ଦେଶର ଏକମାତ୍ର ରାଜ୍ୟରେ ଲୋକ ମାନେ ଦିଅନ୍ତି ନାହିଁ ଟାକ୍ସ, ଜାଣନ୍ତୁ ଏହା ପଛରେ ଥିବା ବଡ କାରଣ
ଦେଶର ଏପରି ମଧ୍ୟ ଏକ ରାଜ୍ୟ ଅଛି ଯେଉଁଠାରେ ଲୋକମାନେ ଯେତେ ରୋଜଗାର କରିଲେ ମଧ୍ୟ ତାଙ୍କୁ ୧ ଟଙ୍କା ବି ଇନକମ ଟ୍ୟାକ୍ସ ଦେବାକୁ ପଡିନଥାଏ । ଏହି ରାଜ୍ୟ ହେଛି ଦେଶର ଟାକ୍ସ ଫ୍ରି ରାଜ୍ୟ।
ଇନକମ୍ ଟ୍ୟାକ୍ସ ଏକ ଡାଇରେକ୍ଟ ଟ୍ୟାକ୍ସ, ଯାହାକୁ ସରକାର ବ୍ୟକ୍ତି ଏବଂ ସଂସ୍ଥା ଦ୍ୱାରା ଅର୍ଜିତ ବାର୍ଷିକ ଆୟ ଉପରେ ଲଗାଇ ଥାଆନ୍ତି। ଆର୍ଥିକ ବର୍ଷ ପାଇଁ କୌଣସି ବ୍ୟକ୍ତି କିମ୍ବା ସଂସ୍ଥାର ନେଟ୍ ଟିକସଯୋଗ୍ୟ ଆୟ ଉପରେ ଏହାର ଗଣନା ହୋଇଥାଏ, ଯାହା ବର୍ଷର ୧ ଏପ୍ରିଲରୁ ଆରମ୍ଭ ହୋଇ ପରବର୍ତ୍ତୀ କ୍ୟାଲେଣ୍ଡର ବର୍ଷର ୩୧ ମାର୍ଚ୍ଚରେ ଶେଷ ହୋଇଥାଏ।
ରୋଜଗାର ଯେତିକି ଯେତିକି ବଢ଼ିଚାଲେ, ତାହା ଇନକମ୍ ଟ୍ୟାକ୍ସ ଅଧୀନକୁ ଆସିଯାଏ। ଥରେ ଯେତେବେଳେ ଆୟ ଟିକସଯୋଗ୍ୟ ହୋଇଯାଏ, ତ ଏହା ଉପରେ ଟ୍ୟାକ୍ସ ମଧ୍ୟ ଦେବାକୁ ପଡ଼ିଥାଏ। ସରକାରଙ୍କ ଜରିଆରେ ଆୟ ଉପରେ କର ଆଦାୟ କରାଯାଇଥାଏ।
ଦେଶର ନାଗରିକଙ୍କୁ ନିଜର ରୋଜଗାରର କିଛି ଅଂଶ ଇନକମ ଟ୍ୟାକ୍ସ ଆକାରରେ ଦେବାକୁ ପଡିଥାଏ । ଟ୍ୟାକ୍ସ ସ୍ଲାବ ହିସାବରେ ଆପଣଙ୍କୁ ନିଜର ଦରମା ଉପରେ ଇନକମ ଟ୍ୟାକ୍ସ ଦେବାକୁ ନ ପଡେ ତେବେ ଆପଣ ଦରମାର ୧୦-୩୦% ରୁ ଅଧିକ ସଞ୍ଚୟ କରିପାରିବେ । ଏହାସହ ବହୁତ ଜିନିଷରେ ଆପଣଙ୍କୁ ଆରାମ ମଧ୍ୟ ମିଳିବ । ଏହି ଇନକମ ଟ୍ୟାକ୍ସରୁ ବଞ୍ଚିବା ପାଇଁ ଲୋକମାନେ ଅନେକ ପ୍ରକାର ସେଭିଙ୍ଗ ସ୍କିମରେ ନିବେଶ କରୁଛନ୍ତି ବା କୌଣସି ପ୍ରକାରେ ଟଙ୍କା ସଂଚୟ କରୁଛନ୍ତି । ହେଲେ ଆପଣ ଶୁଣି ଆଶ୍ଚର୍ଯ୍ୟ ହେବେ ଯେ, ଦେଶର ଏପରି ମଧ୍ୟ ଏକ ରାଜ୍ୟ ଅଛି ଯେଉଁଠାରେ ଲୋକମାନେ ଯେତେ ରୋଜଗାର କରିଲେ ମଧ୍ୟ ତାଙ୍କୁ ୧ ଟଙ୍କା ବି ଇନକମ ଟ୍ୟାକ୍ସ ଦେବାକୁ ପଡିନଥାଏ । ଏହି ରାଜ୍ୟ ହେଛି ଦେଶର ଟାକ୍ସ ଫ୍ରି ରାଜ୍ୟ।
