ଉତ୍ତର ବୁର୍କିନାରେ ଜିହାଦିଙ୍କ ତାଣ୍ଡବଲୀଳା, ବିରାଟ ଧରଣର ଆକ୍ରମଣରେ ନେଇଗଲେ ୧୮ ଜଣଙ୍କ ଜୀବନ

ଉତ୍ତର ବୁର୍କିନାରେ ସନ୍ଦିଗ୍ଧ  ଜିହଦିଆ ଆକ୍ରମଣରେ  ୧୮ ଜଣ ସାଧାରଣ ଲୋକଙ୍କ ମୃତ୍ୟୁ ହୋଇଥିବାର  ଖବର ମିଳିଛି। ଏକ ସୁରକ୍ଷା ସୂତ୍ର ମୁତାବକ  ସେନାର କ୍ୟାମ୍ପ ଶେଷ ଅଞ୍ଚଳର ଲାମଦାମେଲ ଗାଁରେ ଶନିବାର ଦିନ ମୋଟର ସାଇକେଲରେ ଆସିଥିବା ସଶସ୍ତ୍ର ଆକ୍ରମଣକାରୀ ସ୍ଥାନୀୟ ବାସିନ୍ଦାଙ୍କୁ ହତ୍ୟା କରିଥିଲେ। ଦେଶର ଉତ୍ତରରେ ଏକ ସପ୍ତାହ ପୂର୍ବରୁ ମଧ୍ୟ ଏଭଳି ଆକ୍ରମଣ ହୋଇଛି। ଏହା ପୂର୍ବରୁ ସୋମ ପ୍ରାନ୍ତରେ  ୨୫ ଜାନୁଆରୀରେ ହୋଇଥିବା ଆକ୍ରମଣରେ ୩୯ ନାଗରିକ ମୃତ୍ୟୁବରଣ କରିଥିଲେ ।

ଡୋରୀ ସହରର ଜଣେ ସ୍ଥlନୀୟ ସ୍ବାସ୍ଥ୍ୟ ଅଧିକାରୀ କହିଛନ୍ତି ଯେ ମୃତ୍ୟୁବରଣ କରିଥିବା ଲୋକମାନଙ୍କ ମଧ୍ୟରେ ଅଧିକତମ ନର୍ସ ମଧ୍ୟ ସାମିଲ  ଅଛନ୍ତି ଯେଉଁମାନେ ଲାମଦାମେଲ ଗାଁରେ ରହୁଥିଲେ। ଆକ୍ରମଣ ପରେ ଲାମଦାମେଲ ଗାଁ ଏହାର ଆଖପାଖ ଗାଁର ଲୋକମାନେ ଭୟଭିତ ଅବସ୍ଥାରେ ଅଛନ୍ତି ଓ ସେହି ଅଞ୍ଚଳ ଛାଡି ଦେଉଛନ୍ତି। କର୍ଣ୍ଣଲ ସାଲଫୋ କାବେରେ ରବିବାର ଦିନ କହିଛନ୍ତି ଯେ ସୁରକ୍ଷା ବଳ ନର୍ସମାନଙ୍କ  ଶବ ଗୁଡିକୁ ଧରି ଆସିଥିଲେ ଯାହା ଫଳରେ ସେଗୁଡିକ ସେମାନଙ୍କ ପରିବାରକୁ ହସ୍ତାନ୍ତର କରାଯାଇପାରିବ।

ସେ  କହିଛନ୍ତି ଯେ ଅଞ୍ଚଳର ସୁରକ୍ଷା ବ୍ୟବସ୍ଥା କରାଯାଇଛି ଯାହାଫଳରେ ପୀଡିତଙ୍କର ମଧ୍ୟ ଅନ୍ତିମ ସଂସ୍କାର କରାଯାଇପାରିବ ଅନ୍ୟଜଣେ ସୁରକ୍ଷାକର୍ମୀ କହିଛନ୍ତି ଯେ ଜିହାଦିମାନେ ସ୍ଥାନୀୟ ଲୋକମାନଙ୍କୁ କିଛି ଦିନ ପୂର୍ବରୁ ଅଞ୍ଚଳ ଖାଲି କରିବାକୁ କହିଥିଲେ। ଯେତେବେଳେ ଜିହାଦିମାନଙ୍କ କଥାକୁ ଗ୍ରାମବାସୀମାନେ ଶୁଣିନଥିଲେ  ସେତେବେଳେ ଜିହାଦିମାନେ ଏହି କାଣ୍ଡ ଘଟାଇଥିଲେ।  ବୁର୍କାନି ଫାସୋ ମାଲି ଓ ନାଇଜରର ସୀମାରେ ଅବସ୍ଥିତ। ଉଭୟ ଦେଶ ଏହି  ଜିହାଦିମାନଙ୍କ ଆକ୍ରମଣରେ ଅତିଷ୍ଠ ହୋଇ ଅଛନ୍ତି ।