ମଶା କାମୁଡ଼ାରେ ହଇରାଣ ହୋଇଥିବା ତିନି ଯାତ୍ରୀଙ୍କୁ ଇଣ୍ଡିଗୋ ଦେବ ୧.୨୦ଲକ୍ଷ ଟଙ୍କା କ୍ଷତିପୂରଣ
ନୂଆଦିଲ୍ଲୀ : ଏକ ଆଶ୍ଚର୍ଯ୍ଯକର ଘଟଣା ଦେଖିବାକୁ ମିଳିଛି ଇଣ୍ଡିଗୋ ଏୟାରଲାଇନ୍ସରେ। କମ୍ପାନି ମଶା ଦ୍ବାରା ହଇରାଣ ହୋଇଥିବା ୩ଜଣ ଯାତ୍ରୀଙ୍କୁ ୧.୨୦ ଲକ୍ଷ ଟଙ୍କା କ୍ଷତିପୂରଣ ଦେବା ନେଇ ଘୋଷଣା କରିଛି। ଖାଲି ତାହା ନୁହଁ କମ୍ପାନିକୁ ୧୫ହଜାର ଟଙ୍କା କୋର୍ଟରେ ମଧ୍ୟ ଦେବାକୁ ପଡ଼ିବ।
ସୂଚନା ଅନୁଯାୟୀ, ଓକିଲ ଦିପଇନ୍ଦର ସିଂ ଚଳିତ ବର୍ଷ ୧୨ ଏପ୍ରିଲରେ ନିଜ ସାଙ୍ଗ ଉପଦୀପ ସିଂ ଏବଂ ସୁଖନଦୀପ ସିଂଙ୍କ ସହ ଇଣ୍ଡିଗୋ ଏୟାରଲାଇନ୍ସ ଯୋଗେ ଦିଲ୍ଲୀ ଯାତ୍ରା କରିଥିଲେ। ଏହି ସମୟରେ ତାଙ୍କ ସିଟ ପଛକୁ ଥିବା ବେଳେ ସେଠାରେ ବହୁତ ମଶା ରହିଥିଲେ। ତାଙ୍କୁ ବହୁତ ହଇରାଣର ସାମ୍ନା କରିବାକୁ ପଡ଼ିଥିବା ବେଳେ ସେ ଏହା ବିଷୟରେ ଏୟାରଲାଇନ୍ସରେ ଅଭିଯୋଗ କରିଥିଲେ। କିନ୍ତୁ ଇଣ୍ଡିଗୋ ଏୟାରଲାଇନ୍ସ ଏହି କଥାକୁ ଗମ୍ଭୀରତାର ସହ ନେଇନଥିଲେ।
