photo: tv9hindi
ଆମେରିକାରେ ଭାରତୀୟ ଇଞ୍ଜିନିୟରଙ୍କୁ ହିନ୍ଦୀରେ କଥା ହେବା ମହଙ୍ଗା ପଡ଼ିଛି। ୭୮ ବର୍ଷୀୟ ଏହି ବରିଷ୍ଠ ବ୍ୟକ୍ତିଙ୍କୁ ଚାକିରିରୁ ବହିଷ୍କାର କରି ଦିଆଯାଇଛି। କାରଣ, ସେ ନିଜର ଜଣେ ସମ୍ପର୍କୀୟଙ୍କ ସହିତ ଭିଡିଓ କଲ୍ରେ ହିନ୍ଦୀରେ କଥା ହେଉଥିଲେ। ଚାକିରିରୁ ବହିଷ୍କୃତ ହୋଇଥିବା ବ୍ୟକ୍ତିଙ୍କ ନାମ ଅନିଲ ଭାରଷ୍ଣେୟ।
ରିପୋର୍ଟ ମୁତାବକ, ଭାରଷ୍ଣେୟ ଦୀର୍ଘ ଦିନ ଧରି ଅଲାବାମାରେ ହଣ୍ଟସଭିଲି ମିସାଇଲ୍ ଡିଫେନ୍ସ କଣ୍ଟ୍ରାକ୍ଟର ପାର୍ସନ୍ସ କର୍ପୋରେସନ୍ ସହିତ କାମ କରି ଆସୁଥିଲେ। ସେ ଏହି କମ୍ପାନୀର ଜଣେ ବରିଷ୍ଠ ସିଷ୍ଟମ ଇଞ୍ଜିନିୟର ଥିଲେ।
ଗତ ବର୍ଷ ସେପ୍ଟେମ୍ବର ୨୬ରେ ଏହି ଘଟଣା ଘଟିଥିଲା। ଅନିଲ ଭାରଷ୍ଣେୟ ଭାରତରେ ରହୁଥିବା ଜଣେ ସମ୍ପର୍କୀୟଙ୍କ ସହ ଭିଡିଓ କଲରେ କଥା ହେଉଥିଲେ। ଏହି ସମୟରେ ତାଙ୍କର ଜଣେ ସହକର୍ମୀ ତାଙ୍କୁ ଏପରି କରୁଥିବାର ଦେଖି ନେଇଥିଲେ ଏବଂ ତାଙ୍କୁ କହିଥିଲେ କି, ଫୋନ୍ କଲରେ କଥା ହେବା ନିଷେଧ। ଏହା ପରେ ଭାରଷ୍ଣେୟ ତୁରନ୍ତ କଲ୍ କାଟି ଦେଇଥିଲେ।
କୁହାଯାଉଛି ଯେ ଅନିଲ ଭାରଷ୍ଣେୟ ଯାହାଙ୍କ ସହିତ ଫୋନ୍ରେ କଥା ହେଉଥିଲେ, ସେ ମୃତ୍ୟୁଶଯ୍ୟାରେ ପଡ଼ିଥିଲେ। ସମ୍ପର୍କୀୟ ଜଣକ ତାଙ୍କର ଶେଷ ସମୟରେ ଭାରଷ୍ଣେୟଙ୍କ ସହିତ କଥା ହେବାକୁ ଚାହୁଁଥିଲେ। ଉଭୟଙ୍କ ମଧ୍ୟରେ ପ୍ରାୟ ୨ ମିନିଟ୍ ପର୍ଯ୍ୟନ୍ତ କଥାବାର୍ତ୍ତା ହୋଇଥିଲା।
ସେପଟେ ଭାରଷ୍ଣେୟ ଚାକିରିରୁ ବହିଷ୍କୃତ ହେବା ପରେ ପାର୍ସନ୍ସ କର୍ପୋରେସନ୍ ଏବଂ ଆମେରିକା ପ୍ରତିରକ୍ଷା ମନ୍ତ୍ରୀଙ୍କ ବିରୋଧରେ ଫେଡେରାଲ୍ କୋର୍ଟରେ ମାମଲା ଦାୟର କରିଛନ୍ତି। ଏଥିରେ ଦାବି କରାଯାଇଛି ଯେ ତାଙ୍କ ସହକର୍ମୀ ତାଙ୍କ ବିଷୟରେ କମ୍ପାନୀକୁ ଭୁଲ୍ ତଥ୍ୟ ଦେଇଛନ୍ତି। ଫୋନ୍ କଲରେ କୌଣସି ବି ପ୍ରକାରର ଉଲ୍ଲଂଘନ ହୋଇ ନ ଥିଲା। ତାଙ୍କ ସହିତ ଭେଦଭାବ କରାଯାଇଛି।
ଏଥି ସହିତ ସେ ଦାବି କରିଛନ୍ତି କି, ସମ୍ପର୍କୀୟଙ୍କ ସହ କଥାବାର୍ତ୍ତା ବେଳେ ସେ କମ୍ପାନୀ ସହ ଜଡିତ କୌଣସି ଗୋପନୀୟ ତଥ୍ୟ ସେୟାର କରିନାହାନ୍ତି କି କମ୍ପାନୀର କାର୍ଯ୍ୟ ସମ୍ପର୍କରେ ସୂଚନା ଦେଇନାହାନ୍ତି।
ଚାନ୍ଦବାଲି (କେନ୍ୟୁଜ): ଏ ଶରୀର କ୍ଷଣସ୍ଥାୟୀ । ସତରେ ଏ ଶରୀର କିଛି ନୁହେଁ ଆଜି ଭଲ ଅଛି ତ…
ଏଲନ୍ ମସ୍କଙ୍କ ସୋସିଆଲ୍ ମିଡିଆ ପ୍ଲାଟଫର୍ମ ‘X’ ଭାରତରେ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି । X କର୍ପ ଏପ୍ରିଲ…
ଭୁବନେଶ୍ୱର(କେନ୍ୟୁଜ୍): ସ୍କୁଲ ଛୁଟି ନିଷ୍ପତ୍ତି ନେବେ ଜିଲ୍ଲାପାଳ । ସ୍ଥାନୀୟ ପାଣିପାଗ ସୂଚନା ଭିତ୍ତିରେ ଜିଲ୍ଲାପାଳମାନେ ନିଷ୍ପତ୍ତି ନେବାକୁ ମୁଖ୍ୟମନ୍ତ୍ରୀଙ୍କ…
ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା ଖୁବ ଶୀଘ୍ର ବିବାହ କରିବାକୁ ଯାଉଛନ୍ତି । ରକୁଲ ପ୍ରୀତ ସିଂ, କ୍ରିତି ଖରବନ୍ଦା…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ରେଳ ଦୁର୍ଘଟଣାରେ ଏପର୍ଯ୍ୟନ୍ତ ୧୫ ଜଣଙ୍କର ମୃତ୍ୟୁ ହୋଇଥିବା ବେଳେ ୫୦ରୁ ଅଧିକ ଆହତ ହୋଇଥିବା…
ଭୁବନେଶ୍ୱର(କେନ୍ୟୁଜ୍): ଟ୍ରେନ ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତି ମାନଙ୍କ ପାଇଁ ମୁଖ୍ୟମନ୍ତ୍ରୀଙ୍କ ଶୋକ । ପଶ୍ଚିମବଙ୍ଗର ନୂଆ ଜଲ୍ ପାଇଗୁଡ଼ି…