ଦିଲ୍ଲୀ ମେଟ୍ରୋରେ ଅଶ୍ଳୀଳ କାମ କରୁଥିବା ଯୁବକଙ୍କୁ ମୋଷ୍ଟ ଓ୍ଵାଣ୍ଟେଡ ଘୋଷଣା କଲା ପୋଲିସ, ଜାରି କଲା ଫଟୋ

ଦିଲ୍ଲୀ ମେଟ୍ରୋରେ ଅଶ୍ଳୀଳ କାମ କରି ଫସିଲେ ଯୁବକ । ମେଟ୍ରୋ ଭିତରେ ମୋବାଇଲରେ ଭିଡିଓ ଦେଖି ଅଶ୍ଳୀଳ କାମ କରୁଥିବା ଯୁବକଙ୍କୁ ମୋଷ୍ଟ ଓ୍ଵାଣ୍ଟେଡ ଘୋଷଣା କଲା ଦିଲ୍ଲୀ ପୋଲିସ । ପରିଚୟ ଜାଣିବା ପାଇଁ ଜାରି କଲା ଫଟୋ ।

By Swagatika
delhi metro
Photo credit: News 18

ଦିଲ୍ଲୀ ମେଟ୍ରୋରେ ହସ୍ତମୈଥୁନ କରୁଥିବା ଯୁବକ ମୋଷ୍ଟ ଓ୍ଵାଣ୍ଟେଡ ଘୋଷିତ । ଦିଲ୍ଲୀ ପୋଲିସ ଏହି ଯୁବକଙ୍କ ଫଟୋ ଜାରି କରି ପରିଚୟ ଖୋଜୁଛି । ଗତ କିଛିଦିନ ତଳେ ଦିଲ୍ଲୀ ମେଟ୍ରୋ ଟ୍ରେନରେ ହସ୍ତମୈଥୁନ କରୁଥିବା ଏହି ଯୁବକଙ୍କ ଭିଡିଓ ଭାଇରଲ ସୋସିଆଲ ମିଡିଆରେ ଭାଇରଲ ହୋଇଥିଲା ।

ଦିଲ୍ଲୀ ମେଟ୍ରୋ ପୋଲିସ ଟ୍ଵିଟ୍‌ କରି କହିଛି, ଏହି ଯୁବକ ଜଣକ ଦିଲ୍ଲୀ ମେଟ୍ରୋରେ ଅଶ୍ଳୀଳ ହରକତ କରୁଥିଲେ । ଏବେ ଏଫଆଇଆର ନଂ ୦୨/୨୩ ଥାନା ଆଇଜିଆଇଏ ମେଟ୍ରୋରେ ଓ୍ଵାଣ୍ଟେଡ ରହିଛନ୍ତି । ଯଦି କିଏ ଏହି ବ୍ୟକ୍ତିଙ୍କ ବିଷୟରେ କିଛି ସୂଚନା ପାଆନ୍ତି, ତୁରନ୍ତ ଆଇଜିଆଇଏ ମେଟ୍ରୋ ୮୭୫୦୮୭୧୩୨୬ କିମ୍ବା ୧୫୧୧ କିମ୍ବା ୧୧୨କୁ ଫୋନ କରି ଜଣାଇବାକୁ ଅନୁରୋଧ । ସୂଚନା ଦେବା ବ୍ୟକ୍ତିଙ୍କ ପରିଚୟ ଗୋପନ ରଖାଯିବ ।

ସୂଚନାଯୋଗ୍ୟ, ସୋସିଆଲ ମିଡିଆରେ ଏକ ଭିଡିଓ ଭାଇରଲ ହୋଇଥିଲା । ଯେଉଁଥିରେ ଜଣେ ଯୁବକ ଦିଲ୍ଲୀ ମେଟ୍ରୋରେ ଯାତ୍ରା କରୁଥିବା ସମୟରେ ହସ୍ତମୈଥୁନ କରୁଥିଲେ । ଯାହାର ଭିଡିଓ ଭାଇରଲ ହୋଇଥିଲା । ୨୭ ସେକେଣ୍ଡର ଏହି ଭିଡିଓରେ ଯୁବକ ଙ୍କ ନିକଟରେ ଅନ୍ୟ ଜଣେ ଯୁବକ ଏବଂ ଯୁବତୀ ବସିଥିବା ବେଳେ ବ୍ୟକ୍ତି ଜଣକ କାହାକୁ ଖାତିର ନ କରି ମୋବାଇଲରେ ଭିଡିଓ ଦେଖି ଏପରି ହରକତ କରିଥିଲେ । ଦିଲ୍ଲୀ ପୋଲିସ ଏହାକୁ ନେଇ କାର୍ଯ୍ୟାନୁଷ୍ଠାନ ନେଇ ଆଇପିସି ଧାରା ୨୯୪ଅଧିନରେ ମାମଲା ରୁଜୁ କରିଛି ।

ତେବେ ଦିଲ୍ଲୀ ମେଟ୍ରୋରେ ଦିନକୁ ଦିନ ଅଶ୍ଳୀଳ ମାମଲା ସାମ୍ନାକୁ ଆସିଥିଲା ।  ପ୍ରେମୀଯୁଗଳ ଟ୍ରେନର ଚଟାଣରେ ବସି ପରସ୍ପରକୁ ଲିପ୍‌କିସ୍‌ ଦେଉଛନ୍ତି । ଆଉ ଟ୍ରେନରେ ଥିବା ଏତେ ଲୋକଙ୍କୁ ନେଇ ଲଜ୍ୟା ମଧ୍ୟ କରୁନାହାନ୍ତି । ଯାହାର ଭିଡିଓ ସୋସିଆଲ ମିଡିଆରେ ଭାଇରଲ ହୋଇଥିଲା । ଆଉ ଏହାପରେ ଦିଲ୍ଲୀ ମେଟ୍ରୋ ପକ୍ଷରୁ କଡା କାର୍ଯ୍ୟାନୁଷ୍ଠାନ ନିଆଯାଇଥିଲା । ଷ୍ଟେସନ ଏବଂ ଟ୍ରେନ ଭିତରେ ସୁରକ୍ଷା ପାଇଁ ଡିଏମଆରସି ସୁରକ୍ଷା କର୍ମୀ ନିୟୋଜିତ କଲେ । ତା’ ପରେ ମଧ୍ୟ ଲଗାତାର ଏଭଳି ଅଶ୍ଳୀଳ ଘଟଣା ଦେଖିବାକୁ ମିଳିଥିଲା ।