପର୍କୀୟଙ୍କ ଘରକୁ…
ଭୁବନେଶ୍ୱର(କେନ୍ୟୁଜ୍): କ୍ରୀଡ଼ା ଓ ଯୁବସେବା ମାନ୍ୟବର ମନ୍ତ୍ରୀ ଶ୍ରୀ ସୂର୍ଯ୍ୟବଂଶୀ ସୁରଜ ଆଜି କଳିଙ୍ଗ ଷ୍ଟାଡିୟମ ଗସ୍ତ କରି ରାଜ୍ୟର…
ନୂଆପଡା (କେନ୍ୟୁଜ) : ଭୋଜି ଖାଇ ସାଙ୍ଗ ହୋଇ ଫେରୁଥିଲେ ଏହି ୪ ଜଣ ସାଙ୍ଗ । ଏମାନେ ୪…
ଭୁବନେଶ୍ୱର(କେନ୍ୟୁଜ୍): ଜୁନ୍ ୧୭ ତାରିଖରେ ଭାରତ ସମେତ ବିଶ୍ୱର ୨୦୦ଟି ଦେଶର ୨୫ହଜାର ସ୍ଥାନରେ ୧୧ଶ ଅନ୍ତର୍ଜାତୀୟ ‘ଆର୍ଟ ଅଫ୍…