photo: India Today
ଖଲିସ୍ତାନୀ ଆତଙ୍କବାଦୀ ହରଦୀପ ସିଂ ନିଜରଙ୍କ ହତ୍ୟାର ଏକ ସିସିଟିଭି ଭିଡିଓ ସାମ୍ନାକୁ ଆସିଛି। କାନାଡାର ବ୍ରିଟିଶ କଲମ୍ବିଆ ପ୍ରଦେଶର ସରେ ଅଞ୍ଚଳରେ ଥିବା ଏକ ଗୁରୁଦ୍ୱାରର ପାର୍କିଂ ସ୍ଥଳୀରେ ନିଜରଙ୍କୁ ଗୁଳି କରି ହତ୍ୟା କରାଯାଇଥିଲା।
ୱାଶିଂଟନ୍ ପୋଷ୍ଟରେ ପ୍ରକାଶିତ ରିପୋର୍ଟ ଅନୁସାରେ, ପ୍ରତ୍ୟକ୍ଷଦର୍ଶୀଙ୍କ କହିବା ହେଲା, ନିଜରଙ୍କୁ ହତ୍ୟା କରିବା ପାଇଁ ପ୍ରାୟ ୬ ଜଣ ଆକ୍ରମଣକାରୀ ଦୁଇଟି ଗାଡିରେ ଆସିଥିଲେ। ନିଜରଙ୍କ ଧୂସର ରଙ୍ଗର ପିକଅପ୍ ଟ୍ରକ୍ ଏବଂ ଏକ ଧଳା ରଙ୍ଗର ସେଡାନ୍ ଗାଡ଼ି ଗୁରୁଦ୍ୱାର ପାର୍କିଂରେ ଏକାଠି ଯାଉଥିବା ଭିଡିଓରେ ଦେଖାଯାଉଛି।
ରିପୋର୍ଟ ଅନୁସାରେ, ଧଳା ସେଡାନ୍ ହଠାତ୍ ସାମ୍ନାକୁ ଆସୁଛି ଏବଂ ନିଜରଙ୍କ ପିକଅପ୍ ଟ୍ରକକୁ ଅଟକାଇବାକୁ ଚେଷ୍ଟା କରୁଛି। ଏହି ସମୟରେ ହୁଡ୍ ସ୍ୱେଟ୍ଶାର୍ଟ ପିନ୍ଧିଥିବା ଦୁଇଜଣ ଆକ୍ରମଣକାରୀ ଆସୁଛନ୍ତି ଏବଂ ଟ୍ରକ୍ର ସିଟ୍ରେ ବସିଥିବା ନିଜରଙ୍କ ଉପରକୁ ଆଖିବୁଜା ଗୁଳି ଚଳାଉଛନ୍ତି। ଏହାପରେ ସେଡାନ ଗାଡ଼ି ପାର୍କିଂ ସ୍ଥାନରୁ ଚାଲିଯାଉଛି। ଉଭୟ ଆକ୍ରମଣକାରୀ ମଧ୍ୟ ସମାନ ଦିଗରେ ଦୌଡ଼ୁଛନ୍ତି।
ସ୍ଥାନୀୟ ଲୋକେ କହିଛନ୍ତି, ଆକ୍ରମଣକାରୀମାନେ ପ୍ରାୟ ୫୦ ରାଉଣ୍ଡ ଗୁଳି ଚଳାଇଥିଲେ, ସେଥିମଧ୍ୟରୁ ୩୪ଟି ଗୁଳି ନିଜରଙ୍କ ଦେହରେ ବାଜିଥିଲା। ପୋଲିସକୁ ସ୍ଥାନୀୟ ସମୟ ରାତି ୮ଟା ୨୭ରେ ଗୁଳିକାଣ୍ଡର ପ୍ରଥମ ରିପୋର୍ଟ ମିଳିଥିଲା। ଏହି ପୂରା ଘଟଣା ଗୁରୁଦ୍ୱାରରେ ଲାଗିଥିବା ସିସିଟିଭି କ୍ୟାମେରାରେ କଏଦ ହୋଇଥିଲା। ଏହି ଫୁଟେଜକୁ କାନାଡାର ତଦନ୍ତ ସଂସ୍ଥା ସହିତ ସେୟାର କରାଯାଇଛି।
ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…
ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…
ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…
ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…