‘ଅନେଷ୍ଟି ଇଜ୍ ରେୟାର’: ଅଜଣା ଆକାଉଣ୍ଟରୁ ଟଙ୍କା ଆସିବାରୁ ଫେରସ୍ତ କଲେ ଯୁବକ, ଯାହା ବ୍ୟକ୍ତି ତାଙ୍କୁ ଆବଶ୍ୟକ ସମୟରେ ପଠାଇଥିଲେ
ବ୍ୟକ୍ତି ଜଣକ ୨୦୧ ଟଙ୍କା ଫେରସ୍ତ କରିଥିଲେ ଯାହାକି ତାଙ୍କ ଆକାଉଣ୍ଟକୁ ୧.୫ ବର୍ଷରୁ ଅଧିକ ସମୟ ପୂର୍ବରୁ କ୍ରାଉଡ୍ ଫଣ୍ଡିଙ୍ଗରୁ ଅନୁରୋଧ ଆସିଥିଲା। ଆବଶ୍ୟକତା ସମୟରେ ଅନ୍ୟମାନଙ୍କୁ ସାହାଯ୍ୟ କରିବା ହେଉଛି ସର୍ବଶ୍ରେଷ୍ଠ ଗୁଣ। ଯେତେବେଳେ ଆପଣ କାହାକୁ ଅଭାବ ସମୟରେ ଟଙ୍କା ଦେଇ ସାହାଯ୍ୟ କରନ୍ତି, ଆଶା କରନ୍ତି ନାହିଁ ଯେ ସେମାନେ ଟଙ୍କା ଫେରସ୍ତ କରିବେ। ତେବେ ଜଣେ ବ୍ୟକ୍ତି ଲିଙ୍କଡିନରେ ସେୟାର କରିଛନ୍ତି ଯେ ସେ ଦିନେ ଜଣେ ଅପରିଚିତ ବ୍ୟକ୍ତିଙ୍କଠାରୁ ଟଙ୍କା ପାଇଲେ।
କମଲ ସିଂ ନାମକ ବ୍ୟକ୍ତି ଲିଙ୍କଡିଇନରେ ସେୟାର କରିଛନ୍ତି ଯେ ସେ ଫୋନ୍ପେରେ ଜଣେ ଅଜଣା ବ୍ୟକ୍ତିଙ୍କଠାରୁ ୨୦୧ ଟଙ୍କା ପାଇଛନ୍ତି। ତେବେ ସେ ନିଜର ଚାଟ୍ ହିଷ୍ଟ୍ରି ଦେଖିବା ପରେ ଲକ୍ଷ୍ୟ କଲେ ଯେ ପ୍ରାୟ ୧. ୫ ବର୍ଷ ପୂର୍ବେ ସେ କିଛି ସୋସିଆଲ୍ ମିଡିଆ ପ୍ଲାଟଫର୍ମରେ ତାଙ୍କର କ୍ରାଉଡ୍ ଫଣ୍ଡ୍ ଅନୁରୋଧ ପଢ଼ିବା ପରେ ପରେ ଛୋଟ ସାହାଯ୍ୟ ଭାବରେ ଉକ୍ତ ବ୍ୟକ୍ତିଙ୍କ ନିକଟକୁ ଟଙ୍କା ସେଣ୍ଡ କରିଥିଲେ।
ଏହି ପୋଷ୍ଟରେ ସେ ଉକ୍ତ ବ୍ୟକ୍ତିଙ୍କ ସହ ଆଦାନ ପ୍ରଦାନ କରିଥିବା ବାର୍ତ୍ତା ମଧ୍ୟ ସେୟାର କରିଛନ୍ତି। ସେ ତାଙ୍କୁ ପଚାରିଲେ, ” ଆପଣଙ୍କ ମା’ କେମିତି ଅଛନ୍ତି?” ଲୋକଟି ଉତ୍ତର ଦେଲା, ସେ ଭଲ ଏବଂ ମୋର ବ୍ୟବସାୟ ମଧ୍ୟ ଭଲରେ ଚାଲିଛି। ସେ କହିଛନ୍ତି ଯେ ସେ ଆବଶ୍ୟକ ସମୟରେ ଲୋକଙ୍କଠାରୁ ନେଇଥିବା ସମସ୍ତ ଟଙ୍କା ଫେରସ୍ତ କରୁଛନ୍ତି। କମଲ ଏହି ପୋଷ୍ଟରେ ଲେଖିଛନ୍ତି ଯେ, ସେ ମାତ୍ର ମୋ ଠାରୁ ୨୦୧ ଟଙ୍କା ନେଇଥିଲେ ଯାହା ସେ ମୋତେ ଏତେ ବର୍ଷ ପରେ ଫେରସ୍ତ କରିଛନ୍ତି। ଏହା ତାଙ୍କର ଏକ ବଡ଼ ସଚ୍ଚୋଟତା। କମଲଙ୍କ ପୋଷ୍ଟ ଗୋଟିଏ ଦିନରେ ୭୮,୦୦୦ ରୁ ଅଧିକ ଲାଇକ୍ ପାଇଛି। ଅନେକ ଉପୋଭୋକ୍ତା କମେଣ୍ଟ କରିଛନ୍ତି ଓ ଏପରି ଲୋକଙ୍କ ଠାରୁ ଅନେକ କଥା ଶିଖିବାର ଅଛି ବୋଲି କହିଛନ୍ତି।
