ଚେନ୍ନାଇ ବିମାନବନ୍ଦରରୁ ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ବାତ୍ୟା ‘ଫେଙ୍ଗଲ୍’ ପ୍ରଭାବରେ ପ୍ରବଳ ପବନ ହେତୁ ଇଣ୍ଡିଗୋର ଏକ ବିମାନ ରନୱେରେ ସଠିକ୍ ଅବତରଣ କରିପାରି ନାହିଁ । ରନୱେରେ ଅବତରଣ କରିବାକୁ ଚେଷ୍ଟା କରୁଥିବା ବେଳେ ବିମାନଟି ଆକାଶରେ ଦୋହଲିଥିଲା ।
ଯଦିଓ ଶେଷ ମୁହୂର୍ତ୍ତରେ ପାଇଲଟ୍ ଉପସ୍ଥିତ ବୁଦ୍ଧି ଖଟାଇ ବିମାନକୁ ପୁଣିଥରେ ଟେକ୍ ଅଫ୍ କରାଇବାକୁ ନିଷ୍ପତ୍ତି ନେଇଥିଲେ, ଯାହାଫଳରେ ଶହ ଶହ ଯାତ୍ରୀଙ୍କ ଜୀବନ ରକ୍ଷା ପାଇଯାଇଥିଲା । ପ୍ରବଳ ପବନ ଏବଂ ରନୱେରେ ପାଣି ଜମା ହୋଇଥିବା ଯୋଗୁ ବିମାନ ଲ୍ୟାଣ୍ଡ କରିପାରି ନ ଥିଲା ।
ପୂରା ଘଟଣାକୁ ନେଇ ଇଣ୍ଡିଗୋ ପକ୍ଷରୁ ଏକ ବିବୃତ୍ତି ଜାରି କରାଯାଇଛି । ଏୟାରଲାଇନ୍ସ ପକ୍ଷରୁ କୁହାଯାଇଛି ଯେ ଖରାପ ପାଣିପାଗ କାରଣରୁ ମୁମ୍ବାଇରୁ ଚେନ୍ନାଇ ଆସୁଥିବା ବିମାନ ନମ୍ବର 6E 683 ପବନରେ ଦୋହଲିବା ଆରମ୍ଭ କରିଥିଲା । ବିମାନକୁ ଏକ ଗୋ-ଆରାଉଣ୍ଡ କରିବାକୁ ପଡ଼ିଥିଲା । ଏହା ଏକ ସୁରକ୍ଷା ମାନକ । ଏପରି ପରିସ୍ଥିତିର ମୁକାବିଲା କରିବାକୁ ଆମ ପାଇଲଟ ସକ୍ଷମ । ନିରାପଦ ଅବତରଣ କରିବାରେ ଅସୁବିଧା ହେଲେ ଏକ ଗୋ-ଆରାଉଣ୍ଡ କରାଯାଇଥାଏ । ଆମେ ଆମ ଯାତ୍ରୀ, ବିମାନ ଏବଂ କ୍ରୁ ସଦସ୍ୟଙ୍କ ସୁରକ୍ଷା ପ୍ରତି ନିଜର ପ୍ରତିବଦ୍ଧତାକୁ ପୁଣିଥରେ ଦୋହରାଇଛୁ ।
କହି ରଖୁଛୁ, ସାମୁଦ୍ରିକ ଘୂର୍ଣ୍ଣିବାତ୍ୟା ‘ଫେଙ୍ଗଲ୍’ ଗତକାଲି ରାତିରେ ପୁଡୁଚେରୀର କରାଇକଲ୍ ଏବଂ ତାମିଲନାଡ଼ୁର ମହାବଲିପୁରମ୍ ମଧ୍ୟରେ ସମୁଦ୍ର ଉପକୂଳରେ ମାଡ଼ ହୋଇଛି । ଏହି କାରଣରୁ ଚେନ୍ନାଇ ପାଣିପାଗରେ ପରିବର୍ତ୍ତନ ହୋଇଛି, ଯାହାର ପ୍ରଭାବ ଚେନ୍ନାଇ ଅନ୍ତର୍ଜାତୀୟ ବିମାନବନ୍ଦରରେ ଦେଖିବାକୁ ମିଳିଥିଲା ।
चेन्नई में चक्रवात तूफान ” फेंगल”के बीच इंडिगो का यह विमान रन वे पर उतरने का प्रयास करता है और फिर खतरनाक तरीके से अंत समय में वापिस हवा में उड़ जाता है.
सौभाग्य से कोई बड़ा हादसा नहीं हुआ … pic.twitter.com/eyWxS6GmNC
— Ankit Kumar Avasthi (@kaankit) December 1, 2024