ରାତିରେ ସାଙ୍ଗମାନଙ୍କ ସହିତ ବୁଲିବା ହେଲା କାଳ, ଇନୋଭାକୁ ପିଟିଲା କଣ୍ଟେନର, ଚାଲିଗଲା ୬ ଜୀବନ
ଇନୋଭାକୁ ପିଟିଲା କଣ୍ଟେନର । ଚାଲିଗଲା ୬ଜଣଙ୍କ ଜୀବନ । ଉତ୍ତରାଖଣ୍ଡ ଡେରାଡୁନରେ ମର୍ମନ୍ତୁଦ ଦୁର୍ଘଟଣା ଘଟିଛି । ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଗତକାଲି ରାତି ପ୍ରାୟ ୨ଟା ସମୟରେ ଦୁର୍ଘଟଣା ଘଟିଛି ।
ଖବର ମୁତାବକ, ଗତକାଲି ରାତିରେ ୭ ଯୁବକ ଯୁବତୀ ଏକ କାର୍ରେ ଡେରାଡୁନ ସହର ବୁଲି ବାହାରିଥିଲେ । ଗାଡ଼ିଟି ଦ୍ରୁତ ଗତିରେ ଥିବା ବେଳେ ଡେରାଡୁନର ଓଏନ୍ଜିସି ଛକରେ ଗାଡ଼ିଟି ଭାରସାମ୍ୟ ହରାଇ ଏକ କଣ୍ଟେନର ସହ ପିଟି ହୋଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ, ଇନୋଭା ଗାଡି ସମ୍ପୂର୍ଣ୍ଣ ଭାଙ୍ଗିରୁଜି ଯାଇଛି । ଏହି ଦୁର୍ଘଟଣାରେ ୬ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଯୁବତୀ ଓ ୩ ଯୁବକ ଅଛନ୍ତି । ସମସ୍ତଙ୍କ ଘର ଡେରାଡୁନ ଆଖପାଖ ଅଞ୍ଚଳରେ ହୋଇଥିବା ବେଳେ ସେମାନଙ୍କ ବୟସ ୨୫ ବର୍ଷରୁ କମ୍ ବୋଲି ଜଣାଯାଇଛି ।
#WATCH | Uttarakhand: 6 people died in a car accident in Dehradun late last night. The condition of one passenger remains critical and he is undergoing treatment in the hospital.
Dehradun SP City Pramod Kumar tells ANI that this accident happened near ONGC intersection at 2 am… pic.twitter.com/Pkwjkln5yg
— ANI (@ANI) November 12, 2024
ସ୍ଥାନୀୟ ଲୋକ ଦୁର୍ଘଟଣା ପରେ ଉଦ୍ଧାର କାର୍ଯ୍ୟରେ ଲାଗିଥିଲେ । ଏହି ଦୁର୍ଘଟଣାରେ ଜଣେ ଯୁବକ ଗୁରୁତର ହୋଇଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହଗୁଡ଼ିକୁ ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଆରମ୍ଭ କରିଛି । ଦୁର୍ଘଟଣା ଘଟାଇଥିବା ଡ୍ରାଇଭରକୁ ଗିରଫ କରାଯାଇଥିବା କହିଛନ୍ତି ଡେହେରାନଡୁନ୍ ସିଟି ଏସପି ପ୍ରମୋଦ କୁମାର ।