ଫ୍ରାନ୍ସ ଆତଙ୍କୀ ଆକ୍ରମଣ ମାମଲା : ମାଲେସିଆ ପୂର୍ବ ପ୍ରଧାନମନ୍ତ୍ରୀଙ୍କ ଉପରେ ବର୍ଷିଲେ କଙ୍ଗନା, କହିଲେ ଏହି ଲୋକ ରକ୍ତ ପିପାସୁ
କିଛିଦିନ ତଳେ ଫ୍ରାନ୍ସର ନିସ୍ ସହରରେ ଥିବା ଏକ ଚର୍ଚ୍ଚରେ ଆତଙ୍କବାଦୀଙ୍କ ଆକ୍ରମଣରେ ୩ ଜଣ ଲୋକଙ୍କ ମୃତ୍ୟୁ ହୋଇଯାଇଛି । ଆକ୍ରମଣ ପରେ ମାଲେସିଆ ପୂର୍ବ ପ୍ରଧାନମନ୍ତ୍ରୀ ଏକ ବିବାଦୀୟ ମନ୍ତବ୍ୟ ଦେଇ ଫସି ଯାଇଛନ୍ତି । ପୂର୍ବ ପ୍ରଧାନମନ୍ତ୍ରୀ ମହାତିର ମହମ୍ମଦ ଫ୍ରାନ୍ସରେ ହେଉଥିବା ଏହି ଆକ୍ରମଣକୁ ଟ୍ଵିଟ୍ କରି ଠିକ୍ ବୋଲି କହିଛନ୍ତି ।
ତେବେ ତାଙ୍କର ବିବାଦୀୟ ମନ୍ତବ୍ୟକୁ ନେଇ ପ୍ରତିକ୍ରିୟା ପ୍ରକାଶ ପାଇବା ପରେ ସେ ତାଙ୍କର ଟ୍ଵିଟ୍କୁ ଡିଲିଟ୍ କରି ଦେଇଛନ୍ତି । ମହମ୍ମଦଙ୍କ ଏପରି ଟ୍ଵିଟ୍ ଉପରେ ପ୍ରତିକ୍ରିୟା ପ୍ରକାଶ କରି ବଲିଊଡ୍ ଅଭିନେତ୍ରୀ କଙ୍ଗନା ରଣାଓ୍ଵତ ତାଙ୍କୁ ରକ୍ତ ପିପାସୁ ବ୍ୟକ୍ତି ବୋଲି କହିଛନ୍ତି । କଙ୍ଗନା ଟ୍ଵିଟ୍ କରି ଲେଖିଛନ୍ତି ‘ଏହି ବ୍ୟକ୍ତି ରକ୍ତ ପିପାସୁ ଅଟନ୍ତି ।
This man seems blood thirsty, what is this stupid analogy? So based on this analogy Hindus have the right to kill Christians and Muslims for the massacres of the past? Being the president of a nation he speaks so stupidly….SHOCKING !!! #FranceBeheading #franceattack https://t.co/w6g37vJgjA
— Kangana Ranaut (@KanganaTeam) October 29, 2020
ଏହା ଏକ ମୂର୍ଖତାପୂର୍ଣ୍ଣ ଯୁକ୍ତି ଅଟେ । ସେହି ହିସାବରେ ଅତୀତରେ ହୋଇଥିବା ହିନ୍ଦୁମାନଙ୍କ ନରସଂହାର ପାଇଁ ଇସାଇ ଓ ମୁସଲ୍ମାନଙ୍କୁ ମାରିବା କ’ଣ ଅଧିକାର ଅଟେ କି ? ଦେଶର ଏକ ରାଷ୍ଟ୍ରପତି ହିସାବରେ ଏହା ଏକ ଦୁର୍ଭାଗ୍ୟପୂର୍ଣ୍ଣ କଥା ।’
କଙ୍ଗନା ତାଙ୍କର ଟ୍ଵିଟ୍ରେ ମହାତିର ମୋହମ୍ମଦଙ୍କୁ ଭୁଲ୍ରେ ରାଷ୍ଟ୍ରପତି କହି ଦେଇଥିବାରୁ ଭୁଲ୍ ସ୍ୱୀକାର କରିଥିଲେ । ପରେ ଏହାକୁ ଠିକ୍ କରି ଲେଖିଛନ୍ତି ‘ରାଷ୍ଟ୍ରପତି ନୁହଁନ୍ତି ପ୍ରଧାନମନ୍ତ୍ରୀ ।
Not the president but the Prime Minister * …. sorry for the typo but he should be called Prime Monster* instead for justifying #FranceBeheading #franceattack #Sick
— Kangana Ranaut (@KanganaTeam) October 29, 2020
ପ୍ରକାଶଯୋଗ୍ୟ ଯେ ଫ୍ରାନ୍ସର ଏକ ଚର୍ଚ୍ଚରେ ଜଣେ ଆତଙ୍କୀ ଛୁରୀ ଦ୍ୱାରା ୩ ଜଣଙ୍କୁ ଅତି ବର୍ବରତାର ସହ ହତ୍ୟା କରିଦେବା ପରେ ବିଶ୍ୱରେ ପ୍ରତିକ୍ରିୟା ପ୍ରକାଶ ପାଇଥିଲା । ଏହି ଘଟଣାକୁ ମହାତିର ଠିକ୍ ବୋଲି କହିଥିଲେ । ସେ ଏକ ଟ୍ଵିଟ୍ରେ ‘ଅତୀତରେ ହୋଇଥିବା ନରସଂହାରକୁ ଦେଖି ମୁସଲମାନ୍ଙ୍କୁ କ୍ରୋଧ ହେବା ଓ ଫ୍ରାନ୍ସ ଲୋକଙ୍କୁ ହତ୍ୟା କରିବା ଠିକ’ ବୋଲି ଲେଖିଥିଲେ । ସାରା ବିଶ୍ୱରେ ପ୍ରତିକ୍ରିୟା ଦେଖି ପରେ ଏହାକୁ ଡିଲିଟ୍ କରିଦେଇଥିଲେ ।