ନୁଆଦିଲ୍ଲୀ : ମହାରାଷ୍ଟ୍ରର ମନ୍ତ୍ରୀ ଗୁଲାବରାଓ ପାଟିଲ କହିଛନ୍ତି ମହିଳାମାନେ ଆତ୍ମସୁରକ୍ଷା ପାଇଁ ନିଜ ପର୍ସରେ ଛୁରୀ, ଲଙ୍କା ପାଉଡର ସହିତ ଲିପଷ୍ଟିକ୍ ରଖିବା ଉଚିତ । ଅନ୍ତର୍ଜାତୀୟ ମହିଳା ଦିବସ ପାଳନ ପାଇଁ ଶନିବାର ଦିନ ସେ ଏକ କାର୍ଯ୍ୟକ୍ରମରେ ଭାଷଣ ଦେଇଥିଲେ ।
ବରିଷ୍ଠ ଶିବସେନା ନେତା ମହିଳା ସଶକ୍ତିକରଣ ପାଇଁ ସରକାରଙ୍କ ଦ୍ୱାରା ନିଆଯାଇଥିବା ପଦକ୍ଷେପଗୁଡ଼ିକ ଉପରେ ମଧ୍ୟ ଆଲୋକପାତ କରିଥିଲେ । ଯେଉଁଥିରେ MSRTC ବସ୍ ଭଡ଼ା ଅଧା ହ୍ରାସ କରିବା , ଲଡକି ବାହାନ ଯୋଜନା ଏବଂ ଝିଅମାନଙ୍କ ପାଇଁ ମାଗଣା ଶିକ୍ଷା ସାମିଲ ହୋଇଛି ।
ସେ କହିଛନ୍ତି ଯଦି ଆମ ଆମେ ମହିଳା ସଶକ୍ତିକରଣ ବିଷୟରେ କଥା ହେଉଛେ କିନ୍ତୁ ଆଜି ବି ମହିଳା ମାନେ ଅସୁରକ୍ଷିତ ରହିଛନ୍ତି । ସମାଜରେ ମହିଳାମାନଙ୍କୁ ନେଇ ଖରାପ ଘଟଣା ଘଟିଯାଉଛି । ସେ ଆହୁରି କହିଛନ୍ତି ଯେ ଯେତେବେଳେ ଶିବସେନାର ପ୍ରତିଷ୍ଠାତା ବାଲ୍ ଠାକରେ ସମାନ ପ୍ରସଙ୍ଗ ଉଠାଇଥିଲେ ।
ସେମାନଙ୍କ ପର୍ସରେ ରାମପୁରୀ ଛୁରୀ ଏବଂ ଲଙ୍କା ପାଉଡର ରଖିବାକୁ ଅନୁରୋଧ କରିଥିଲେ, ସାମ୍ବାଦିକମାନେ ଏଥିପାଇଁ ତାଙ୍କୁ କଡ଼ା ସମାଲୋଚନା କରିଥିଲେ । କିନ୍ତୁ ଆଜି ମଧ୍ୟ ସମାନ ପରିସ୍ଥିତି । ଆତ୍ମସୁରକ୍ଷା ପାଇଁ ଆଜି ଯୁବତୀମାନଙ୍କୁ ଏପରି ଜିନିଷ ବହନ କରିବା ମୋର ଅନୁରୋଧ ବୋଲି ପାଟିଲ କହିଛନ୍ତି ।
Also read : ରେଳରେ ଏକୁଟିଆ ଯାତ୍ରା କରୁଥିବା ମହିଳାଙ୍କ ସୁରକ୍ଷା ପାଇଁ ଆରମ୍ଭ ହେଲା ଅପରେସନ “ମେରୀ ସହେଲି”