ମହାରାଷ୍ଟ୍ରରେ ହେଲିକପ୍ଟର ଦୁର୍ଘଟଣା , ୩ ଜଣଙ୍କ ମୃତ୍ୟୁ ଆଶଂକା
ନୂଆଦିଲ୍ଲୀ : ମହାରାଷ୍ଟ୍ରରେ ହେଲିକପ୍ଟର ଦୁର୍ଘଟଣା । ପୁଣେ ଜିଲ୍ଲାର ବବଧନ ନିକଟରେ ଦୁର୍ଘଟଣା ଘଟିଛି। ଏକ ପାହାଡ଼ ଉପରେ ହେଲିକପ୍ଟର ଖସି ପଡ଼ି ଜଳି ଯାଇଛି । ଫଳରେ ୩ ଜଣଙ୍କ ମୃତ୍ୟୁ ଘଟିଥିବା ଆଶଂକା କରାଯାଉଛି । ପାଇଲଟ ଓ ୨ ଜଣ ଇଂଜିନିୟରଙ୍କ ମୃତ୍ୟୁ ଘଟିଛି । ଦୁର୍ଘଟଣାଗ୍ରସ୍ତ ହେଲିକପ୍ଟରରେ ଦୁଇ ଜଣ ଇଞ୍ଜିନିୟର ଥିଲେ ବୋଲି ସୂଚନା ମିଳିଛି । ହେଲିକପ୍ଟରଟି ଏକ ପ୍ରାଇଭେଟ କମ୍ପାନୀର ହୋଇଥିବା ପ୍ରାଥମିକ ସୂଚନା ମିଳିଛି।
ଦୁର୍ଘଟଣା ସମ୍ପର୍କରେ ସୂଚନା ପାଇବା ମାତ୍ରେ ପୋଲିସ, ଅଗ୍ନିଶମ ବାହିନୀ ଏବଂ ବିପର୍ଯ୍ୟୟ ପ୍ରଶମନ ଦଳ ଘଟଣାସ୍ଥଳକୁ ପଠାଇ ଦିଆଯାଇଛି। ଏହି ଘଟଣା ସକାଳ ସାତଟାରେ ଘଟିଥିବା କୁହାଯାଉଛି। କୁହୁଡି ଏହି ଦୁର୍ଘଟଣାର ମୂଳ କାରଣ ବୋଲି କୁହାଯାଉଛି। ତେବେ ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି। ଘଟଣାର ପ୍ରକୃତ କାରଣ କେବଳ ଅନୁସନ୍ଧାନ ପରେ ଜଣାପଡିବ।
