ମଧ୍ୟପ୍ରାଚ୍ୟରେ ଭୟଙ୍କର ସ୍ଥିତି : ଇସ୍ରାଏଲ ଉପରେ ଶହଶହ ମିସାଇଲ ମାଡ଼ କରିଛି ଇରାନ
ନୂଆଦିଲ୍ଲୀ : ବିଶ୍ବ ଦେଖିପାରେ ବଡ଼ ଯୁଦ୍ଧ। ମଧ୍ୟପ୍ରାଚ୍ୟରେ ଭୟଙ୍କର ସ୍ଥିତି । ଇସ୍ରାଏଲ ଉପରେ ଶହଶହ ମିସାଇଲ ମାଡ଼ କରିଛି ଇରାନ । ଇସ୍ରାଏଲର ବିଭିନ୍ନ ଅଞ୍ଚଳକୁ ରାତିରେ ଟାର୍ଗେଟ କରିଛି । ଜନବସତି, ଇରାନ ଗୁଇନ୍ଦା ସଂସ୍ଥା ମୋସାଦ ହେଡକ୍ବାର୍ଟର, ଶିଳ୍ପାଞ୍ଚଳକୁ ଟାର୍ଗେଟ କରିଛି ଇରାନ । ହିଜବୁଲ୍ଲା ମୁଖ୍ୟ ନସରୁଲ୍ଲା ହତ୍ୟାର ପ୍ରତିଶୋଧ ନେଇଛି ଇରାନ । ଅନ୍ତର୍ଜାତୀୟ ଆଇନ ଅନୁସାରେ ଇସ୍ରାଏଲ ଉପରେ ଆକ୍ରମଣକୁ ଠିକ୍ ବୋଲି କହିଛି ଇରାନ । ଇସ୍ରାଏଲ ଏହାର ଭୟଙ୍କର ଜବାବ ଦେଇପାରେ । ଇରାନ ଉପରେ ବଡ଼ ଧରଣର ହମଲା କରିପାରେ ଇସ୍ରାଏଲ ।
ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ କହିଛନ୍ତି, ଇସ୍ରାଏଲ ଉପରେ ମିସାଇଲ ମାଡ଼ କରି ମସ୍ତବଡ଼ ଭୁଲ କରିଛି ଇରାନ। ଏଥିପାଇଁ ଇରାନକୁ ବହୁ ମୂଲ୍ୟ ଦେବାକୁ ହେବ । ନିଜର ସୁରକ୍ଷା ପାଇଁ ଶତ୍ରୁ ଉପରେ ପ୍ରହାର କରିବାକୁ ଇସ୍ରାଏଲ ବଦ୍ଧ ପରିକର । ହମାସ ମୁଖ୍ୟ ୟାହିୟା ସିନୁଆର ଓ ହିଜବୁଲ୍ଲା ମୁଖ୍ୟ ନରସୁଲ୍ଲା ଏକାଥ ବୁଝି ନଥିଲେ । ଇରାନ ମଧ୍ୟ ଏକଥା ବୁଝି ନାହିଁ । ଖୁବ ଶୀଘ୍ର ଇରାନ ବୁଝିଯିବ ବୋଲି ଚେତାବନୀ ଶୁଣାଇଛନ୍ତି ନେତାନ୍ୟାହୁ । ଏଣେ ଇସ୍ରାଏଲକୁ ପାଲଟା ଚେତାବନୀ ଦେଇଛନ୍ତି ଇରାନ ସେନା ମୁଖ୍ୟ । ଇରାନ ଉପରେ ଜବାବୀ ଆକ୍ରମଣ ହେଲେ ଇସ୍ରାଏଲ ସୀମାରେ ପୁଣି ଆକ୍ରମଣ ହେବ ବୋଲି ଚେତାବନୀ ଦେଇଛନ୍ତି । ଇସ୍ରାଏଲ ଉପରେ ପ୍ରାୟ ୨୦୦ ବାଲିଷ୍ଟିକ କ୍ଷେପଣାସ୍ତ୍ର ମାଡ଼ କରିଛି ଇରାନ । ଏଥିରୁ ଅଧିକାଂଶ ମିସାଇଲକୁ ଆଇରନ ଡୋମ୍ ଖସାଇ ଦେଇଥିବା ଦାବି କରିଛି ଇସ୍ରାଏଲ ।
