କେବଳ ଆର୍ଥିକ ନୁହେଁ ଯେକୌଣସି ଉପାୟରେ ମଧ୍ୟ କରିହେବ ସାହାଯ୍ୟ, କ୍ୟାନସର ରୋଗୀ ମାନଙ୍କ ପାଇଁ ମହିଳା ପୋଲିସ ନିଜକୁ କଲେ ଲଣ୍ଡା

ଦେଶରେ ପ୍ରତିଦିନ ପ୍ରାୟ ଅନେକ ଲୋକ କ୍ୟାନସର ଭଳି ଏକ ଭୟଙ୍କର ରୋଗରେ ପୀଡିତ ହେଉଛନ୍ତି । କ୍ୟାନସର ରୋଗୀକୁ ସାହାଯ୍ୟ କରିବାର ସାମର୍ଥ୍ୟ ପ୍ରାୟ ସମସ୍ତଙ୍କର ରହିନଥାଏ । କୁହାଯାଏ ଇଛାଥିଲେ ଉପାୟ ଆପେଆପେ ମିଳେ । ଯଦି ଆପଣ କାହାକୁ ସାହାଯ୍ୟ କରିବାକୁ ଚାଁହୁଛନ୍ତି ତାହେଲେ ଆପଣ କେବଳ ଧନୀ ହୋଇଥିଲେ ଯେ ସାହାଯ୍ୟ କରିପାରିବେ ତା ନୁହେଁ କାରଣ ଏପରି କିଛି କରି ଦେଖାଇଛନ୍ତି ଜଣେ ମହିଳା । ଯିଏକି ଭିନ୍ନ ଭାବେ କ୍ୟାନ୍ସର ରୋଗୀଙ୍କୁ ସାହାଯ୍ୟ କରି ସମସ୍ତଙ୍କ ପାଇଁ ଏକ ପ୍ରେରଣା ପାଲଟିଯାଇଛନ୍ତି । କ୍ୟାନ୍ସର ରୋଗୀଙ୍କୁ ସାହାଯ୍ୟ କରିବା ପାଇଁ କେରଳ ପୋଲିସର ୪୪ ବର୍ଷୀୟା ଜଣେ ମହିଳା କର୍ମଚାରୀ ନିଜର ଲମ୍ବା କେଶକୁ କାଟି ଦାନ କରିଦେଇଛନ୍ତି । ତାଙ୍କର ଏହି କାର୍ଯ୍ୟ କଲେଜରେ ପାଢୁଥିବା ଯୁବତୀ ମାନଙ୍କୁ ବିଶେଷ ଭାବେ ପ୍ରଭାବିତ କରିଛି । ବରିଷ୍ଠ ସିଭିଲ ପୋଲିସ ଅଧିକାରୀ ଅପର୍ଣ୍ଣା ଲବକୁମାର କହିଛନ୍ତି ଯେ ସେ କୌଣସି ପରିବର୍ତ୍ତନ ପାଇଁ ନୁହେଁ ବରଂ କ୍ୟାନସର ସହ ଲଢେଇ କରୁଥିବା ପିଲାମାନଙ୍କ ଜୀବନରେ ଖୁସି ଆଣିବା ପାଇଁ ଏପରି କରିଛନ୍ତି ।

