ଟ୍ରେନ ଦୁର୍ଘଟଣାରେ ୨ ଗୋଡ ଏବଂ ଗୋଟେ ହାତ ହରାଇବା ପରେ ମଧ୍ୟ UPSC ପରୀକ୍ଷା ପାସ୍ କରିଛନ୍ତି ସୂରଜ
ଦୃଢ ଇଚ୍ଛା ଶକ୍ତି ଏବଂ କଠିନ ପରିଶ୍ରମ ବଳରେ ୟୁପିଏସସି ପାସ୍ କରିଛନ୍ତି ସୂରଜ । ଟ୍ରେନ ଦୁର୍ଘଟଣାରେ ୨ ଗୋଡ ଏବଂ ଗୋଟେ ହାତ ହରାଇବା ପରେ ମଧ୍ୟ ତିନି ଆଙ୍ଗୁଠିରେ ଲେଖି ଏହି ସଫଳତା ପାଇଛନ୍ତି ।
ଟ୍ରେନ୍ ଦୁର୍ଘଟଣାରେ ଦୁଇ ଗୋଡ଼ ଓ ଗୋଟିଏ ହାତ ହରାଇ ମଧ୍ୟ ୟୁପିଏସସିରେ ସଫଳତା ପାଇଁ ସୂରଜ ତିଓ୍ଵାରୀ । ଜୀବନ ଯୁଦ୍ଧରେ ହାର ମାନି ନଥିଲେ ସୂରଜ । ଦୃଢ଼ ଇଚ୍ଛା ଶକ୍ତି ଓ କଠିନ ପରିଶ୍ରମ ବଳରେ ୟୁପିଏସ୍ସି ପରୀକ୍ଷାରେ ସଫଳତା ପାଇ ସମସ୍ତଙ୍କ ପାଇଁ ଉଦାହରଣ ପାଲଟିଛନ୍ତି । ତିନି ଆଙ୍ଗୁଠିରେ ଲେଖି ୟୁପିଏସ୍ସି ପାସ୍ କରିଛନ୍ତି ଉତ୍ତରପ୍ରଦେଶ ମୈନପୁରୀ ଦିବ୍ୟାଙ୍ଗ ସୂରଜ ତିଓ୍ଵାରୀ । ୯୧୭ତମ ସ୍ଥାନ ହାସଲ କରିଛନ୍ତି ।
ପ୍ରଥମ ପ୍ରଚେଷ୍ଠାରେ ସିଭିଲ୍ ସର୍ଭିସ ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି ସୂରଜ । ୨୦୧୭ରେ ଗାଜିଆବାଦରେ ଏକ ଟ୍ରେନ୍ ଦୁର୍ଘଟଣାରେ ଦୁଇ ଗୋଡ଼, ଡାହାଣ ହାତ ସହ ବାମ ହାତର ଦୁଇଟି ଆଙ୍ଗୁଠି ହରାଇଥିଲେ । ୪ ମାସ ପର୍ଯ୍ୟନ୍ତ ଡାକ୍ତରଖାନାରେ ଚିକିତ୍ସିତ ହେବା ପରର କିଛିଦିନ ପରେ ତାଙ୍କ ଭାଇଙ୍କର ମୃତ୍ୟୁ ହୋଇଥିଲା । ଏହି ଘଟଣା ସୂରଜଙ୍କ ପରିବାରରେ ଦୁଃଖର ପାହାଡ ଖସି ପଡିଥିଲା । କିନ୍ତୁ ସୂରଜ କେବେ ବି ହାର ମାନିନଥିଲେ । ଦୃଢ ମନୋବଳ ଯୋଗୁଁ ନିଜର ଲକ୍ଷ୍ୟ ହାସଲ କରିଥିଲେ ।
ୟୁପିଏସସି ପରୀକ୍ଷାରେ ସଫଳତା ପାଇଁ ସୂରଜ ଦିନକୁ ୧୮ରୁ ୨୦ ଘଣ୍ଟା ପଢୁଥିଲେ । ବିନା କୌଣସି କୋଚିଂ ଏବଂ ଏକ୍ସଟ୍ରା କ୍ଲାସ୍ ନ କରି ମଧ୍ୟ ସୂରଜ ଏଭଳି ସଫଳତା ହାସଲ କରିଛନ୍ତି ।
ସୂରଜଙ୍କ ସଫଳତାରେ ତାଙ୍କ ପରିବାରରେ ଖୁସିର ଲହରି । ତାଙ୍କ ବାପା ମାଆ କହିଛନ୍ତି, ପୁଅ ତାଙ୍କର ଭାରି ସାହାସୀ । ପୁଅ ଆଜି ସେମାନଙ୍କୁ ଗର୍ବିତ କରିଛି । ସୂରଜଙ୍କ ବାପା ପେଶାରେ ଜଣେ ଦରଜୀ ।
मैनपुरी के दिव्यांग सूरज तिवारी ने आईएएस की परीक्षा पहली बार में ही निकाल कर साबित कर दिया कि संकल्प की शक्ति अन्य सब शक्तियों से बड़ी होती है।
सूरज की इस ‘सूरज’ जैसी उपलब्धि के लिए हार्दिक बधाई और उज्ज्वल भविष्य के लिए अनंत शुभकामनाएँ! pic.twitter.com/RqslbzgEq8
— Akhilesh Yadav (@yadavakhilesh) May 24, 2023
ସୂରଜଙ୍କ ସଫଳତରେ ସମାଜବାଦୀ ପାର୍ଟିର ନେତା ଅଖିଳେଶ ଯାଦବ ଟ୍ଵିଟ୍ କରି କହିଛନ୍ତି, ଦିବ୍ୟାଙ୍ଗ ସୂରଜ ଆଇଏଏସ ପରୀକ୍ଷାରେ ପାସ୍ କରି ନିଜର ଶକ୍ତି ଏବଂ ଲକ୍ଷ୍ୟକୁ ହାସଲ କରିଛନ୍ତି । ସୂର୍ଯ୍ୟ ଭଳି ଚମକୁଥିବା ସୂରଜଙ୍କୁ ଅନେକ ଶୁଭେଚ୍ଛା ଏବଂ ଭବିଷ୍ୟ ପାଇଁ ଅନେକ ଶୁଭକାମନା ।
