ପ୍ରକୃତି ଛଡା ମଣିଷ ! ଅପହରଣ ମାମଲାରେ ଜେଲରୁ ଜାମିନ ପାଇବା ପରେ ସେହି ନାବାଳିକାକୁ ପୁଣି କଲେ ଦୁଷ୍କର୍ମ
ଅପହରଣ ମାମଲାରେ ଜେଲରୁ ଜାମିନ ଆସିବା ପରେ ପୁଣିଥରେ ନାବାଳିକାକୁ ଅପହରଣ କରିନେଇଛି ଅଭିଯୁକ୍ତ । ନାବାଳିକାକୁ ଅପହରଣ କରି ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଆଉ ପୋଲିସ ଏହି ମାମଲାରେ ଦୋଷୀକୁ ଗିରଫ ପୁଣି ଗିରଫ କରିଛି । ତେବେ ଏଭଳି ଚକିତ କଲାଭଳି ଘଟଣା ବିହାର ଭୋଜପୁର ଜିଲ୍ଲାରୁ ସାମ୍ନାକୁ ଆସିଛି ।
ସୂଚନା ମୁତାବକ, ଅଭିଯୁକ୍ତ ବୀରନାଥ ପାଣ୍ଡେ ବିହାରର ଭୋଜପୁର ଜିଲ୍ଲାରେ ରହୁଥିବା ବେଳେ ପୂର୍ବରୁ ଜଣେ ନାବାଳିକାକୁ ଅପହରଣ କରିଥିବା ମାମଲାରେ ଜେଲ ଯାଇଥିଲା । ଏହି ମାମଲାରେ ଜାମିନରେ ଫେରିବା ପରେ ପୁଣିଥରେ ସେହି ନାବାଳିକାକୁ ଅପହରଣ କରି ମାସେ ପର୍ଯ୍ୟନ୍ତ ଯୌନ ଶୋଷଣ କରିଥିଲା ।
ପୋଲିସ ନିକଟରେ ପୀଡିତା ନାବାଳିକାଙ୍କ ବାପା ମା ଅଭିଯୋଗ କରିଥିଲେ କି, କିଛିଦିନ ହେଲାଣି ତାଙ୍କ ଝିଅ ନିଖୋଜ ରହିଛି । ପୋଲିସ ବହୁତ ଖୋଜାଖୋଜି କରିବା ପରେ ନାବାଳିକାକୁ ଉଦ୍ଧାର କରିବା ପରେ ଅପହରଣକାରୀକୁ ଗିରଫ କରିଛି ।
କୋଇରୋନା ପୋଲିସ ଷ୍ଟେସନର ଇନ୍ସପେକ୍ଟର ମନୋଜ କୁମାର କହିଛନ୍ତି, ପୂର୍ବରୁ ଅପହରଣ ମାମଲାରେ ଗିରଫ ହୋଇଥିବା ପାଣ୍ଡେ ଜାମିନରେ ଯିବା ପରେ ନାବାଳିକା ଜଣକ ଶୌଚ କରିବା ସମୟରେ ତାଙ୍କୁ ଅପହରଣ କରିନେଇଥିଲେ । ଏହାପରେ ସେପ୍ଟେମ୍ବର ୨ରେ ନାବାଳିକାକୁ ଜଙ୍ଗୀଗଂଜ ଷ୍ଟେସନ ପାଖରେ ଛାଡି ଦେଇଥିଲା । ନାବାଳିକା ଜଣକ ସେହିଦିନ ପୋଲିସକୁ ଫୋନ କରି ଏହା ବିଷୟରେ ଖବର ଦେଇଥିଲେ । ପୋଲିସ ନାବାଳିକାକୁ ଉଦ୍ଧାର କରି ମେଡିକାଲ ଯାଞ୍ଚ କରିବା ବେଳେ ଦୁଷ୍କର୍ମ ହୋଇଥିବା ରିପୋର୍ଟରେ ପ୍ରକାଶ ପାଇଛି । ପୋଲିସ ଅପହରଣକାରୀ ବିରୋଧରେ ଦୁଷ୍କର୍ମ ଏବଂ ଅପହରଣ ପାଇଁ ଭାରତୀୟ ନ୍ୟାୟ ସଂହିତାରେ ପୋକୋସ ଅଧିନିୟମ ଅନୁଯାୟୀ ରିପୋର୍ଟ ଗ୍ରହଣ କରାଯାଇଛି । ଅପହରଣକାରୀକୁ ଗିରଫ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ ।
