ବ୍ରିଟେନ କୋର୍ଟରେ ରାହୁଲ ଗାନ୍ଧୀଙ୍କ ବିରୋଧରେ ମାମଲା ଦାୟର କରିବେ ଲଳିତ ମୋଦି, ଟ୍ଵିଟ୍ କରି ଭୀଷଣ ରାଗିଲେ
ଆଇପିଏଲ ପ୍ରତିଷ୍ଠାତା ଲଳିତ ମୋଦି ମଧ୍ୟ ରାହୁଲ ଗାନ୍ଧୀଙ୍କୁ କୋର୍ଟକୁ ଟାଣିବାକୁ ନିଷ୍ପତ୍ତି ନେଇଛନ୍ତି। ସେ ରାହୁଲଙ୍କ ବିରୋଧରେ ବ୍ରିଟେନ କୋର୍ଟରେ ମାମଲା ଦାୟର କରିବେ। ଟ୍ଵିଟ୍ କରି ଲଳିତ ମୋଦି ରାହୁଲ ଗାନ୍ଧୀ ଏବଂ କଂଗ୍ରେସକୁ କଡ଼ା ସମାଲୋଚନା କରିଛନ୍ତି।
ରାହୁଲ ଗାନ୍ଧୀଙ୍କ ସମସ୍ୟା କମିବାର ନାମ ନେଉନାହିଁ। ଯେଉଁଭଳି ଭାବରେ ସେ ନିର୍ବାଚନ ରାଲିରେ ଭାଷଣ ଦେଇଥିଲେ, ସେଥିପାଇଁ କୋର୍ଟ ତାଙ୍କୁ ଦୁଇ ବର୍ଷର ଜେଲ୍ଦଣ୍ଡ ଶୁଣାଇଥିଲେ ଏବଂ ରାହୁଲଙ୍କର ଲୋକସଭା ସଦସ୍ୟତା ଚାଲିଯାଇଥିଲା। ବର୍ତ୍ତମାନ ଆଇପିଏଲର ପ୍ରତିଷ୍ଠାତା ଲଳିତ ମୋଦି ମଧ୍ୟ ରାହୁଲ ଗାନ୍ଧୀଙ୍କର ଏହି ବୟାନ ପାଇଁ ତାଙ୍କୁ କୋର୍ଟକୁ ଟାଣିବାକୁ ନିଷ୍ପତ୍ତି ନେଇଛନ୍ତି।
ଲଳିତ ମୋଦି ରାହୁଲଙ୍କ ବିରୋଧରେ ବ୍ରିଟେନ କୋର୍ଟରେ ମାମଲା ଦାୟର କରିବେ। ସେ ଟ୍ୱିଟର ମାଧ୍ୟମରେ ଏହି ସୂଚନା ଦେଇଛନ୍ତି। ଲଳିତ ମୋଦି ଟ୍ଵିଟ୍ କରି ରାହୁଲ ଗାନ୍ଧୀ ଏବଂ କଂଗ୍ରେସକୁ କଡ଼ା ସମାଲୋଚନା କରିଛନ୍ତି।
ଲଳିତ କହିଛନ୍ତି, ‘ମୁଁ ନିଷ୍ପତ୍ତି ନେଇଛି ଯେ ମୁଁ ରାହୁଲ ଗାନ୍ଧୀଙ୍କ ବିରୋଧରେ ବ୍ରିଟେନ କୋର୍ଟରେ ମାମଲା ଦାୟର କରିବି। ମୁଁ ନିଶ୍ଚିତ ଯେ ତାଙ୍କ ପାଖରେ ମୋ ବିରୋଧରେ ଦୃଢ଼ ପ୍ରମାଣ ରହିଛି, ମୁଁ ତାଙ୍କୁ କୋର୍ଟରେ ଭେଟିବି। ମୁଁ ତାଙ୍କୁ ସମ୍ପୂର୍ଣ୍ଣ ମୂର୍ଖ ହେବାର ଦେଖିବି’।
ଏହା ବ୍ୟତୀତ ସେ ଅନେକ କଂଗ୍ରେସ ନେତାଙ୍କ ବିଷୟରେ ଉଲ୍ଲେଖ କରିଛନ୍ତି ଏବଂ ଅଭିଯୋଗ କରିଛନ୍ତି କି, ନେତାମାନେ ବାସ୍ତବରେ ଦୁର୍ନୀତିଗ୍ରସ୍ତ। ଦେଶରେ କଡ଼ା ଆଇନ ପ୍ରଣୟନ ହେବା ମାତ୍ରେ ମୁଁ ଶୀଘ୍ର ଫେରିବି। ଆଜି ପର୍ଯ୍ୟନ୍ତ ଗତ ୧୫ ବର୍ଷ ମଧ୍ୟରେ ମୋ ବିରୋଧରେ ଗୋଟିଏ ବି ଟଙ୍କା ଅଭିଯୋଗ ପ୍ରମାଣିତ ହୋଇନାହିଁ କିମ୍ବା ଗତ ୧୫ ବର୍ଷ ମଧ୍ୟରେ ମୁଁ ଗୋଟିଏ ବି ଟଙ୍କା ନେଇ ନାହିଁ। କିନ୍ତୁ ଗୋଟିଏ କଥା ସମ୍ପୂର୍ଣ୍ଣ ସ୍ପଷ୍ଟ ଯେ ମୁଁ ଦୁନିଆର ସବୁଠୁ ବଡ଼ ସ୍ପୋର୍ଟିଙ୍ଗ୍ ଇଭେଣ୍ଟ ଛିଡ଼ା କରେଇଛି, ଯାହା ୧୦୦ ବିଲିୟନ ଡଲାରରୁ ଅଧିକ ଟଙ୍କା ରୋଜଗାର କରିଛି।
