ମୃତ୍ୟୁ କେତେବେଳେ ଓ କାହାକୁ ଆସିବ ତାହା କାହାକୁ ଜଣାନାହିଁ । କୁହାଯାଏ ମୃତ୍ୟୁର ନିଦ୍ଧିଷ୍ଟ ବୟସ ନାହିଁ । କିଏ ଚାଲୁଥିବା ସମୟରେ ତ ଆଉ କିଏ ନାଚୁଥିବା ସମୟରେ ତ ଆଉ କିଏ କହୁଥିବା ସମୟରେ ମୃତ୍ୟୁର ଶିକାର ହୋଇଛନ୍ତି । ହଁ ଆଜ୍ଞା ଏଭଳି ଏକ ଅଭାବନୀୟ ଘଟଣା ଘଟିଛି ମହାରାଷ୍ଟ୍ର ଧାରାଶିବ ଜିଲ୍ଲାରେ ।
ଏକ କେଲେଜରେ ବିଦାୟ ସମାରୋହ ଚାଲିଥିଲା । ଏହି ସମୟରେ ୨୦ ବର୍ଷୀୟ ଛାତ୍ରୀଙ୍କ ହଠାତ ସ୍ବାସ୍ଥବସ୍ଥା ବିଗିଡି ଗଲା । ସେ ମଞ୍ଚରେ ଭାଷଣ ଦେଉଥିଲେ । ଏହାପରେ ସେ ବେହୋସ ହୋଇ ତଳେ ପଡି ଯାଇଥିଲେ । ଏହାପରେ ତାଙ୍କର ମୃତ୍ୟୁ ହୋଇଯାଇଥିଲା । ଏହି ସବୁ ଘଟଣା କ୍ୟାମେରାରେ କଏଦ ହୋଇଥିଲା । ଯାହାକି ଏବେ ଭାଇରାଲ ହେବାରେ ଲାଗିଛି ।
ସୂଚନା ଅନୁସାରେ ସିନ୍ଧେ କଲେଜ ପରଣ୍ଡାରେ ହୋଇଛି । ଏହି ଭାଇରାଲ ଭିଡିଓରେ ଦେଖିବାକୁ ମିଳୁଛି ଏହି ୨୦ ବର୍ଷୀୟ ଝିଅ ଖୁବ ଖୁସିର ସହ ମୁହଁରେ ହସ ଥାଇ ବିଦାୟ ଭାଷଣ ଦେଉଛି । ସେ ଖୁବ ଖୁସିର ସହ ଶିକ୍ଷକ ଶିକ୍ଷକଙ୍କୁ ସମ୍ବର୍ଦ୍ଧନା କରୁଛି । କିନ୍ତୁ କିଛି ସମୟ ପରେ ତାଙ୍କ ଶରୀର ହଳଦିଆ ହୋଇଯାଇଥିଲା ।
ଏହାରି ଭିତରେ ସେ ତଳେ ପଡିଯାଇଥିଲେ । କିନ୍ତୁ ହଠାତ କେହି କିଛି ବୁଝି ପାରିନଥିଲେ । ଏହାପରେ ବର୍ଷାଙ୍କ ପାଖକୁ ଆସିଥିଲେ କିଛି ଲୋକ । ତାଙ୍କୁ ଉଠେଇବା ପାଇଁ ବହୁତ ଚେଷ୍ଟା କରିଥିଲେ । ଏହାପରେ ବର୍ଷାଙ୍କୁ ହସ୍ପିଟାଲ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
Also read: ମଝି ଆକାଶରେ ଯାତ୍ରୀଙ୍କୁ ଆସିଲା ହୃଦଘାତ, ଲକ୍ଷ୍ନୌରେ ଇଣ୍ଡିଗୋ ବିମାନର ଜରୁରୀ ଅବତରଣ