ସମୁଦ୍ର କୂଳରେ ଯୋଗ କରିବା ସମୟରେ ଭାସିଗଲେ ଋଷିଆନ ଅଭିନେତ୍ରୀ । ଅଭିନେତ୍ରୀଙ୍କ ନାମ କମିଲା ବେଲ୍ୟାଟସ୍କାୟା ସମୁଦ୍ର କୂଳରେ ଯୋଗ କରୁଥିବା ବେଳେ ଜୁଆରରେ ଭାସିଯାଇଥିଲେ । ସମୁଦ୍ର ଭିତରୁ ତାଙ୍କର ମୃତଦେହ ଉଦ୍ଧାର କରାଯାଇଛି । ସୋସିଆଲ ମିଡିଆରେ ଅଭିନେତ୍ରୀ ଜଣକ ସମୁଦ୍ରରେ ଭାସି ଯାଉଥିବାର ଫୁଟେଜ ଭାଇରାଲ ହେବାରେ ଲାଗିଛି ।
ସିସିଟିଭି ଫୁଟେଜ ଅନୁଯାୟୀ, ଅଭିନେତ୍ରୀ କମିଲା ଲାଲରଙ୍ଗର କାରରେ ସମୁଦ୍ର କୂଳରେ ପହଞ୍ଚିଥିଲେ । ଅଭିନେତ୍ରୀ ଥାଇଲ୍ୟାଣ୍ଡର କୋହ ସାମୁଇ ଦ୍ୱୀପରେ ଯୋଗ ମ୍ୟାଟ ବିଛାଇ ଯୋଗ କରିବା ଆରମ୍ଭ କରିଥିଲେ । ଯୋଗ କରିବାର କିଛି ସମୟ ପରେ ସମୁଦ୍ରରେ ପ୍ରବଳ ଲହଡ଼ି ଆସିଥିଲା । ଏହି ଲହଡ଼ି କମିଲାଙ୍କୁ ଭସାଇ ନେଇଥିଲା । ଏହା ଦେଖି ଜଣେ ବ୍ୟକ୍ତି ବଞ୍ଚାଇବା ପାଇଁ ପାଣିକୁ ଡେଇଁଥିଲେ କିନ୍ତୁ ଉଦ୍ଧାର କରିବାରେ ଅସଫଳ ହୋଇଥିଲେ । ଉଦ୍ଧାରକାରୀ ଦଳ ଘଟଣାର ୧୫ ମିନିଟ ମଧ୍ୟରେ ସେଠାରେ ପହଞ୍ଚିଥିଲେ । ହେଲେ ଅଭିନେତ୍ରୀଙ୍କ ମୃତଦେହକୁ ସମୁଦ୍ର ଭିତରୁ ଉଦ୍ଧାର କରାଯାଇଥିଲା ।
Hình ảnh cuối của nữ du khách tập yoga trên mỏm đá trước khi bị sóng cuốn
Một nữ du khách Nga 24 tuổi đã bị sóng cuốn xuống biển khi tập yoga trên mỏm đá tại điểm ngắm cảnh Lad Koh, đảo Koh Samui, Thái Lan vào ngày 29-11. pic.twitter.com/7VYbwevCzM
— South of Vietnam (@vincent31473580) December 1, 2024
ସମୁଦ୍ରରେ ଏଭଳି ବଡ଼ବଡ଼ ଲହଡ଼ି ପାଇଁ ପର୍ଯ୍ୟଟକମାନଙ୍କୁ ସତର୍କ କରାଇଥିଲା ପୋଲିସ । ଏମିତି କି ବିପଦପୂର୍ଣ୍ଣ ସ୍ଥାନରେ ଲାଲ ପତାକା ବି ଲଗାଇଥିଲା । କିନ୍ତୁ ଅଭିନେତ୍ରୀ ଏହି ସଙ୍କେତକୁ ଅବହେଳା କରି ବିପଦପୂର୍ଣ୍ଣ ସ୍ଥାନରେ ଯୋଗ କରିଥିଲେ । ଆଉ ସମୁଦ୍ରରେ ଭାସି ଯାଇଥିଲେ । କମିଲା ଏହି ଦ୍ବୀପକୁ ଖୁବ ପସନ୍ଦ କରନ୍ତି । ତେଣୁ ପ୍ରାୟତଃ କମିଲା ଏହି ସ୍ଥାନକୁ ବୁଲିବାକୁ ଓ ଯୋଗ କରିବାକୁ ଆସିଥାଆନ୍ତି ।