ଶାହାରୁଖ୍ ଖାଁଙ୍କ ଫିଲ୍ମରେ କାମ ଦେବା ବାହାନରେ ଝିଅ ଚାଲାଣ କରୁଥିଲା ଯୁବକ, ଧରାପଡ଼ିବା ପରେ କହିଲା ଏମିତି
ନୂଆଦିଲ୍ଲୀ : ବଲିଉଡ ଫିଲ୍ମ ଇଣ୍ଡଷ୍ଟ୍ରିଜର ଚାକଚକ୍ୟ ଆକର୍ଷଣରେ କେତେ ଲୋକ ଏଠାକୁ ନିଜର ଭାଗ୍ୟ ଗଢ଼ିବାକୁ ଆସିଥାନ୍ତି । ହେଲେ ଏହି ମାୟା ନଗରୀ କେତେ କଳାକାରଙ୍କ ଭାଗ୍ୟ ଗଢ଼ିଛି ତ କାହାକୁ ଧରାଶାୟୀ କରିଛି । ଏହି ମାୟାନଗରୀ ମାୟା ଦେଖାଇ ବହୁ ସରଳ ବ୍ୟକ୍ତିଙ୍କ ଫାଇଦା ଉଠାଇଛନ୍ତି ଏମିତି କିଛି ଧୋକ୍କେବାଜ ଲୋକ । ଶାହାରୁଖ ଖାନ୍ଙ୍କ ଫିଲ୍ମରେ କାମ କରାଇଦେବାକୁ କହି ଠକୁଥିବା ଜଣେ ବ୍ୟକ୍ତିକୁ ପୋଲିସ ଗିରଫ କରିବା ପରେ ବହୁ ତଥ୍ୟ ସାମ୍ନାକୁ ଆସିଛି ।
ଫିଲ୍ମ ନାଁରେ ଝିଅଙ୍କୁ ଫସାଉଥିଲା :
ସୂଚନାନୁସାରେ, ଯୁବକ ଜଣକ ପ୍ରଥମେ ସୋସିଆଲ ମିଡିଆରେ ଇଭେଣ୍ଟ ମ୍ୟାନେଜମେଣ୍ଟ ଭାବେ ନିଜର ପରିଚୟ ଦେଉଥିଲା । ପରେ ଅଭିଯୁକ୍ତ ଜଣକ ଶାହାରୁଖ ଖାନ୍ଙ୍କ ଫିଲ୍ମରେ କାମ କରାଇ ଦେବାକୁ କହି ସରଳ ଝିଅମାନଙ୍କୁ ଫସାଉଥିଲା । ପରେ ତାଙ୍କୁ ବିଭିନ୍ନ ସ୍ଥାନକୁ ଚାଲାଣ କରୁଥିଲା ।
GRP has rescued a 17-year-old who was trafficked from Palashipara, West Bengal to Mumbai with promise of providing roles in films with Shah Rukh Khan. The man, who lured the girl by posing as an event manager on social media, has been arrested: Dnyaneshwar Katkar, SI, Dadar GRP pic.twitter.com/zJnGfd6tJg
— ANI (@ANI) July 21, 2021
ମୁମ୍ବାଇ ପୋଲିସ ଦ୍ୱାରା ଯୁବକ ଗିରଫ :
ଏହି ଘଟଣାରେ ମୁମ୍ବାଇ ପୋଲିସ ଜଣେ ୧୭ ବର୍ଷ ବୟସ୍କା ଝିଅକୁ ଉଦ୍ଧାର କରିଛି । ଯାହାକୁ ଉକ୍ତ ଯୁବକ ପଶ୍ଚିମବଙ୍ଗର ପଲାଶୀପାରା ଅଞ୍ଚଳରୁ ଆଣିଥିଲା । ଯୁବକ ଜଣକ ପୂର୍ବରୁ ଏପରି ବହୁ ଝିଅକୁ ଆଣି ବିଭିନ୍ନ ସ୍ଥାନକୁ ଚାଲାଣ କରିଥିବା ସ୍ୱୀକାର କରିଛି । ଖାଲି ଶାହାରୁଖ୍ ଖାନ୍ ନୁହଁନ୍ତି ଏପରି ବହୁ ବଡ଼ ବଡ଼ ଫିଲ୍ମ ଅଭିନେତାଙ୍କ ନାମରେ ବହୁ ଠକ ଏପରି ସରଳ ଝିଅଙ୍କୁ ଫସାଉଥିବା ଜଣାପଡ଼ିଛି ।
