ଆମେରିକା ପାଇଲା ନୂଆ ରାଷ୍ଟ୍ରପତି, ୪୬ ତମ ରାଷ୍ଟ୍ରପତି ଭାବେ ପଦ ଓ ଗୋପନୀୟତାର ଶପଥ ପାଠ କଲେ ଜୋ ବାଇଡେନ୍
କେନ୍ୟୁଜ୍(ବ୍ୟୁରୋ): ଆମେରିକା ପାଇଲା ନୂଆ ରାଷ୍ଟ୍ରପତି । ୪୬ ତମ ରାଷ୍ଟ୍ରପତି ଭାବେ ପଦ ଓ ଗୋପନୀୟତାର ଶପଥ ପାଠ କରିଛନ୍ତି ଜୋ ବାଇଡେନ୍ । ଉପରାଷ୍ଟ୍ରପତି ଭାବେ ଶପଥ ନେଲେ ଭାରତୀୟ ବଂଶୋଦ୍ଭବ କମଲା ହାରିସ୍ । ବାଇଡେନ୍ଙ୍କୁ ଶପଥ ପାଠ କରାଇଥିଲେ ସୁପ୍ରିମକୋର୍ଟ ବିଚାରପତି ଜନ୍ ରବର୍ଟସ୍ । କମଲା ହାରିସ୍ଙ୍କୁ ଶପଥ ପାଠ କରାଇଥିଲେ ସୋନିଆ ସୋତୋମାୟର ।
ଶପଥଗ୍ରହଣ ଉତ୍ସବରେ ଉପସ୍ଥିତ ଥିଲେ ଆଇନ୍ ପ୍ରଣେତା, ବରିଷ୍ଠ ସରକାରୀ ଅଧିକାରୀ ଓ ନିମନ୍ତ୍ରିତ ଅତିଥି । ଓଥ ସେରେମୋନି ପାଇଁ ଉତ୍ସବମୁଖର ହୋଇପଡିଥିଲା ଆମେରିକା । ସୁରକ୍ଷାର ଅଭେଦ୍ୟ ବଳୟ ଭିତରେ ଓ୍ଵାସିଂଟନ୍ ଡିସିକୁ ରଖାଯାଇଥିଲା । ଏପେଟ ‘ଆଜି ଆମେରିକାରେ ନୂଆ ଅଧ୍ୟାୟ ଆରମ୍ଭ ହୋଇଛି’ ବୋଲି ବାଇଡେନ୍ କହିଛନ୍ତି ।