ପଶୁଙ୍କ ପ୍ରତି କ୍ରୁର ଆଚରଣ କରୁଥିବା ଲୋକଙ୍କ ପାଇଁ ସରକାର ଅଧିକ ଜରିମାନା ଏବଂ ଜେଲ ଦଣ୍ଡ ଭୋଗିବାର ଯୋଜନା କରିଛନ୍ତି। ଏଥି ନିମନ୍ତେ ସଂସଦର ପରବର୍ତ୍ତୀ ଅଧିବେଶନରେ ଆଇନରେ ସଂଶୋଧନ ପାଇଁ ଏକ ଡ୍ରାଫ୍ଟ ବିଲ୍ ଅଣାଯିବାର ସମ୍ଭାବନା ରହିଛି। ବର୍ତ୍ତମାନ ସମୟରେ ଏପରି କାର୍ଯ୍ୟ କରୁଥିବା ଅପରାଧୀମାନେ ପ୍ରାୟତଃ ଦଣ୍ଡ ନ ପାଇ ଖସି ଯାଉଛନ୍ତି। କାରଣ, ପଶୁଙ୍କ ପ୍ରତି କ୍ରୁରତା ଅଧିନିୟମ(PCA), ୧୯୬୦ ଅଧୀନରେ ପ୍ରଥମ ଥର ଅପରାଧ ପାଇଁ ଦଣ୍ଡ ମାତ୍ର ୫୦ ଟଙ୍କା ରହିଛି।
କେନ୍ଦ୍ର ପଶୁପାଳନ, ମତ୍ସ୍ୟ ପାଳନ ଏବଂ ଡାୟରୀ ମନ୍ତ୍ରୀ ପୁରୁଷୋତ୍ତମ୍ ରୁପାଲା କହିଛନ୍ତି, ‘ଆମେ ସଂଶୋଧନ ବିଲ୍ ଡ୍ରାଫ୍ଟ ସହିତ ପ୍ରସ୍ତୁତ ରହିଛୁ। ଏଥି ସହିତ କ୍ୟାବିନେଟ ଅନୁମୋଦନ ପାଇବା ପ୍ରକ୍ରିୟାରେ ଅଛୁ’। ଗୁରୁଗ୍ରାମର କାମଧେନୁ ଗୋଶାଳାରେ ବିଶ୍ୱ ପ୍ରାଣୀ ଦିବସ ପାଳନ ଅବସରରେ ଆୟୋଜିତ ଏକ କାର୍ଯ୍ୟକ୍ରମରେ ସେ ଏହା କହିଛନ୍ତି।
କେନ୍ଦ୍ର ମନ୍ତ୍ରୀ ସୋମବାର ପଶୁ କଲ୍ୟାଣ ବୋର୍ଡର ଏକ ପୋର୍ଟାଲ ଉନ୍ମୋଚନ କରିଛନ୍ତି, ଯାହାକି ପଶୁ କଲ୍ୟାଣରେ ନିୟୋଜିତ ଥିବା ଲୋକଙ୍କ ସହ ଚଳଚ୍ଚିତ୍ର ଶୁଟିଂରେ ପ୍ରାଣୀଙ୍କୁ ବ୍ୟବହାର କରୁଥିବା ଲୋକଙ୍କୁ ଅନଲାଇନ୍ ଅନୁମୋଦନ ପ୍ରଦାନ କରିବ। ଗୋରୁମାନଙ୍କୁ ସୁରକ୍ଷା ଦେବା ଏବଂ ସହର ଉପକଣ୍ଠରେ ଗୋଶାଳା ସ୍ଥାପନ କରିବାର ଆବଶ୍ୟକତା ଉପରେ ମନ୍ତ୍ରୀ ଗୁରୁତ୍ୱାରୋପ କରିଥିଲେ।
ସେ କହିଥିଲେ କି, ‘ସହରରେ ଆପାର୍ଟମେଣ୍ଟରେ ରହୁଥିବା ଲୋକଙ୍କ ପାଖରେ ଗାଈ ରଖିବା ପାଇଁ ଜାଗା ନାହିଁ। ତେଣୁ, ଏକ ଗାଈ ଆଶ୍ରୟସ୍ଥଳର ଧାରଣା ଏଥିରେ ବହୁତ ସାହାଯ୍ୟ କରିବ। ଗାଈ ପାଳିବାକୁ ଆଗ୍ରହୀ ବ୍ୟକ୍ତିମାନେ ଗୋଟିଏ ଗାଈ କିଣି ଗୋଶାଳାରେ ଏହାର ଯତ୍ନ ନେଇପାରିବେ’। ମନ୍ତ୍ରୀ କହିଛନ୍ତି ଯେ ସରକାର ସହାୟତା ଯୋଗାଇ ଏଭଳି ଗୋଶାଳାଗୁଡ଼ିକୁ ପ୍ରୋତ୍ସାହିତ କରିବେ।
ଭୁବନେଶ୍ଵର(କେନ୍ୟୁଜ୍): ସମୟ ଥିଲା ଅପରାହ୍ନ । ଅନେକ ବ୍ୟକ୍ତି, ସଂଗଠନ, ସାଧାରଣ ଲୋକ ଆସି ରାଜ୍ୟ ଅତିଥି ଭବନର ଅସ୍ଥାୟୀ…
ଭୁବନେଶ୍ୱର: ଟାଇଁ ଟାଇଁ ମୁଣ୍ଡଫଟା ଖରା । ଚାଲିକି କି ସାଇକେଲରେ ଯିବା ଲୋକ ଖୋଜୁଛି ଗଛ ଛାଇ ଟିକେ…
ଗଞ୍ଜାମ(କେନ୍ୟୁଜ୍): କାର ସହ ମୋଟର ସାଇକେଲ ମୁହାଁମୁହିଁ ଧକ୍କା। ୨ ବାଇକ ଆରୋହୀ ମୃତ । ଗଞ୍ଜାମ ଜିଲ୍ଲା ଖଲ୍ଲିକୋଟ…
ଭୁବନେଶ୍ୱର(କେନ୍ୟୁଜ୍): ନିଷ୍କ୍ରିୟ ରହିଛି ଦକ୍ଷିଣ ପଶ୍ଚିମ ମୌସୁମୀ ବାୟୁ । ଦକ୍ଷିଣ ଓଡିଶାରେ ପ୍ରବେଶ କରିବା ପରେ ଆଉ ଆଗକୁ…
ଭୁବନେଶ୍ୱର(କେନ୍ୟୁଜ୍): ଆସନ୍ତାକାଲି ପାଳିତ ହେବ ଆର୍ଟ ଅଫ୍ ଗିଭିଂ ଦିବସ । ଅନ୍ୟକୁ ସାହାଯ୍ୟ ଏବଂ ଦାୟିତ୍ବ ସମ୍ପନ୍ନ ଭାବେ…
ରାଇରଙ୍ଗପୁର (କେନ୍ୟୁଜ୍) : ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଉପକାରାଗାର ର ବିଚାରାଧୀନ ମହିଳା କଏଦୀଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ। ମୃତ…