ବିହାର: ବନ୍ୟାଞ୍ଚଳରେ ରିଲିଫ ସାମଗ୍ରୀ ଦେଉଥିବା ବେଳେ ଖସିପଡିଲା ବାୟୁସେନା ହେଲିକପ୍ଟର
ବିହାର ମୁଜାଫରପୁରରେ ହେଲିକପ୍ଟର ଦୁର୍ଘଟଣାଗ୍ରସ୍ତ । ବାୟୁସେନା ହେଲିକପ୍ଟର କ୍ରାଶ ହୋଇ ପାଣିରେ ଖସିପଡିଥିବା ଖବର ମିଳିଛି । ହେଲିକପ୍ଟରରେ ଥିବା ୩ କର୍ମୀ ସୁରକ୍ଷିତ ରହିଛନ୍ତି । ତେବେ ହେଲିକପ୍ଟରଟି ମୁଜାଫରପୁରର ଓରାଇ ସ୍ଥିତ ଘନଶ୍ୟାମପୁରରେ ହେଲିକପ୍ଟର କ୍ରାଶ ହୋଇଛି । ହେଲିକପ୍ଟର ବନ୍ୟା ଅଞ୍ଚଳରେ ସାମଗ୍ରୀ ଡ୍ରପ କରୁଥିଲା ।
ଭାରତୀୟ ବାୟୁସେନାର ଆଡଭାନ୍ସ ଲାଇନ ହେଲିକପ୍ଟର ବିହାରର ସୀତାମଢିରେ ବନ୍ୟା ପ୍ରପୀଡିତଙ୍କୁ ରିଲିଫ ସହାୟତା ଯୋଗାଉଥିବା ବେଳେ ଅସାବଧାନତା ଯୋଗୁଁ ପାଣିରେ ଖସିପଡିଥିଲା । ହେଲିକପ୍ଟରରେ ଦୁଇଜଣ ପାଇଲଟ ସମତେ ୩ କର୍ମୀ ଥିଲେ । ସମସ୍ତେ ସୁରକ୍ଷିତ ରହିଛନ୍ତି ।
ଘଟଣା ସଂପର୍କରେ ଖବର ପାଇ ଷ୍ଟେଟ ଡିଜାଷ୍ଟର ରେସ୍ପନ୍ସ ଫୋର୍ସର ଏକ ଟିମ୍ ତୁରନ୍ତ ସେଠାକୁ ଯାଇଥିଲେ ଓ ଉଦ୍ଧାର କାର୍ଯ୍ୟରେ ସାମିଲ ହୋଇଥିଲେ । ତେବେ ପ୍ରାରମ୍ଭିକ ଉଦ୍ଧାର କାର୍ଯ୍ୟ କରିଥିଲେ ସ୍ଥାନୀୟ ଲୋକେ ।
