ଦିଲ୍ଲୀ ଅଗ୍ନିକାଣ୍ଡ ମାମଲାରେ ପୋଲିସକୁ ବଡ଼ ସଫଳତା: ମୁଣ୍ଡକା ବିଲ୍ଡିଂର ମାଲିକ ମନୀଷ ଲାକ୍ରା ଗିରଫ
ନୂଆଦିଲ୍ଲୀ: ମୁଣ୍ଡକା ଅଗ୍ନିକାଣ୍ଡ କେସ୍ରେ ଦିଲ୍ଲୀ ପୋଲିସକୁ ବଡ଼ ସଫଳତା। ଦୁଇ ଦିନ ପୂର୍ବରୁ ମୁଣ୍ଡକାରେ ଯେଉଁ ବିଲ୍ଡିଂରେ ନିଆଁ ଲାଗିଥିଲା, ତାହାର ମାଲିକ ମନୀଷ ଲାକ୍ରାକୁ ଦିଲ୍ଲୀ ପୋଲିସ ଗିରଫ କରିଛି। ଆଉଟର ଡିସିପି ସମୀର ଶର୍ମାଙ୍କ ସୂଚନା ମୁତାବକ, ଆମେ ମନୀଷ ଲାକ୍ରାକୁ ଗିରଫ କରିଛୁ। ଚଢ଼ଉ ବେଳେ ସେ ଧରାପଡ଼ିଛି। ସୂଚନାଯୋଗ୍ୟ ଯେ ଅଗ୍ନିକାଣ୍ଡ ପରଠାରୁ ମନୀଷ ଲାକ୍ରା ଫେରାର ଥିଲା।
Mundka fire: Building owner Manish Lakra arrested
Read @ANI Story | https://t.co/CB88OZBuQh#MundkaFireTragedy #MundkaFire pic.twitter.com/5B3RLOTrIN
— ANI Digital (@ani_digital) May 15, 2022
ପ୍ରକାଶ ଯେ ମୁଣ୍ଡକାର ବାସିନ୍ଦା ମନୀଷ ଲାକ୍ରା ବିଲ୍ଡିଂର ଟପ୍ ଫ୍ଲୋରରେ ରହୁଥିଲା। ନିଆଁ ଲାଗିବା ପରେ ଏହି ବିଲ୍ଡିଂରୁ ୨୭ ଜଣଙ୍କ ମୃତ ଦେହ ମିଳିଛି। କିନ୍ତୁ ଏବେ ଯାଏଁ ଜଣାପଡ଼ିନଥିଲା ଯେ ଅଗ୍ନିକାଣ୍ଡ ବେଳେ ମନୀଷ ଲାକ୍ରା ବିଲ୍ଡିଂରେ ଥିଲା କି ନାହିଁ। ଏହା ପରେ ପୋଲିସ ପକ୍ଷରୁ ଦିଲ୍ଲୀ ଓ ହରିୟାଣାର କେତେକ ସ୍ଥାନରେ ଚଢ଼ଉ କରାଯାଇଥିଲା। ଶେଷରେ ମନୀଷକୁ ଧରିବାରେ ପୋଲିସ ସଫଳ ହୋଇଛି।
Delhi Mundka fire: Manish Lakra, owner of building where blaze killed 27, arrested#MundkaFireTragedy #MundkaFire https://t.co/qTHdjd5rIp
— India TV (@indiatvnews) May 15, 2022
ସୂଚନାଯୋଗ୍ୟ ଯେ ଏହି ବିଲ୍ଡିଂରେ ଗ୍ରାଉଣ୍ଡ୍ ସହ ତିନି ମହଲା ରହିଛି। ଗ୍ରାଉଣ୍ଡ, ପ୍ରଥମ ଓ ଦ୍ୱିତୀୟ ମହଲାରେ ଗୋଟିଏ କମ୍ପାନୀ ଚାଲିଥିଲା। ଏହି କମ୍ପାନୀର ମାଲିକ ହରିଶ ଗୋୟଲ ଓ ବରୁଣ ଗୋୟଲଙ୍କୁ ବି ପୂର୍ବରୁ ଗିରଫ କରାଯାଇଛି। ଏହି ନିଆଁ ଲାଗିବା ବେଳେ ଅଧିକାଂଶ ଲୋକ ବିଲ୍ଡିଂର ଦ୍ୱିତୀୟ ମହଲାରେ ଥିଲେ।
#JUSTIN:The owner of the Mundka building that caught fire on Friday lived with his family on the top floor, and escaped by jumping to the terrace of the adjoining building. Police have arrested Manish Lakra.@IndianExpress, @ieDelhi
— Mahender Singh Manral (@mahendermanral) May 15, 2022
ଶୁକ୍ରବାର ଦିନ ସର୍ବ ପ୍ରଥମେ ପ୍ରଥମ ତାଲାରେ ନିଆଁ ଲାଗିଥିଲା। ଏହି ଘଟଣାରେ ୨୧ ଜଣ ମହିଳାଙ୍କ ସମେତ ୨୭ ଜଣଙ୍କ ମୃତ୍ୟୁ ଘଟିଛି। ଏହି ଅଗ୍ନିକାଣ୍ଡ ପରେ ଏବେ ବି ୧୯ ଜଣ ନିଖୋଜ ଅଛନ୍ତି ଓ ସେମାନେ ଜୀବିତ ଥିବା ସମ୍ଭାବନା ବି କମ୍ ଥିବା ଆଶଙ୍କା କରାଯାଉଛି।
Also Read: ପୁଣି ଗ୍ରାହକଙ୍କ ଉପରେ ମହଙ୍ଗା ମାଡ଼: LPG ପରେ ଏବେ ୨ ଟଙ୍କା ବଢ଼ିଲା CNG ଦର; ଜାଣନ୍ତୁ ଏବେ କେତେ ହେଲା ଦାମ୍