ଅରୁଣାଚଳ ପ୍ରଦେଶ ସୀମା ଉପରେ ଚୀନର ଆଖି, ମୁହଁତୋଡ ଜବାବ ଲକ୍ଷ୍ୟରେ ଭାରତ
ଲଦାଖର ପୂର୍ବବର୍ତ୍ତୀ ସୀମାରେ ଦୀର୍ଘ ଦିନ ହେବ ବିବାଦୀୟ ପରିସ୍ଥିତି ଲାଗି ରହିବା ପରେ ଏବେ ଅରୁଣାଚଲ ପ୍ରଦେଶର ଅଂଚଳ ସୀମାରେ ସୈନ୍ୟ ଡ୍ରିଲ ଆରମ୍ଭ କରିଦେଇଛନ୍ତି ଚିନ ସୈନ୍ୟ । ଅନ୍ୟ ପକ୍ଷରେ ଏନେଇ ଭାରତ ବି ସତର୍କ ହୋଇଯାଇଛି । କୌଣସି ପରିସ୍ଥିତି ଦେଖାଦେଲେ ବି ଯେପରି ସାହାସିକତାର ସହ ସାମ୍ନା କରାଯାଇ ପାରିବ ସେନେଇ ଚେଷ୍ଟା ଆରମ୍ଭ କରିଦେଇଛନ୍ତି ଭାରତୀୟ ସେନା । ପୂର୍ବ ଭାରତର କମାଣ୍ଡର ଲେ. ଜେନେରାଲ ମନୋଜ ପାଣ୍ଡେଙ୍କ କହିବା ଅନୁଯାୟୀ, ଚିନର ପିପୁଲ୍ସ ଲିବରେସନ ଆର୍ମି କିମ୍ବା (ପିଏଲଏ)ର ପ୍ରଶିକ୍ଷଣ କାର୍ଯ୍ୟକ୍ରମରେ ବି ସୈନ୍ୟମାନଙ୍କୁ ସୀମା ପାର କରିବା ପାଇଁ ତାଲିମ ଦିଆଯାଉଥିବା ନେଇ ଜଣାଯାଇଛି । ଲେଫେନାଣ୍ଟ ଜେନେରାଲ ଏହା ବି କହିଛନ୍ତିକି ଦୁଇ ଦେଶ ବର୍ତ୍ତମାନ ସ୍ଥିତିରେ ବାସ୍ତବିକ ନିୟନ୍ତ୍ରଣ ରେଖା ବା ଏଲଏଏସିର ନିକଟବର୍ତ୍ତୀ ଅଂଚଳରେ ବିକାଶ କାର୍ଯ୍ୟ ଜାରି ରଖିଥିବା ବେଳେ କିଛି ବିବାଦ ବି ମୁଣ୍ଡ ଟେକିଛି ।
ଏନେଇ ଉଭୟ ଅଂଚଳରେ ସୈନ୍ୟ ଛାଉଣୀ ବି ବଢ଼ାଇ ଦିଆଯାଇଛି । ଏହା ସହ ଚିନ ଦ୍ୱାରା ପୂର୍ବତ୍ତର ଭାରତରେ ଭୁଟାନ ସହ କୂଟନୀତିକ ସମ୍ବନ୍ଧ ବଢ଼ାଇ ଥିବାରୁ ଏହାକୁ ନେଇ ଚିନ୍ତାରେ ଅଛି ଭାରତ । ଦୀର୍ଘ ଦଶନ୍ଧି ଧରି ଦୁଇ ଦେଶ ମଧ୍ୟରେ ଚାଲି ଆସିଥିବା ସୀମା ବିବାଦ ବରିଷ୍ଠ ସରକାରୀ ଅଧିକାରୀ ମାନଙ୍କ ତତ୍ତ୍ୱାବଧାନରେ ଅନୁଷ୍ଠିତ ହେବ ବୋଲି ସୂଚନା ଜାରିହୋଇଛି ।
ଲେ. ଜେନେରାଲ ପାଣ୍ଡେଙ୍କ କହିବା ଅନୁଯାୟୀ ସୀମାର ପାଖାପାଖି ଇଲାକା ମାନଙ୍କରେ ନୂଆ ନୂଆ ଗାଁ ସ୍ଥାପନା କରୁଛି ଚୀନ । ଅନ୍ୟ ପକ୍ଷରେ ନିଜ ଅନୁସାରେ ରଣନୀତି ପ୍ରସ୍ତୁତ କରୁଛି ଭାରତ । ଲେ. ଜେନେରାଲଙ୍କ ଅନୁଯାୟୀ ପୂର୍ବ ଭାରତର ୧୩୦୦ କିମି ଅଂଚଳର ଏଲଏଏସିରେ ସୈନ୍ୟ ମାନେ ସତର୍କ ହୋଇଯାଇଛନ୍ତି । ଚୀନ ଦ୍ୱାରା ସୀମା ବିବାଦ ଓ ପ୍ରଟୋକଲ ଭାଙ୍ଗିବା ନେଇ ଉଚ୍ଚସ୍ତରୀୟ ଚର୍ଚ୍ଚା ହୋଇଥିବା ବେଳେ ଦୁଇ ଦେଶ ମଧ୍ୟରେ ହଟ ଲାଇନ ଆରମ୍ଭ ହୋଇଯାଇଛି ।
