କରୋନା ଭାଇରସ ଯୋଗୁ ଏବେ ଦେଶର ବିଭିନ୍ନ ରାଜ୍ୟରେ ଲକଡାଉନ ଚାଲିଛି , ଏଭଳି ସ୍ଥିତିରେ ଯେଉଁ ଲୋକ ବାହାରକୁ ବାହାରୁଛନ୍ତି ସେମାନଙ୍କୁ ଘରେ ରହିବାକୁ ପରାମର୍ଶ ଦିଆଯାଉଛି । ଦେଶରେ ଏମିତି ଗମ୍ଭୀର ପରିସ୍ଥିତିକୁ ନଜରରେ ରଖି ମଧ୍ୟ ପ୍ରଦେଶ ପୋଲିସ ଏକ ନିଆରା ଉପାୟ ବାହାର କରିଛି । ପୋଲିସ ଏକ କାଗଜ ଛପାଇଛି, ଯେଉଁଥିରେ ଲେଖାଯାଇଛି, ମୁଁ ସମାଜର ଶତ୍ରୁ, ଘରେ ରହିବି ନାହିଁ । ଯେତେବେଳେ କୌଣସି ବ୍ୟକ୍ତି ବିନା କାରଣରେ ବାହାରେ ବୁଲୁଥିବା ନଜର ଆସନ୍ତି, ପୋଲିସ ସଂଗେ ସଂଗେ ତାଙ୍କ ହାତକୁ ସେହି କାଗଜ ଖଣ୍ଡ ବଢେଇଦେଉଛି ଏବଂ ତାଙ୍କର ଏକ ଫଟୋ ଉଠାଉଛି ।
Twitter courtesy: ANI
Madhya Pradesh: Police make people get clicked with pamphlets reading ‘I’m enemy of society; I won’t stay home’ if they are found violating section 144 in Mandsaur. SP Hitesh Chaudhary says, “This is part of a social experiment to make people stay home”. #Coronavirus pic.twitter.com/GMfzCEHJHb
— ANI (@ANI) March 23, 2020
ତେବେ ଏହି ଘଟଣା ମଧ୍ୟ ପ୍ରଦେଶର ମନସର ଅଞ୍ଚଳର । ଏଠାରେ ପୋଲିସ 144 ଧାରା ଜାରି କରିଛି । କିନ୍ତୁ ଏହାକୁ ଉଲ୍ଲଂଘନ କରୁଥିବା ବ୍ୟକ୍ତିକୁ ଏଭଳି ଦଣ୍ଡିତ ହେବାକଳୁ ପଡୁଛି । ପୋଲିସର ଏହି ପଦକ୍ଷେପକୁ ବିଭିନ୍ନ ଆଡୁ ପ୍ରଶଂସା କରାଯାଇଛି । ପୋଲିସ ଏହାକୁ ଏକ ସଚେତନତା ବୋଲି କହିଛି ।