ନୋଏଡାର ସେକ୍ଟର-୩୮ଏସ୍ଥିତ ଜିଆଇପି ମଲ୍ ଓ୍ଵାଟର ପାର୍କରେ ରବିବାର ଦ୍ୱିପ୍ରହରରେ ଏକ ବଡ଼ ଦୁର୍ଘଟଣା ଘଟିଛି । ଏଠାରେ ସାଙ୍ଗମାନଙ୍କ ସହ ଗାଧୋଇବାକୁ ଆସିଥିବା ଦିଲ୍ଲୀର ଜଣେ ଯୁବକଙ୍କ ସନ୍ଦେହଜନକ ମୃତ୍ୟୁ ଘଟିଛି । ମୃତ୍ୟୁର କାରଣ ଜାଣିବା ପାଇଁ ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି । ପରିବାର ଲୋକଙ୍କ ମୁତାବକ, ଯୁବକଙ୍କ ଶରୀରରେ ଆଘାତ ଚିହ୍ନ ରହିଛି । ପୋଲିସ ଏ ସଂକ୍ରାନ୍ତରେ ଓ୍ଵାଟର ପାର୍କର ପରିଚାଳକଙ୍କୁ ପଚରାଉଚରା କରୁଛି ।
ପୋଲିସ ସୂଚନା ଅନୁସାରେ, ୨୫ ବର୍ଷୀୟ ଧନଞ୍ଜୟ ମାହେଶ୍ୱରୀ ରବିବାର ସକାଳେ ନିଜ ସାଙ୍ଗମାନଙ୍କ ସହିତ ଜିଆଇପି ମଲ୍ସ୍ଥିତ ଏଣ୍ଟରଟେନମେଣ୍ଟ ସିଟି ଓ୍ଵାଟର ପାର୍କକୁ ବୁଲିବାକୁ ଆସିଥିଲେ । ଓ୍ଵାଟର ପାର୍କରେ ଧନଞ୍ଜୟ ଏବଂ ତାଙ୍କର ୪ ଜଣ ସାଙ୍ଗ କଷ୍ଟ୍ୟୁମ୍ ପିନ୍ଧିବା ପରେ ସ୍ଲାଇଡିଂରେ ପହଞ୍ଚିଥିଲେ । ସେଠାରେ ଜଣଙ୍କ ପରେ ପରେ ସ୍ଲାଇଡିଂ ଆରମ୍ଭ କରିଥିଲେ ।
ଯେମିତି ଧନଞ୍ଜୟ ସ୍ଲାଇଡିଂ କରି ତଳକୁ ଆସିଥିଲେ, ସେତେ ବେଳେ ତାଙ୍କୁ ନିଃଶ୍ୱାସ ନେବାରେ କଷ୍ଟ ହୋଇଥିଲା । ଏ ନେଇ ପାର୍କର ସୁରକ୍ଷା କର୍ମୀମାନେ ତୁରନ୍ତ ନିଜର ଉଚ୍ଚ ଅଧିକାରୀଙ୍କୁ ଜଣାଇଥିଲେ । ମାମଲାକୁ ଗମ୍ଭୀରତାର ସହ ନେଇ ଜିଆଇପି ମଲ୍ କର୍ତ୍ତୃପକ୍ଷ ଧନଞ୍ଜୟଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଇଥିଲେ । ହେଲେ ସେଠାରେ ତାଙ୍କୁ ଦେଖିବା ପରେ ଡାକ୍ତର ମୃତ ଘୋଷଣା କରିଥିଲେ ।
ଘଟଣାସ୍ଥଳରେ ଉପସ୍ଥିତ ଲୋକଙ୍କ କହିବା ହେଲା, ନିଃଶ୍ୱାସ ନେବାରେ କଷ୍ଟ ଅନୁଭବ ହେବାରୁ ଧନଞ୍ଜୟ ତଳେ ଆସି ବସି ପଡ଼ିଥିଲେ । ସେପଟେ ପରିବାର ଲୋକେ କହିଛନ୍ତି ଯେ ଧନଞ୍ଜୟଙ୍କ ଗୋଡ଼ ଓ ଅଣ୍ଟା ପାଖରେ ଆଘାତ ଚିହ୍ନ ରହିଛି, ଯାହାକୁ ନେଇ ସନ୍ଦେହ ସୃଷ୍ଟି ହେଉଛି ।
ଏସିପି ପ୍ରବୀଣ କୁମାର ସିଂ କହିଛନ୍ତି, ପୋଲିସ ସମସ୍ତ ଦିଗରୁ ମାମଲାର ତଦନ୍ତ କରୁଛି । ଯଦି ମାମଲାରେ କେହି ଦୋଷୀ ମିଳନ୍ତି, ତା’ ହେଲେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ପରିବାର ଲୋକଙ୍କୁ ଅଭିଯୋଗ ଦେବା ପାଇଁ କୁହାଯାଇଛି । କହି ରଖୁଛୁ, ଧନଞ୍ଜୟଙ୍କ ବାପା କେବୁଲ୍ କାମ କରନ୍ତି । ସେ କାମରେ ବାପାଙ୍କୁ ସାହାଯ୍ୟ କରୁଥିଲେ । ତେବେ ଏହି ଘଟଣା ଯେଉଁ ସମୟରେ ଘଟିଥିଲା, ସେହି ସମୟରେ ଓ୍ଵାଟର ପାର୍କରେ ପାଖାପାଖି ୧୦୦ ଲୋକ ଥିଲେ ।
ର୍ୟାପର ବାଦଶାହ ସାରା ବିଶ୍ୱରେ ଅନେକ ନାମ ଅର୍ଜନ କରିଛନ୍ତି । କେବଳ ଏତିକି ନୁହେଁ, ସେ ମ୍ୟୁଜିକ୍ ଇଣ୍ଡଷ୍ଟ୍ରୀରେ…
କଂଗ୍ରେସ ନେତା ରାହୁଲ ଗାନ୍ଧି ଇଭିଏମ୍କୁ ନେଇ ପ୍ରଶ୍ନ ଉଠାଇଛନ୍ତି । ଏହା ଭାରତର ଏକ ବ୍ଲାକ୍ ବକ୍ସ ବୋଲି…
ତାଳଚେର : କବାଟ ତାଡ଼ି ସୁନା ଲୁଟିନେଲେ ଦୁର୍ବୃତ୍ତ । ତାଳଚେର ବାଘମରାଠାରେ ହୋଇଛି ଏହି ଚୋରି । ଘରେ…
ବଲିଉଡ୍ ସୁପରଷ୍ଟାର ସଲମାନ ଖାନଙ୍କୁ ପୁଣି ମିଳିଛି ହତ୍ୟା ଧମକ । ଏହି ଘଟଣାରେ ମୁମ୍ବାଇ ସାଉଥ୍ ସାଇବର ଥାନାରେ…
ପୁରୀ : ବିଶ୍ୱ ପ୍ରସିଦ୍ଧ ରଥଯାତ୍ରା ଲାଗି ଜୋରସୋରରେ ଆଗେଇ ଚାଲିଛି ରଥ ନିର୍ମାଣ କାମ । ତିନି ରଥର…
ବର୍ତ୍ତମାନ ସମସ୍ତ ସ୍ଥାନରେ ପ୍ରବଳ ଖରା ହେଉଛି । ଲୋକମାନଙ୍କ ପାଇଁ ଏହି ଗରମ ସହିବ ବହୁତ କଷ୍ଟକର ହୋଇପଡିଛି…