ଜୀବନ ହାରିବାକୁ ଯାଇଥିଲେ ଯୁବତୀ, ସୁଲୁସୁଲୁ ପବନ ବାଜିବାରୁ ଟ୍ରେନ ଟ୍ରାକରେ ଶୋଇପଡିଲେ
ନିଜ ଜୀବନକୁ ଶେଷ କରିବାକୁ ଚାହୁଁଥିଲେ ଯୁବତୀ । ସେଥିପାଇଁ ପ୍ଲାନିଂ ମଧ୍ୟ କରିସାରିଥିଲେ । ଆଉ ଏଥିପାଇଁ ଟ୍ରେନ ଟ୍ରାକକୁ ମଧ୍ୟ ଯାଇଥିଲେ । ହେଲେ ଟ୍ରାକରେ ବସି ଟ୍ରେନକୁ ଅପେକ୍ଷା କରିଥିବା ବେଳେ ସୁଲୁସୁଲୁ ଥଣ୍ଡା ପବନ ପାଇବାରୁ ସେଠାରେ ଶୋଇପଡିଥିଲେ । ଯାହାର ଭିଡିଓ ଭାଇରଲ ହେଉଛି । ଏଭଳି ଘଟଣା ବିହାରରେ ଦେଖିବାକୁ ମିଳିଛି ।
ଖବର ମୁତାବକ, ଯୁବତୀ ଜଣକ ନିଜକୁ ଶେଷ କରିବାକୁ ଚିନ୍ତା କରି ବିହାରର ଚକିୟା ଷ୍ଟେସନକୁ ଯାଇଥିଲେ । ସେଠାରେ ଟ୍ରାକରେ ବସି ଟ୍ରେନକୁ ଆସିବାକୁ ଅପେକ୍ଷା କରିଥିଲେ । କିନ୍ତୁ ସେଠାରେ ବସିଥିବା ବେଳେ ଥଣ୍ଡା ପବନ ହେଉଥିବାରୁ ଯୁବତୀ ଜଣକ ଟ୍ରାକରେ ଶୋଇପଡିଥିଲେ । ଯାହାର ଭିଡିଓ ଦେଖିବାକୁ ମିଳିଛି ।
ଭିଡିଓରେ ଦେଖିବାକୁ ମିଳିଛି କି, ଡ୍ରାଇଭର ଏମରଜେନ୍ସୀ ବ୍ରେକ ଲଗାଇବା ପରେ ଟ୍ରେନ ଯୁବତୀଙ୍କ ମୁଣ୍ଡ ଠାରୁ କିଛି ଇଞ୍ଚ ଦୂରରେ ରହିଯାଇଥିଲା । ଆଉ ଅଳ୍ପକେ ବର୍ତ୍ତିଯାଇଥିଲେ । ସ୍ଥାନୀୟ ଲୋକ ଘଟଣା ସ୍ଥଳରେ ପହଞ୍ଚି ଯୁବତୀଙ୍କୁ ଘରକୁ ଆଣିଥିଲେ ।
बिहार के मोतिहारी में ट्रेन के आगे लेटी अचानक लड़की।ट्रेन के लोको पायलट ने इमरजेंसी ब्रेक लगाकर जान बचाई। रेलवे ट्रैक पर कुछ देर हुआ हाईवोल्टेज ड्रामा!रेलवे ट्रैक से लड़की हटने को नही थी तैयार …@Rail_Minister pic.twitter.com/UPxE3ZtHNQ
— Suresh Jha (@jhasureshjourno) September 10, 2024
ତେବେ ଯୁବତୀଙ୍କୁ ସ୍ଥାନୀୟ ଲୋକ ଭିଡି ଆଣିଥିଲେ । କିନ୍ତୁ ଯୁବତୀ ଜଣକ ଟ୍ରାକରୁ ହଟିବା ପାଇଁ ମନା କରିଦେଇଥିଲେ । ଯୁବତୀ ଜଣକ କହିଥିଲେ, ଆପଣ ମୋତେ ଛାଡି ଦିଅନ୍ତୁ, ଆପଣ ମୋତେ ବଞ୍ଚାଇବାର କିଛି ଆବଶ୍ୟକତା ନାହିଁ ।
ଭିଡିଓ ଭାଇରଲ ହେବା ପରେ ୟୁଜର୍ସ ବିଭିନ୍ନ ପ୍ରକାରର କମେଣ୍ଟ ଦେଇଛନ୍ତି । କିଛି ଲୋକ ଏହାକୁ ମନୋରଂଜନ ଭିତ୍ତିକ ବୋଲି କହୁଥିବା ବେଳେ ଆଉ କିଛି ଏମିତି କରିବା ଭୁଲ୍ ବୋଲି କହୁଛନ୍ତି ।
