କେରଳର କନ୍ନୁର ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଭିଡିଓ ସାମ୍ନାକୁ ଆସିଛି । ଏଠାରେ ଜଣେ ବ୍ୟକ୍ତି ଚମତ୍କାର ଢଙ୍ଗରେ ଟ୍ରେନ୍ କବଳରୁ ନିଜକୁ ରକ୍ଷା କରିଛନ୍ତି । ଏହି ଭାଇରାଲ ଭିଡିଓରେ ଦେଖାଯାଉଛି କି, ବ୍ୟକ୍ତି ଜଣକ ଟ୍ରାକ୍ ମଝିରେ ଶୋଇଥିବା ବେଳେ ତାଙ୍କ ଉପର ଦେଇ ଟ୍ରେନ୍ ଯାଉଛି । ଆଉ ଟ୍ରେନ୍ ଯାଉଥିବା ବେଳେ ସେ ନିଜ ଶରୀର କି ମୁଣ୍ଡକୁ ଟିକିଏ ବି ହଲଚଲ୍ କରୁନାହାନ୍ତି । ସେହିଭଳି ଭାବରେ ସେ ଟ୍ରାକ୍ ମଝିରେ ଶୋଇ ରହିଛନ୍ତି । ଟ୍ରେନଟି ଯେତେବେଳେ ଚାଲିଯାଉଛି, ସେ ଆରାମରେ ଟ୍ରାକ୍ ଉପରୁ ଉଠୁଛନ୍ତି ।
ଏହି ଘଟଣାରେ ବ୍ୟକ୍ତି ସମ୍ପୂର୍ଣ୍ଣ ଭାବରେ ସୁରକ୍ଷିତ ଅଛନ୍ତି । ତାଙ୍କୁ କୌଣସି ବି ପ୍ରକାରର ଆଘାତ ଲାଗିନାହିଁ । ଘଟଣାଟି ସୋମବାର ଅପରାହ୍ନ ପ୍ରାୟ ୫ଟା ବେଳର ବୋଲି ଜଣାପଡ଼ିଛି । ମାଙ୍ଗାଲୋର୍-ତିରୁଅନନ୍ତପୁରମ୍ ଟ୍ରେନ୍ ଯେତେବେଳେ ସେହି ଅଞ୍ଚଳ ଦେଇ ଯାଉଥିଲା, ଘଟଣାଟି କନ୍ନୁର ଓ ଚିରକ୍କଲ ରେଳ ଷ୍ଟେସନ ମଝିରେ ଘଟିଥିଲା ।
ସୋସିଆଲ ମିଡିଆରେ ଭିଡିଓଟି ବ୍ୟାପକ ଭାବରେ ଭାଇରାଲ ହେବା ପରେ ରେଲୱେ ପୋଲିସ ଏହି ବ୍ୟକ୍ତିଙ୍କୁ ଚିହ୍ନଟ କରିଛି । ସେ ହେଲେ ୫୬ ବର୍ଷୀୟ ପବିତ୍ରନ, ଯିଏକି, ଏକ ସ୍କୁଲରେ ସଫେଇ କର୍ମୀ ଭାବେ କାମ କରନ୍ତି । ରେଲୱେ ପୋଲିସ ଅଧିକାରୀ ତାଙ୍କର ବୟାନ ରେକର୍ଡ କରିଥିବା ଜଣାଯାଇଛି ।
ପୋଲିସ ଅନୁସାରେ, ପବିତ୍ରନ କହିଛନ୍ତି କି, ସେ ନିଜ ଫୋନରେ କଥା ହେଉଥିଲେ । ଏହି ସମୟରେ ଟ୍ରେନ୍ ଆସିବା ବିଷୟରେ ତାଙ୍କୁ ଜଣା ନ ଥିଲା । ଯେତେବେଳେ ସେ ବିପଦରେ ଥିବା ଅନୁମାନ କରିଥିଲେ, ତ ତାଙ୍କ ପାଖରେ ଦୌଡ଼ି ପଳାଇଯିବାକୁ ସମୟ ନ ଥିଲା । ଗୋଟିଏ ମୁହୂର୍ତ୍ତରେ ହିଁ ସେ ନିଷ୍ପତ୍ତି ନେଇଥିଲେ ଏବଂ ଟ୍ରାକ୍ ଉପରେ ଲୋଟି ପଡ଼ିଥିଲେ । ଯାହାଫଳରେ ଏକ ବଡ଼ ଦୁର୍ଘଟଣାରୁ ସେ ଅଳ୍ପକେ ରକ୍ଷା ପାଇଯାଇଥିଲେ ।
ପବିତ୍ରନ୍ କହିଛନ୍ତି, ଏହି ଘଟଣାକୁ ନେଇ ସେ ସାମାନ୍ୟ ଡରିଯାଇଛନ୍ତି । ପୋଲିସ କହିଛି ଯେ ପବିତ୍ରନ୍ ଜଣେ ଗେଡ଼ା ମଣିଷ, ତେଣୁ ସେ ଏହି ଘଟଣାରୁ ସୁରକ୍ଷିତ ଭାବରେ ବର୍ତ୍ତି ଯାଇଛନ୍ତି ।
#Kerala: A middle-aged man from Chirakkal narrowly survived after a train passed over him in Pannenpara, Kannur, while he was walking along the tracks. Eyewitnesses reported that he lay down on the tracks just before the train approached, emerging unscathed. pic.twitter.com/ZPApakxHRp
— Informed Alerts (@InformedAlerts) December 24, 2024