ଇଣ୍ଡୋନେସିଆର ଯୁବକ ବାହା ହୋଇଥିଲେ ପ୍ରେସର କୁକରକୁ
ସୋସିଆଲ ମିଡିଆରେ ସବୁଦିନେ କେତେ କଣ ଘଟଣା ଭାଇରାଲ ହେଉଛି । ସେହିଭଳି ଏକ ଘଟଣାକୁ ନେଇ ଏବେ ଜୋର ଧରିଛି ଚର୍ଚ୍ଚା । ଇଣ୍ଡୋନେସିଆର ଜଣେ ଯୁବକ ପ୍ରେସର କୁକରକୁ ବାହା ହୋଇଛନ୍ତି । ଖୋଇରୁଲ ଅନମ ନାମକ ଏହି ଯୁବକ କାହିଁକି ଏଭଳି ଅଜବ ବିବାହ କଲେ ତାକୁ ନେଇ ସମସ୍ତେ ଆଶ୍ଚର୍ଯ୍ୟ । ସେ କୁକରଟିକୁ ଗୋଟିଏ ଓଢ଼ଣୀରେ ଘୋଡ଼ାଇ ତାକୁ ଗେଲ କରୁଥିବାର ଫଟୋ ବି ସୋସିଆଲ ମିଡିଆରେ ଛାଡ଼ିଥିଲେ । ସେ ତାଙ୍କ ବେଗମକୁ ଗୋରୀ, ଆଜ୍ଞାକାରୀ, ପ୍ୟାରୀ ଏବଂ ବଢ଼ିଆ ଖାଇବା ବନାଇବାରେ ଓସ୍ତାଦ ବୋଲି କହିଥିଲେ । ବାହାଘର ପୂରା ରୀତିନୀତିରେ ହୋଇଥିଲା ।
ତେବେ ବିବାହର ଚାରି ଦିନ ପରେ ଖୋଇରୁଲ ତାଙ୍କର ଏହି ଅଜବ ପତ୍ନୀଙ୍କୁ ତଲାକ ଦେଇଦେଲେ । ଆଉ କହିଲେ ମୋର ଏହି ବେଗମ୍ କେବଳ ଭାତ ରାନ୍ଧି ଜାଣିଛି । ଆଉ କିଛି ଜାଣି ନାହିଁ ।
ଅବଶ୍ୟ ଏବେ ଏହି ଘଟଣା ସୋସିଆଲ ମିଡିଆରେ ନିଆଁ ଭଳି ବ୍ୟାପିଗଲା । ତେବେ ଘଟଣାଟି ୩ ବର୍ଷ ତଳର । ୨୦୨୧ମସିହା ସେପଟେମ୍ବର ମାସରେ ଖୋଇରୁଲ ତାଙ୍କ ଫେସବୁକରେ କୁକରକୁ ବାହା ହେବାର ଫଟୋ ଛାଡ଼ିଥିଲେ । ଏକଥା ସତ ଯେ ଖୋଇରୁଲ ନିଜର ପ୍ରଚାର ପାଇଁ ଏଭଳି ଢଙ୍ଗରେ ଅନେକ କାରନାମା କରିଛନ୍ତି । ତେଣୁ ସ୍ଥାନୀୟ ଲୋକେ ତାକୁ ବିଶେଷ ଗୁରୁତ୍ୱ ଦିଅନ୍ତି ନାହିଁ ।