ଦୁଇ ମାସ ତଳେ ଅପର୍ଣ୍ଣା ତ୍ରିଶୁରର ଏକ ବ୍ୟୁଟି ପାର୍ଲରରେ ନିଜର କେଶକୁ କାଟି ସମ୍ପୂର୍ଣ ଭାବେ ଲଣ୍ଡା ହୋଇଯାଇଥିଲେ ଏବଂ ନିଜର କେଶକୁ ସେ ତ୍ରିଶୁରର କ୍ୟାନ୍ସର ରିସର୍ଚ୍ଚ ସେଣ୍ଟରରେ ଦାନ କରିଦେଇଥିଲେ ଯେଉଁଠି କ୍ୟାନସର ରୋଗୀ ମାନଙ୍କ ପାଇଁ ୱିଗ(ନକଲି କେଶ) ପ୍ରସ୍ତୁତ କରାଯାଇ ମାଗଣାରେ ଦିଆଯାଇଥାଏ । ସେ କହିଥିଲେ ଯେ ଗରିବ କ୍ୟାନସର ରୋଗୀ ଯେଉଁମାନଙ୍କର କେଶ ବିକିରଣ ବା କେମୋଥେରାପି ଦ୍ୱାରା ସମ୍ପୂର୍ଣ୍ଣ ଚୁଟି ଝଡି ଯାଇଥାଏ ସେମାନଙ୍କ କ୍ଷେତ୍ରରେ ପ୍ରାକୃତିକ କେଶରେ ତିଆରି କରାଯାଇଥିବା ୱିଗ କିଣିବାର କ୍ଷମତା ନଥାଏ ଓ କୃତ୍ରିମ ୱିଗ ଦ୍ୱାରା ଅନେକ ରୋଗୀଙ୍କର ଆଲର୍ଜି ମଧ୍ୟ ହୋଇଥାଏ । ଦୁଇଟି ପିଲାର ମା ଅପର୍ଣ୍ଣା କହିଛନ୍ତି ସେ ସ୍କୁଲରେ କ୍ୟାନ୍ସର ପୀଡିତ ଏକ ପିଲାକୁ ଦେଖିଥିଲେ ଯାହାର କେମୋ ଚିକିତ୍ସା ପାଇଁ ସମସ୍ତ ଚୁଟି ଝଡି ଯାଇଥିଲା । ତାକୁ ଦେଖି ଅପର୍ଣ୍ଣା ନିଜର କେଶ ଦାନ କରିବାକୁ ନିଷ୍ପତ୍ତି ନେଇଥିଲେ ।

ଏହାସହ ପଢନ୍ତୁ ସାଙ୍ଗମାନଙ୍କ ସହ ଖେଳୁଥିବା ସମୟରେ ଚକଲେଟ ଭାବି ଖାଇଦେଇଥିଲା ଏପରି ଜିନିଷ, ଆଉ ତାପରେ..

ଅପର୍ଣ୍ଣା ୭୦ ସେଣ୍ଟିମିଟରର ନିଜ କେଶ କାଟିବା ପୂର୍ବରୁ ବରିଷ୍ଠ ଅଧିକାରୀଙ୍କ ଠାରୁ ଅନୁମତି ନେଇଥିଲେ । ସେ ଯେଉଁ ବ୍ୟୁଟି ପାର୍ଲରରେ ନିଜର କେଶ କାଟିଥିଲେ ଓ ସେଠାରେ କେହିଜଣେ ଭିଡିଓ ବନାଇ ଏହାକୁ ସୋସିଆଲ ମିଡ଼ିଆରେରେ ଭାଇରଲ କରିଦେଇଥିଲେ । ପ୍ରଥମରୁ ବିଧବା ହୋଇସାରିଥିବା ଅପର୍ଣ୍ଣା କହିଛନ୍ତି ମୁଁ କୌଣସି ଜଣେ ବଡ଼ ଧନୀ ଲୋକ ନୁହେଁ । ଗରିବ କ୍ୟାନସର ରୋଗୀ ମାନଙ୍କ ମୁଁହରେ ହସ ଆଣିବା ପାଇଁ ମୋ ପାଖରେ ଏହା ଏକମାତ୍ର ରାସ୍ତା ରହିଥିଲା । ଏହାସହିତ ସେ କହିଛନ୍ତି ଏହାଦ୍ୱାରା କଲେଜରେ ପାଠ ପଢ଼ୁଥିବା ଝିଅମାନେ ବହୁତ ପ୍ରଭାବିତ ହୋଇଛନ୍ତି । ସେମାନଙ୍କ ଠାରୁ ମୋତେ ବହୁତ ଫୋନକଲ ମଧ୍ୟ ଆସୁଛି । ତେବେ ସେମାନଙ୍କ ପାଇଁ ମୋର ସନ୍ଦେଶ ହେଉଛି ମୋର ନକଲ ନକରି ନିଜର ସାମର୍ଥ୍ୟ ଅନୁସାରେ ସମାଜରେ ରହୁଥିବା ଗରିବ ଲୋକମାନଙ୍କୁ ସାହାଯ୍ୟ କରନ୍ତୁ ।