ଭୋପାଳ: ହସ୍ପିଟାଲରେ ଭୟଙ୍କର ଅଗ୍ନିକାଣ୍ଡ, ଜୀଅନ୍ତା ଜଳିଗଲେ ୪ ଶିଶୁ

ନୂଆଦିଲ୍ଲୀ:  ସୋମବାର ରାତିରେ ମଧ୍ୟପ୍ରଦେଶର ରାଜଧାନୀ ଭୋପାଳର ହମିଦିଆ କ୍ୟାମ୍ପସରେ ଏକ ଅଭାବନୀୟ ଦୁର୍ଘଟଣାର ଖବର ସାମ୍ନାକୁ ଆସିଛି । ଏଠାରେ କମଲା ନେହେରୁ ହସ୍ପିଟାଲ ବିଲଡିଂର ଶିଶୁ ବିଭାଗରେ ଏକ ବଡ ଧରଣର ଅଗ୍ନିକାଣ୍ଡ ଘଟିଛି। ଏହି ଦୁର୍ଘଟଣାରେ ୪ଟି କୋମଳ ଶୁଶୁଙ୍କର ଜୀବନ ଯାଇଛି। SNCU ରେ ମୋଟ ୪୦  ପିଲା ଆଡମିଶନ ହୋଇଥିଲେ, ସେଥିମଧ୍ୟରୁ ୩୬ ପିଲାଙ୍କୁ ଅନ୍ୟ ୱାର୍ଡକୁ ସ୍ଥାନାନ୍ତର କରାଯାଇଥିଲା। ତେବେ ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ। ଏଥି ସହ ମୁଖ୍ୟମନ୍ତ୍ରୀ ଶିବରାଜ ସିଂଚୌହାନ ଏହି ଦୁର୍ଘଟଣାର ଉଚ୍ଚ ସ୍ତରୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି।

ଏହି ଦୁର୍ଘଟଣାରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଦୁଃଖ ପ୍ରକାଶ କରିଛନ୍ତି। ନିଆଁକୁ ନିୟନ୍ତ୍ରଣ କରାଯାଇଛି ବୋଲି ସେ କହିଛନ୍ତି। ଏହି ଦୁର୍ଘଟଣାର ଉଚ୍ଚ ସ୍ତରୀୟ ତଦନ୍ତ ପାଇଁ ସେ ନିର୍ଦ୍ଦେଶ ଦେଇଛନ୍ତି। ସ୍ୱାସ୍ଥ୍ୟ ଏବଂ ଚିକିତ୍ସା ବିଭାଗର ଏସିଏସ୍ ମହମ୍ମଦ ସୁଲେମାନଙ୍କ ଦ୍ୱାରା ଏହି ଭୟାନକ ଘଟଣାର ଯାଞ୍ଚ କରାଯିବ ବୋଲି ସେ କହିଛନ୍ତି। ଏଥି ସହିତ ଡାକ୍ତରୀ ଶିକ୍ଷା ମନ୍ତ୍ରୀ ବିଶ୍ୱ ସାରଙ୍ଗ ମଧ୍ୟ ଡାକ୍ତରଖାନାରେ ପହଞ୍ଚି ଉଦ୍ଧାର କାର୍ଯ୍ୟରେ ସାହାଯ୍ୟ କରିଥିଲେ। ଡାକ୍ତରଖାନାରୁ ମିଳିଥିବା ଭିଡିଓରେ ମନ୍ତ୍ରୀ ବିଶ୍ୱ ସାରଙ୍ଗ ଡାକ୍ତରଖାନା କର୍ତ୍ତୃପକ୍ଷଙ୍କ ସହ ଘନିଷ୍ଠ ଭାବରେ କାର୍ଯ୍ୟ କରୁଥିବା ନଜର ଆସିଛନ୍ତି।

ମନ୍ତ୍ରୀବିଶ୍ୱ ସାରଙ୍ଗ କହିବା ଅନୁଯାୟୀ ସର୍ଟ ସର୍କିଟ ଯୋଗୁଁ ନିଆଁ ଲାଗିଥାଇପାରେ ବୋଲି ଆଶଙ୍କା ପ୍ରକାଶ କରିଛନ୍ତି। ୱାର୍ଡ ଭିତରେ ଥିବା ଅବସ୍ଥା ଅତ୍ୟନ୍ତ ଭୟାନକ ବୋଲି ସେ କହିଛନ୍ତି। ସେ ଏହା ମଧ୍ୟ କହିଛନ୍ତି ଯେ ମୃତ ଶିଶୁଙ୍କ ପରିବାରକୁ ସିଏମ ଶିବରାଜ ପ୍ରତ୍ୟେକଙ୍କୁ ୪ ଲକ୍ଷ ଟଙ୍କା କ୍ଷତିପୂରଣ ଘୋଷଣା କରିଛନ୍ତି।

ଜଣେ ଅଧିକାରୀଙ୍କ କହିବାନୁସାରେ, ବିଲଡିଂର ତୃତୀୟ ମହଲା ଉପରେ ନିଆଁ ଲାଗିଥିଲା, ଯେଉଁଥିରେ ଆଇସିୟୁ ମଧ୍ୟ ଥିଲା । ଫତେହଗଡ ଫାୟାର ଷ୍ଟେସନର ଦାୟିତ୍ୱରେ ଥିବା ଜୁବେର ଖାନ କହିଛନ୍ତି ଯେ ରାତି ପ୍ରାୟ ୯ ଟା ସମୟରେ ନିଆଁ ଲାଗିବା ଆରମ୍ଭ ହୋଇଥିଲା ଏବଂ ନିଆଁକୁ ଆୟତ୍ତ କରିବା ପାଇଁ ୧୦ ଟି ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲେ। ସର୍ଟ ସର୍କିଟ ଯୋଗୁଁ ନିଆଁ ଲାଗିବାର ସମ୍ଭାବନା ଥାଏ ବୋଲି ସେ ପ୍ରକାଶ କରିଛନ୍ତି।

ଏହି ଘଟଣା ପରେ କେତେକ ଶୁଶୁଙ୍କର ହାଲତ ବହୁତ ଗମ୍ଭୀର ସ୍ଥିତିକୁ ଚାଲିଯାଇଥିଲା । ଏବଂ କେତେକ ପରିବାର ସେମାନଙ୍କର ପିଲାମାନଙ୍କୁ ଘରୋଇ ଡାକ୍ତରଖାନାରେ ଭର୍ତ୍ତି କରିଛନ୍ତି। କୁହାଯାଏ ଯେ ଦୁର୍ଘଟଣା ଘଟିବା ପୂର୍ବରୁ ଯେଉଁ ୱାର୍ଡରେ ନିଆଁ ଲାଗିଥିଲା ​​ସେହି ୱାର୍ଡକୁ ନୂତନ କୋଠାକୁ ସ୍ଥାନାନ୍ତର କରିବା ପୂର୍ବରୁ ଏହି ଘଟଣା ଘଟିଲା । ନିଆଁ ଲାଗିବା ପରେ ବହୁ ସଂଖ୍ୟାରେ ପିଲାଙ୍କ ପରିବାର ସଦସ୍ୟ ଡାକ୍ତରଖାନା ବାହାରେ ଏକାଠି ହୋଇଥିଲେ। ଏଥିମଧ୍ୟରେ ଡାକ୍ତରଖାନା ପରିଚାଳନା ପ୍ରତି ଅସନ୍ତୋଷ ସ୍ପଷ୍ଟ ଭାବରେ ଦେଖାଯାଉଥିଲା।

 

Leave A Reply

Your email address will not be published.