ପାଣିରେ ଉବୁଟୁବୁ ମାୟାନଗରୀ: ସ୍କୁଲ କଲେଜ ବନ୍ଦ, ରେଳ ଓ ବିମାନ ସେବା ପ୍ରଭାବିତ
ମହାରାଷ୍ଟ୍ରରେ କାଚୁଛି ପ୍ରବଳ ବର୍ଷା । ପ୍ରବଳ ବର୍ଷାରେ ବେହାଲ ମାୟାନଗରୀ । ଲଗାତାର ବର୍ଷା ଯୋଗୁ ଜଳବନ୍ଦୀ ହୋଇଛି ଆର୍ଥିକ ରାଜଧାନୀ ମୁମ୍ବାଇ । ଗତ ୨୪ ଘଣ୍ଟା ଧରି ଲଗାତାର ବର୍ଷୁଛି । ଯାତାୟତ ଠପ, ଅସ୍ତବ୍ୟସ୍ତ ଜନଜୀବନ ହୋଇପଡିଛି । ରାସ୍ତା ପାଲଟିଛି ସମୁଦ୍ର । ପାଣିପାଗ ବିଭାଗ ମୁମ୍ବାଇ ସମେତ ଅନେକ ଅଞ୍ଚଳ ପାଇଁ ରେଡ ଆଲର୍ଟ ଜାରି କରିଛି । ପୋଲିସ ପ୍ରଶାସନ ଲୋକଙ୍କୁ ଜରୁରୀ ନଥିଲେ ଘରୁ ନ ବାହାରିବାକୁ ପରାମର୍ଶ ଦେଇଛି ।
ପ୍ରବଳ ବର୍ଷାକୁ ଦୃଷ୍ଟିରେ ରଖି ସ୍କୁଲ, କଲେଜ ବନ୍ଦ କରାଯାଇଛି । ଟ୍ରାକ ଉପରେ ପାଣି ଚାଲୁଥିବାରୁ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି । କିଛି ଟ୍ରେନ ବିଳମ୍ବରେ ଚାଲୁଥିବା ବେଳେ ଅନ୍ୟ କିଛି ଟ୍ରେନ ଉପରେ ପ୍ରଭାବ ପଡିଛି । ରନୱେରେ ବର୍ଷା ପାଣି ପଶିବାରୁ ୧୪ଟି ବିମାନର ରୁଟ ପରିର୍ବତ୍ତନ କରାଯାଇଛି । ବର୍ଷା ଯୋଗୁ ଅନେକ ଲୋକ ବିଭିନ୍ନ ସ୍ଥାନରେ ଫସି ରହିଛନ୍ତି । ମୁମ୍ବାଇର ତଳିଆ ଅଞ୍ଚଳରେ ପାଣି ପଶି ଜଳମଗ୍ନ ହୋଇଛି । ଆଗକୁ ଆହୁରି ବର୍ଷା ନେଇ ରେଡ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ୪୦ରୁ ୫୦ କିମି ପ୍ରତି ଘଣ୍ଟାକୁ ପବନ ବୋହିପାରେ ବୋଲି ପାଣିପାଗ ବିଭାଗ ଅନୁମାନ କରୁଛି ।
मुंबई पुलिस ने ट्वीट करते हुए लिखा: “IMD द्वारा जारी मुंबई और उपनगरों में रेड अलर्ट के मद्देनजर कल 26 सितंबर के लिए सभी स्कूलों और कॉलेजों में छुट्टी घोषित की गई है। लोगों अनुरोध है कि जब तक आवश्यक न हो, घर के अंदर ही रहें। किसी भी आपात स्थिति के लिए 100 डायल करें।” pic.twitter.com/TGkTireQMI
— ANI_HindiNews (@AHindinews) September 25, 2024
ତେବେ ପ୍ରବଳ ବର୍ଷା ଯୋଗୁଁ ୫ ଜଣଙ୍କର ମୃତ୍ୟୁ ହୋଇଥିବା ଖବର ମିଳିଛି । ଦୁଇଜଣ ଥାନେର ଗ୍ରାମୀଣ ଅଞ୍ଚଳରେ ବଜ୍ରାଘାତ ଯୋଗୁଁ ମୃତ୍ୟୁ ହୋଇଥିବା ବେଳେ ମୁମ୍ବାଇ ଅନ୍ଧେରୀ ଜଣେ ମହିଳା ନାଳରେ ଖସିପଡିବା ଯୋଗୁଁ ମୃତ୍ୟୁ ହୋଇଛି । ଅନ୍ୟ ଜଣେ ଯୁବତୀ ରାୟଗଢ ଖୋପେଲୀରେ ଓ୍ୱାଟର ଫଲ୍ ପାଣିରେ ଭାସିଯିବା ଯୋଗୁଁ ମୃତ୍ୟୁ ହୋଇଛି ।
ବୁଧବାର ରାତି ପର୍ଯ୍ୟନ୍ତ ମୁମ୍ବାଇରେ ୧୦୦ ମିମିରୁ ଅଧିକ ବର୍ଷା ରେକର୍ଡ କରାଯାଇଛି । ସବୁଠାରୁ ଅଧିକ ପ୍ରଭାବିତ ପୂର୍ବ ମୁମ୍ବାଇ ଏବଂ ମଧ୍ୟ ମୁମ୍ବାଇ, ଦକ୍ଷିଣ ମୁମ୍ବାଇ ହୋଇଛି । ମୁମ୍ବାଇ, ଥାନେ, ନଭୀ ମୁମ୍ବାଇ, ବସଇ ବିରାର ପାଲଘର, ପିମ୍ପରୀ, ପୁଣେ ମୀରା ଭୟନ୍ଦରରେ ପ୍ରବଳ ବର୍ଷା ହୋଇଛି ।
