ସମସ୍ତଙ୍କ ସାମ୍ନାରେ ମହିଳାଙ୍କୁ ଚାପୁଡା ମାରିଲେ ମନ୍ତ୍ରୀ, ତଥାପି ଆଶୀର୍ବାଦ ପାଇଁ ମହିଳା ଛୁଇଁଲେ ପାଦ

ନୂଆଦିଲ୍ଲୀ : ମହିଳାଙ୍କୁ ଚଟକଣା ମାରିଲେ ମନ୍ତ୍ରୀ । ତଥାପି ମନ୍ତ୍ରୀଙ୍କ ପାଦ ଛୁଇଁ ପ୍ରଣାମ କଲେ ମହିଳା ଜଣକ । କର୍ଣ୍ଣାଟକର ବିଜେପି ନେତା ଭି.ସୋମନ୍ନାଙ୍କ ଏହି ଚଟକଣାର ଭିଡିଓ ଏବେ ସୋସିଆଲ୍‌ ମିଡିଆରେ ଝଡ଼ ସୃଷ୍ଟି କରିଛି । ଚମରାଜନଗରର ହଙ୍ଗଲା ଗାଁରେ ଜମିପଟ୍ଟା ବଣ୍ଟନ କରିବାକୁ ପହଞ୍ଚିଥିଲେ ଭିତ୍ତିଭୂମି ବିକାଶ ମନ୍ତ୍ରୀ ଭି.ସୋମନ୍ନା । ଏହି ସମୟରେ ମନ୍ତ୍ରୀ ଭି ସୋମନ୍ନା ଜଣେ ମହିଳାଙ୍କୁ ସର୍ବସମ୍ମୂଖରେ ଚାପୁଡ଼ା ମାରିଥିଲେ। ଏହି ଘଟଣାର ଭିଡିଓ କ୍ୟାମେରାରେ କଏଦ ହୋଇଛି, ଯାହା ଏବେ ଖୁବ୍ ଭାଇରାଲ ହେଉଛି। ଭିଡିଓରେ ପୋଲିସ ମଧ୍ୟ ଦେଖିବାକୁ ମିଳନ୍ତି, କିନ୍ତୁ ମନ୍ତ୍ରୀ ଚାପୁଡ଼ା ମାରିବା ପରେ ସେମାନେ ମଧ୍ୟ ଚୁପ୍ ରହିଥିଲେ।

ରିପୋର୍ଟ ମୁତାବକ କର୍ଣ୍ଣାଟକର ଜମରାଜନଗର ଜିଲ୍ଲା ଗୁଣ୍ଡୁଲପେଟ ଠାରେ ଜମି ପଟ୍ଟା ବାଣ୍ଟିବାକୁ ମନ୍ତ୍ରୀ ଆସିଥିଲେ । ହେଲେ ମହିଳା ଜଣଙ୍କୁ ଜମି ପଟ୍ଟା ମିଳିନଥିବାରୁ ସେ କାନ୍ଦି କାନ୍ଦି ମନ୍ତ୍ରୀଙ୍କ ନିକଟରେ ପହଞ୍ଚି ଗୁହାରି କରିଥିଲେ । ହେଲେ ଭୋଟ ଦାତାଙ୍କ ଦୟାରେ ଲୋକପ୍ରତିନିଧି ହୋଇଥିବା ମନ୍ତ୍ରୀ ଜଣଙ୍କ ଗୁହାରି ଶୁଣିବେ କଣ ମହିଳା ଜଣଙ୍କୁ ଏକ ଚାପୁଡା ମାରିଥିଲେ । ଏହାପରେ ବି ମହିଳା ଜଣଙ୍କ ମନ୍ତ୍ରୀଙ୍କ ପାଦ ଛୁଉଁଥିବାର ଦୃଶ୍ୟ ଭିଡିଓରେ ଦେଖିବାକୁ ମିଳିଛି ।

ତେବେ ସବୁଠୁ ଆଶ୍ଚର୍ଯ୍ୟକର କଥା ଏହା ଯେ, ଚାପୁଡ଼ା ମାରିବା ଘଟଣା ପରେ ମଧ୍ୟ ମହିଳା ମନ୍ତ୍ରୀଙ୍କ ପାଦ ଛୁଇଁଥିଲେ। ମନ୍ତ୍ରୀ ତାଙ୍କ ଆଚରଣ ପାଇଁ କ୍ଷମା ମାଗିବା ପରେ ମହିଳା ଜଣକ ଦାବି କରିଛନ୍ତି ଯେ ମନ୍ତ୍ରୀ ତାଙ୍କୁ ସାହାଯ୍ୟ କରିବେ। ଏହି ଘଟଣାକୁ ନେଇ କଂଗ୍ରେସର ରଣଦୀପ ସିଂ ସୁରଜେୱାଲା କହିଛନ୍ତି, “ଗୋଟିଏ ପଟେ ଲୋକଙ୍କୁ ୪୦ପ୍ରତିଶତ କମିଶନଙ୍କ ଭାରୀ ଭାର ବହନ କରିବାକୁ ପଡିବ ଏବଂ ଅନ୍ୟ ପଟେ ମହିଳାମାନେ ଶକ୍ତି ମଦ୍ୟପ ମନ୍ତ୍ରୀଙ୍କ ଦ୍ୱାରା ଚାପୁଡ଼ା ମାରିବେ। ତେବେ ଏହୂଇ ଘଟଣାରେ ମୁଖ୍ୟମନ୍ତ୍ରୀ ବମ୍ମାଇ ଏପରି ମନ୍ତ୍ରୀଙ୍କୁ ବରଖାସ୍ତ କରିବ କି?” ବୋଲି ସେ ପ୍ରଶ୍ନ କରିଛନ୍ତି।

ଅନ୍ୟପକ୍ଷରେ କଂଗ୍ରେସ ଏହି ଘଟଣାକୁ ନିନ୍ଦା କରି ମୁଖ୍ୟମନ୍ତ୍ରୀ ବାସଭାରାଜ ବମ୍ମାଇଙ୍କୁ ମନ୍ତ୍ରୀଙ୍କୁ ବହିଷ୍କାର କରାଯିବ କି ବୋଲି ବିରୋଧୀ ପ୍ରଶ୍ନ କରିଛନ୍ତି। ଶନିବାର ସନ୍ଧ୍ୟାରେ କର୍ଣ୍ଣାଟକର ବିଜନଗର ଜିଲ୍ଲାର ଗୁଣ୍ଡଲୁପେଟ ତାଲୁକରେ ଏହି ଘଟଣା ଘଟିଛି। ଅଭିଯୋଗ ହୋଇଛି ଯେ ଉପକରଣ ବଣ୍ଟନ ପାଇଁ ହିତାଧିକାରୀଙ୍କୁ ସଠିକ୍ ଭାବେ ଚୟନ କରାଯାଇ ନାହିଁ ଏବଂ ଏହାଦ୍ୱାରା ବିବାଦ ଦେଖାଦେଇଥିଲା।

Leave A Reply

Your email address will not be published.