କୋଲକାତା: କୋଲକାତା ରେଷ୍ଟୁରାଣ୍ଟ ଅଗ୍ନିକାଣ୍ଡ ଘଟଣାର ତଦନ୍ତ ପାଇଁ ଏକ କମିଟି ଗଠନ କରାଯାଇଛି । ମୁଖ୍ୟମନ୍ତ୍ରୀ ଗଣମାଧ୍ୟମକୁ ସୂଚନା ଦେଇଛନ୍ତି ଯେ ହୋଟେଲ ମାଲିକ ଏବଂ ପରିଚାଳକଙ୍କୁ ଗିରଫ କରାଯାଇଛି । ଯଦି କୌଣସି ଦଳ କିମ୍ବା ପ୍ରଶାସନର କୌଣସି ସ୍ଥାନୀୟ ପ୍ରତିନିଧି ସେମାନଙ୍କୁ ସାହାଯ୍ୟ କରିଛନ୍ତି, ତେବେ କାହାକୁ ମଧ୍ୟ ଛଡାଯିବ ନାହିଁ ।
ଏହି ଅଗ୍ନିକାଣ୍ଡ ଘଟଣା ରାତି ପ୍ରାୟ ୮:୧୫ ସମୟରେ ଋତୁରାଜ ହୋଟେଲ ପରିସରରେ ଘଟିଥିଲା । ସେଣ୍ଟ୍ରାଲ କୋଲକାତା ସ୍ଥିତ ଏକ ହୋଟେଲରେ ନିଆଁ ଲାଗି ୧୪ ଜଣଙ୍କ ମୃତଦେହ ଉଦ୍ଧାର ହୋଇଥିବା ସୂଚନା ମିଳିଥିଲା । ଚଉଦ ଜଣଙ୍କ ମୃତଦେହ ଉଦ୍ଧାର କରାଯାଇଛି ଏବଂ ଦଳଗୁଡ଼ିକ ଅନେକ ଲୋକଙ୍କୁ ଉଦ୍ଧାର କରିଛନ୍ତି ।
ସେମାନଙ୍କୁ ତୁରନ୍ତ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା । ଦମକଳ ବାହିନୀ ନିଆଁକୁ ଆୟତ୍ତ କରିଥିଲା । କେମିତି ନିଆଁ ଲାଗିଲା କାରଣ ଅସ୍ପଷ୍ଟ ରହିଛି । ସର୍ଟସର୍କିଟରୁ ନିଆଁ ଲାଗିଥିବା ସନ୍ଦେହ କରାଯାଉଛି । ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି । ଏନେଇ କୋଲକାତା ପୋଲିସ କମିଶନର ମନୋଜ କୁମାର ବର୍ମା ସାମ୍ବାଦିକମାନଙ୍କୁ ସୂଚନା ଦେଇଛନ୍ତି ।
ନିଆଁ ନିୟନ୍ତ୍ରଣାଧୀନ ରହିଛି , ଏବଂ ଉଦ୍ଧାର କାର୍ଯ୍ୟ ଚାଲିଛି । ଅଧିକ ତଦନ୍ତ ପାଇଁ ଏକ ସ୍ୱତନ୍ତ୍ର ଦଳ ମଧ୍ୟ ଗଠନ କରାଯାଇଛି । ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ।
Also read: ଦେଶରୁ ନିଖୋଜ ହେଲେ ପାକିସ୍ତାନ ସେନାର ମୁଖ୍ୟ, ଶାହାବାଜ ସରିଫଙ୍କୁ ଆଇଏସଆଇ ମୁଖ୍ୟ କଲେ NSA