ଆଜି ଆମେ ଆପଣଙ୍କୁ ଦେଶର ଏପରି ଏକ ରାଜ୍ୟ ବିଷୟରେ କହିବାକୁ ଯାଉଛୁ, ଯେଉଁଠାରେ ରାଜ୍ୟବାସୀଙ୍କୁ ଆୟକର ଛାଡ ରିଲିଫ ଦିଆଯାଇଛି। ଭାରତରେ କେବଳ ଗୋଟିଏ ରାଜ୍ୟ ଅଛି, ଯେଉଁଠାରେ ନାଗରିକମାନଙ୍କୁ ଆୟକର ଦେବାକୁ ପଡ଼ିବ ନାହିଁ। ସେହି ରାଜ୍ୟର ନାମ ହେଉଛି ସିକ୍କିମ୍। ସିକ୍କିମର ମୂଳ ବାସିନ୍ଦାଙ୍କୁ ବର୍ଷ ବର୍ଷ ଧରି ଆୟକର ଦେବାକୁ ପଡିବ ନାହିଁ। ଏହା ବ୍ୟତୀତ ଦେଶର ସମସ୍ତ ଲୋକଙ୍କୁ ଆୟ ଅନୁଯାୟୀ, ସ୍ଲାବ ଆଧାରରେ ଟିକସ ଦେବାକୁ ପଡିବ।
ଆପଣ ଭାବୁଥିବେ ଯେ, ସିକ୍କିମ ରାଜ୍ୟରେ ରହୁଥିବା ଲୋକଙ୍କୁ ଆୟକର କ୍ଷେତ୍ରରେ ଏହି ବଡ ରିଲିଫ କାହିଁକି ଦିଆଗଲା? ଧାରା ୩୭୧-F ଅନୁଯାୟୀ ସିକ୍କିମ୍ ରାଜ୍ୟ ସ୍ୱତନ୍ତ୍ର ରାଜ୍ୟର ମାନ୍ୟତା ପାଇଛି। ତେବେ ଭାରତର ଉତ୍ତର-ପୂର୍ବାଞ୍ଚଳ ରାଜ୍ୟରେ ଅନ୍ତର୍ଭୁକ୍ତ ଏହି ରାଜ୍ୟବାସୀଙ୍କୁ ଆୟକର ଅଧିନିୟମ, ୧୯୬୧ ର ଧାରା ୧୦ (୨୬ AAA) ଅନୁଯାୟୀ ଆୟକରରୁ ମୁକ୍ତ କରାଯାଇଛି। ଏହି କାରଣରୁ ଏଠାରେ ରହୁଥିବା ଲୋକଙ୍କୁ ସେମାନଙ୍କ ଆୟ ଉପରେ କୌଣସି ପ୍ରକାର ଟିକସ ଦେବାକୁ ପଡିବ ନାହିଁ।
ଏହାପୂର୍ବରୁ, ସିକ୍କିମ୍ ରେ ଆୟକରମୁକ୍ତ ଉପରେ ରିହାତି ସେହି ସୀମିତ ଲୋକଙ୍କ ପାଇଁ ଥିଲା ଯେଉଁମାନଙ୍କର ସିକ୍କିମ୍ ବିଷୟ ପ୍ରମାଣପତ୍ର ଥିଲା। କିନ୍ତୁ ୧୯୮୯ ରେ ସୁପ୍ରିମକୋର୍ଟଙ୍କ ଆଦେଶ ପରେ ଅନ୍ୟ ଲୋକଙ୍କୁ ମଧ୍ୟ ଆୟକର ଅଧିନିୟମ ଅନୁଯାୟୀ, ଉପଲବ୍ଧ ରିହାତିରେ ଅନ୍ତର୍ଭୁକ୍ତ କରାଯାଇଥିଲା। ସୁପ୍ରିମକୋର୍ଟଙ୍କ ଏହି ନିଷ୍ପତ୍ତି ପରେ ସିକ୍କିମର ପ୍ରାୟ ୯୫% ଲୋକ ଆୟକର ଛାଡ ଅଧୀନରେ ଆସିଛନ୍ତି।
